Salmu 2:1 - ꞌRe Ihâimana Uꞌâsi Mono Zadawa Wasuꞌu

¹ E marĩ da, te a'uwẽ norĩ, 'Re ihâimana u'âsi mono na rosa'rada hã te te sima 're 'manharĩ wasété za'ra. E marĩ da, te simiza'rese ãna tarére na rosa'rada hã te te sima 're 'manharĩ za'ra.

Salmu 2:1 ပူးပေါင်းရင်းမြစ်များ

Mateu 21:38

Tawamhã wisi wamhã, buru 'madâ'â'wa norĩ hã te te duré sima sãmri za'ra wamhã, te ãne sima 'mahârâ za'ra: “Õhõta buru tede'wai 'ra hã te wei mo, timama uirĩ na buru tede'wa da hã. Wa te wasiwi wĩrĩ aba, buru hã wate za'ra da.” Ãne ma tô sima 'mahârâ za'ra, buru 'madâ'â'wa norĩ hã.

Luca 18:32

Te za, u, dasiwi ĩ'âri ni, zudeu'õ norĩ ma, da te dasiwi ĩhâiba nhomri da. Te za, u, ĩ'ãma tawa'ẽ za'ra ni duré, zudeu'õ norĩ hã. Te za, u, ĩ'ãma wasété za'ra. Tizadaipro na te za, u, nasi siwi ĩ'uptob za'ra.

Luca 22:5

Ãhã wamhã, imreme te te wapari za'ra wamhã, tãma rowẽ za'ra di. Tahawa, te tãma ropisutu za'ra, rob'uiprazé te te tãma sõmri za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:22

Tawamhã õhõ na si ma tô da'ahâ na ãma tasisaze za'ra ni, Paulu norĩ ma, rowasédé hã da te dasiwi 'manharĩ za'ra da. Tawamhã apito norĩ hã ma tô da'wapéi'wa norĩ ma 'ru za'ra, Paulu norĩ uza hã te te tiwi hâiwazu za'ra da, Silaha me. Tahawa, ma tô sa'ẽtẽ tiwi hâiwazu zahuré ni, i'uza hã. Wedehu na te duré da te 're pré'é zahuré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:33

Tawamhã dama roti'wa norĩ hã ãne te te wapari za'ra wamhã, ma tô sada tizahi za'ra. Tahawa, ma tô sima ãma roti za'ra, te te dama 'ru za'ra da, da te dasiwi simro da.

Apocalipsi 17:14

Te za duré ropoto siwamnarĩ siré siwi 'wapé, Pone'ẽrebâ hã. Tane nherẽ, te za Pone'ẽrebâ hã ãma ai'uté za'ra. Ta hã Pone'ẽrebâ danhipai u Uburé Danhib'apito uptabi na 're hâimana mono wa, duré danhipai u dama pire na 're hâimana mono wa, te za ãma ai'uté za'ra. Ni'wam norĩ hã isirã zarina si 're nomro mono da, Pone'ẽrebâ te te 're i'apisutu mono norĩ hã, duré simi'ẽ na õhõ ãma si 're inomro mono norĩ hã, te za Pone'ẽrebâ siré ãma ai'uté za'ra, ropoto siwamnarĩ norĩ ãma hã.