Salmu 2:2 - ꞌRe Ihâimana Uꞌâsi Mono Zadawa Wasuꞌu

² Ti'ai ãma isib'apito norĩ hã, duré dama i'rãnho'õmo norĩ hã te Uburé Danhib'apito zada te te sima 're rowa'õtõ za'ra, duré za apito te te ipisutu da zama.

Salmu 2:2 ပူးပေါင်းရင်းမြစ်များ

Salmu 110:5

Uburé Danhib'apito te asimire niwĩ asababamhã 're sãmra. Ta hã te za isiti'rui watobrozé bâtâ na apito norĩ hã ahâpâ pese.

Salmu 2:10

Tahawa, apito norĩ, ma'ãpé asimiza'rese 're aihâimana za'ra wa'aba mono. Dama ipire norĩ, ma'ãpé ipire na te aima iwaihu'u za'ra wa'aba zém na 're asi'madâ'â pese za'ra wa'aba mono.

Salmu 45:7

Dawẽ na 're idanomro mono zép si, te 're isawi u'âsi mo. Dawasété na 're idanomro mono zép si hã te 're i'ruiwapari u'âsi mo. Tahawa, ate 'Re ihâimana u'âsi mono ma tô aipisutu. Taha zarina ma tô robzezé hã te te aima 're anhomri, uburé ti'ai ãma danhib'apito 're ihâimana za'ra mono norĩ nhipai u hã.

Salmu 89:20

Ĩnhib'a'uwẽ Dawi, si'apito da hã, wa hã wa tô pisutu. Wa tô rob'rãi wa'u to iwazéb zahi na hã 'rãti'i.

Ezodu 16:7

Awẽ wi mararé te za Uburé Danhib'apito hâiba na rowa'a hã i'madâ'â za'ra wa'wa, iwẽ uptabi hã. E marĩ wa. Sada aihâimana za'ra wa'aba wa, tãma i'aiwapsari za'ra wa'aba zé hã te te wapari wa. Wazada hã aihâimana za'ra wa'aba õ di. Õhõ da, aihâimana za'ra wa'aba wa, ma tô aiwapsari za'ra wa'wa. E marĩ 'manharĩ'wa pâ bété, wa norĩ hã wama i'aiwapsari za'ra wa'aba da hã.

Provébiu 21:30

Ti'ai ãma rowaihu hã duré da'rã nhimiza're hã, Uburé Danhib'apito da hã siptete waihu'u õ di.

Mateu 2:16

Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha.

Mateu 26:3

Tawamhã sasedoti ipire norĩ hã, duré zudeu norĩ ma roti'wa norĩ hã ma tô si'rã'õtõ, Caifasihi nhorõwa u, 'ri za'ẽtẽ u. Ta hã tisiré norĩ nhipai u sasedoti ipire uptabi 're ihâimana mono, 'Re ihâimana u'âsi mono ma, da'ãma romhuri'wa.

Mateu 26:59

Tawamhã sasedoti ipire norĩ hã, duré uburé zudeu norĩ ma roti'wa norĩ hã, te ni'wam norĩ zô tinhopré, Zezusi hã marĩ te te 're i'ab'manharĩ wasété mono zém na, sadawa nhipese na te te siwi ãma hiri da, tawapsi romanu norĩ hã te te siwi wĩrĩ da.

Mateu 27:1

Tawamhã mararé ma uburé sasedoti ipire norĩ hã, duré zudeu norĩ ma roti'wa norĩ hã si'rã'õtõ, te te sima ãma roti za'ra da, Zezusihi ãma, te te dama sõmri za'ra da, da te dasiwi wĩrĩ da. Taha da, te roti hã sima 'manharĩ za'ra, Zezusihi hâiba na.

Luca 13:31

Tawamhã Zezusi hã te te apo're pu'u parip si, awa'awi ma tô itẽme 'maihaihutu, farizeu norĩ hã. Tahawa, ma tô Zezusihi ma rob'ru za'ra, ãne: — Mo oto ã hawi aimorĩ. E marĩ wa. Apito Erodi hã ma tô sima aiwẽ, da te dasiwi aiwĩrĩ da.

Zuwã 1:41

Tawamhã tidub'rata zô te mo, Ãdré hã. Te te sãmri wamhã, ãne te tãma rowasu'u: — Danho'reptui'wa hã wa tô sõpẽtẽ ni, 'Re ihâimana u'âsi mono te te ipisudu hã. Danho'reptui'wa hã ta hã “Cristu”, damreme amo na hã.

Zuwã 15:23

Wa hã da te dasiwi 're ĩ'ruiwapari mono wamhã, ĩ'u'âbâ te za duré Ĩmama hã da te dasiwi 're 'ruiwapari.

Zuwã 3:34

Ti'ra we te te satõrĩ wamhã, ma tô Tipẽ'ẽzani hã tãma tisõ, iré 're morĩ u'âsi da. Tahawa, te Timama nhimiroti si te te dama 're wasu'u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:38

'Re ihâimana u'âsi mono hã ma tô Tipẽ'ẽzani hã tãma tisõ, Zezusihi ma, Nazaré ãma aré 're isãmra mono ma. Tiwaihu'u pese zama ma tô tãma tisõ. Tahawa, wasiré Izaraéu nhihudu norĩ nhipti'ai wa'wai baba, ma tô 're mo, marĩ iwẽ hã te te dama 're ab'manharĩ mono da, dama i'manharĩ waihu'u'õ hã. Duré, Wa'uburé nhimiwada'uri nhiptete zarina 're ihâimana siwamnarĩ za'ra mono norĩ hã ma tô te te 're apese. Ãne ma tô iwẽ hã te te dama 're ab'manharĩ, Imama hã isiré 're morĩ u'âsi wa, 'Re ihâimana u'âsi mono hã. Ãne Zezu Cristu 're ihâimana mono zém na ma tô iwaihu'u za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:4

Tahawa, ma tô waptãrã, ti'ai wa. Ni'wai mreme hã ma tô duré wapa. Ãne te ãhã wamhã 'mahâ: — Saulu. Saulu. E marĩ wa, te ĩwi 're irowasutu u'âsi mo.

Hebreu 1:9

Uburé marĩ iwẽ hã da te 're i'manharĩ za'ra mono si, aima wẽ uptabi di. Duré uburé marĩ iwasédé hã da te 're i'manharĩ za'ra mono si, ma tô da'ãma 're i'a'ruiwapari mo. Tahawa, wa hã 'Re ihâimana u'âsi mono, Asib'apito hã wa tô aipisutu, uburé asiré 're ihâimana za'ra mono norĩ nhipai u, aipire na tãma 're aihâimana za'ra mono da, duré ãne zarina ãma 're atoi u'âsi mono da.”