Salmu 2:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã te ãne tinha: “Apito da, te ipisudu hã wa tô dasimasisizé ipire na hã tisã, Siã ẽtẽ 'rãihâ nhisi ĩte iwazéb zahi ãmamhã.”

Salmu 2:6 ပူးပေါင်းရင်းမြစ်များ

Salmu 45:6

'Re ida'a'madâ'â mono zé hã 'Re ihâimana u'âsi mono te te aima isõmri hã, te za õne u'â 're hâimana. Apito, a hã te sena na i'uwaibaba na si dama i'rãnho'õmo na hã 're aihâimana mo.

Salmu 78:68

Ta norĩ wa'rãmi, ma tô Zudaha hawi a'uwẽ si hã pisutu za'ra. Siã na ẽtẽ nhisi te te 're isawi pese mono ma tô duré pisutu.

Salmu 89:27

Wa za duré ĩ'ra ĩma ipoto'rata ne hã pisutu, ta hã. Duré uburé apito norĩ nhipai u dama sa'ẽtẽ na 're hâimana mono da hã wa za tãma pisutu.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Mateu 28:18

Tawamhã Zezusi hã ma tô 'râwi itẽme timorĩ za'ra oto. Taha wamhã, ma tô tãma nharĩ za'ra, ãne: — Ĩmama hã ma tô ĩma pisutu, isadawa para dama ĩpire na 're ĩhâimana mono da, ti'ai ãma, duré hâiwa ãma zama.

Éfézu 1:22

'Re ihâimana u'âsi mono hã ma tô Cristu hã pisutu, dama pire na 're hâimana mono da, isimipoto mono bâ. Ma tô duré Cristu hã pisutu, ropâ tinhib'a'uwẽ norĩ 'madâ'â'wa da, õhõ si uburé Danhib'apito dama 're hâimana mono wa. Wahâiba hã misi nherẽ, wahâiba na marĩ mono bâ wama 're ihâimana za'ra mono ne, te Cristu hã hâiba wasu'u, isib'a'uwẽ norĩ hã. Isib'a'uwẽ norĩ hã tãma 're hâimana za'ra mono wa, marĩ zô tiwi 're rowaptâ'â mono õ di, Cristuhu wi hã. Ta hã te ropâ 're hâimana u'âsi, uburé marĩ hã 're ihâimana za'ra mono zéb da hã, isadawa para.

Hebreu 12:22

Tazahã, a norĩ wa'wa hã tane 're aihâimana za'ra wa'aba mono õ di oto, ãhã na hã. 'Re ihâimana u'âsi mono u aipẽ'ẽ na 'râwi asina 're rob'umhutu za'ra wa'aba mono wamhã, hâiwa ãma Siã na ẽtẽ 'rãihâ nhisi u ne, ma tô 're irob'umhutu za'ra wa'aba mo. Duré hâiwa ãma Zeruzalẽ hã 'ri nho'õmo u ne, ma tô 're irob'umhutu za'ra wa'aba mo, 'Re ihâimana u'âsi mono 're isãmra u'âsi mono zéb u hã, hâiwa ãma tãma iromhuri'wa norĩ hã ahâ uptabi na, i'rata 're isi'ubumroi mono zéb u zama.

Apocalipsi 14:1

Tawamhã wa tô duré 'madâ. Te 'madâ'â wamhã, Pone'ẽrebâ hã wa tô 'madâ tô, da te dasiwi iwĩrĩ hã. Siã na ẽtẽ 'rãihâ nhisiwi te ta hã za. Duré 144 miu na dahâiba hã te isiré aimasam ni, isisi na i'uihâ ui'éré ré mono hã, duré Imama nhisi na zama i'uihâ ui'éré mono hã.