Salmu 16:3 - ꞌRe Ihâimana Uꞌâsi Mono Zadawa Wasuꞌu

³ 'Re ihâimana u'âsi mono ma, 're isisõmri u'âsi za'ra mono norĩ si hã danhipai u tô sena iwẽ uptabi. Ta norĩ siré 're ĩhâimana mono da si, ĩma iwẽ hã.

Salmu 16:3 ပူးပေါင်းရင်းမြစ်များ

Salmu 119:63

Uburé te te siwi 're i'aiwazéb za'ra mono norĩ siwaihu'u na, duré asimiroti si te te 're iwapari pese za'ra mono norĩ siwaihu'u na wa duré 're ĩhâimana.

Provébiu 12:26

Sena na 're ihâimana mono hã te za tisiré zaprõni wẽ 'wa na 're hâimana. Tane nherẽ, iwasété norĩ hã te tihâimanazém na 're sisimini za'ra.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 8:31

Te te i'aropoto mono zém na hã ma tô ãma ĩma te te 're arowẽ zani, a'uwẽ norĩ na zama, uburé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:13

Tawamhã Anania te asa tãma tinha, ãne: — Ĩnhib'apito, da'ahâ na ma tô ĩma wasu'u za'ra ni. Õ hã, u, Zeruzalẽ ãma ma tô iwasédé hã te te ãma 're ab'manharĩ, asazei'wa norĩ ãma.

Galata 6:10

Ãne wa, wama iwaihu'u pese zarina, wa za dahâiba mono bâ marĩ iwẽ na, wa te 're dapawaptob za'ra. Wa te 're idapawaptob za'ra mono zém nhipai u, wa za wasiré isazei'wa norĩ hã marĩ iwẽ na 're wasipawapto pese za'ra.

Éfézu 1:1

Wa hã Paulu, Cristu Zezusihi zadawa wasu'u'wa, wa 're ĩhâimana, 'Re ihâimana u'âsi mono te te sima ĩwẽzéb zarina. Tahawa, wa ãma aima rob'ui'éré za'ra wa'wa, Éfézu na 'ri nho'õmo nhisi ãma, 'Re ihâimana u'âsi mono nhib'a'uwẽ, 're i'aihâimana za'ra wa'aba mono norĩ ma. A norĩ wa'wa hã ma tô õne u'â Zezusihi ãma si 're anomro aba mo, aihâimana nhiptete sina.

Titu 3:8

Te aima irowasu'uzé hã tô sena. Tahawa, te za isazei'wa norĩ ma 're i'aroti mo, marĩ wẽ na te te 're dapawaptob u'âsi za'ra mono da. Te aima 're irowasu'u mono zé hã wẽ uptabi di, dama 're irowẽ za'ra mono zéb da hã.

Hebreu 6:10

'Re ihâimana u'âsi mono hã taré te te dama 're aropisutu mono õ di. I'uwaibaba si te uburé marĩ hã te te dama 're ab'manharĩ, te te dawi ãma 're a'upai mono ãna. Tahawa, tãma 're iromhuri za'ra wa'aba mono zém na hã ãma 're po're si'âri waihu'u mono õ di za. Isib'a'uwẽ norĩ hã tãma 're ipawaptob za'ra wa'aba mono zém na hã, duré tãma 're isawi pese za'ra wa'aba mono zém na hã, ãma po're si'âri waihu'u õ di za. Te za tô ãma 're sipo're pu'u u'âsi, ta norĩ ãma hã.