Salmu 140:5 - ꞌRe Ihâimana Uꞌâsi Mono Zadawa Wasuꞌu

⁵ Aibâ 'râwi 're isi'madâ'â ze za'ra mono norĩ, ma tô abaze mramizém na ne ĩzada siwi ãma rob'manha. Duré wasété uptabi na si 're ihâimana za'ra mono norĩ, ma tô ĩnhibâdâdi wa abazipara na ãma siwi ro'razâ, taha na te te ãma siwi ĩ'âri da.

Salmu 140:5 ပူးပေါင်းရင်းမြစ်များ

Salmu 119:110

Iwasété norĩ abaze mramizém ne na te te siwi ãma ĩ'âri da hã ma tô niha na ĩ'ãma sima rowairébé za'ra. Tane nherẽ, asimiroti wi hã ĩsipi'rai õ di.

Salmu 119:69

'Râwi 're isi'madâ'â ze za'ra mono norĩ hã ma tô ĩnhisi na taré sadawanhipese na te te 're robzanhamri za'ra. Tane nherẽ, wa tô wa hã asimiroti si ĩpẽ'ẽ 'remhã te 're iwapari pese mono na hã 're ĩhâimana.

Salmu 119:85

Isi'madâ'â ze norĩ te te ãma siwi ĩ'âri da hã, ma tô ĩzô te te siwi 're ab're, asimiroti zarina 're inomro mono õ norĩ hã.

Salmu 36:11

'Râwi 're isi'madâ'â ze za'ra mono norĩ te te siwi ĩwati'i da hã tãma ĩhâiba za'ré za'ra tõ. Duré wasété na 're inomro mono norĩ ma, ĩhâiba za'ré za'ra tõ, te te siwi ĩzamarĩ da, tiwi ĩwara za'ra da hã.

Provébiu 24:15

Iwasété norĩ te te 're i'manharĩ za'ra mono ne, a hã, sena na 're ihâimana za'ra mono norĩ nhorõwa tiwi 're arési mono da hã, asima 're ai'aba'réi mono tõ, duré sada 're asiwamnhasi mono tõ, asimirosa'rata na hã.

Provébiu 29:5

Ni'wa tisiwaihu'u ma, timreme wazidi na senai'õ na, te te 're robzanhamri mono wamhã, te za 'râwi ãma 're simrami, niha timreme na hã.