Salmu 132:9 - ꞌRe Ihâimana Uꞌâsi Mono Zadawa Wasuꞌu

⁹ Ate sasedoti norĩ, õne u'â marĩ i'uwaibaba na si te te 're i'manharĩ za'ra mono da si, iwẽ hã! Duré aima romhuri'wa norĩ, sena na ai'ãma si 're inomro mono hã rowẽ te, sa'ẽtẽ sadari sina hârâ 'rãihâ na te te sima 're iromhu'u za'ra mono da si, iwẽ hã!

Salmu 132:9 ပူးပေါင်းရင်းမြစ်များ

Salmu 104:1

Uburé Danhib'apito, ĩpẽ'ẽ na wa ĩnho're na ai'ãma si 're ĩwata! Ĩte Uburé Danhib'apito 'Re ihâimana u'âsi mono, e niha tô sena i'asa'ẽtẽ uptabi! Da'uza wẽ na 're idasi'uza za'ra mono ne, te õne u'â aiwaihu'u pese na duré aiwẽ uptabi na 're aihâimana mo.

Salmu 132:16

Sasedoti iwa te te 're irob'ma'wamarĩ mono norĩ hã wa za iwẽ hã te tãma 're pisutu za'ra, wẽ na te te 're romhuri za'ra mono da. Tahawa, sena na tame iwa 're idahâimana za'ra mono norĩ te za da te ãma dasima 're romhu'u za'ra, dama irowẽ za'ẽtẽ za'ra zarina.

Salmu 47:1

Uburé a'uwẽ norĩ, rowẽ te, ma'ãpé asib'ratap to'o za'ra wa'aba! Asõ're 'rãihâ na, 'Re ihâimana u'âsi mono ãma aiwata za'ra wa'aba.

Roma 13:14

Siwa'ru 'râwi asima iwẽzéb zarina, aipẽ'ẽ 're asimirosa'rata wasété aba na ãma 're rosa'rata za'ra wa'aba mono õ di za. Wanhib'apito Zezu Cristu 're imorĩzém na si te za oto 're aihâimana za'ra wa'aba mo, isine.

1 Pedru 5:5

Ipréduptém norĩ, iprédum norĩ mreme si te za 're iwapari pese za'ra wa'aba mo. Isazei'wa norĩ, aihĩni te za romhuri na 're asipawaptob za'ra wa'aba mo, aipire na 're asi'madâ'â za'ra wa'aba mono ãna. Duréihã ãne na ma tô rob'ui'éré, 'Re ihâimana u'âsi mono zadawa 'mahârâ'wa hã: “Dapire na 'râwi 're idasi'madâ'â ze za'ra mono norĩ da si, te za 're hâimana, 'Re ihâimana u'âsi mono hã. Dapire na 'râwi da te dasi'ãma 're irosa'rata za'ra mono õ norĩ si, te za te te 're apawaptob u'âsi.”

Apocalipsi 19:8

Za ãma imro ma hã, ma tô 'Re ihâimana u'âsi mono hã tãma tisõ, i'uzazé hâirã wẽ uptabi hã, ãma isi'uza da hã. Ãma imro da uzazé hã 'Re ihâimana u'âsi mono nhib'a'uwẽ te te 're iromhuri wẽ za'ra mono zé, te wasu'u.

Zuize 5:31

Uburé Danhib'apito, uburé asitob'ru norĩ si'utõrĩ. Tane nherẽ, asiwaihu'u norĩ te te 're irowa'a pese za'ra mono da si iwẽ hã, bâdâ 're pusi mono wi ro'o nhiptete na te te 're irob'uiwẽ mono ne hã! Tawamhã ti'ai wa'õtõ nho'õmo 'remhã 40 na wahum na, rowẽ na si ma tô oto 're romhâimana.