Salmu 103:7 - ꞌRe Ihâimana Uꞌâsi Mono Zadawa Wasuꞌu

⁷ Ta hã, niha na te te sima irowa'õtõzé hã Mozésihi ma, ma tô tãma hâi'ré. Ma tô duré tiwaihu'u pese na tinhimi'manharĩzé hã Izaraéu nhihudu norĩ ma hâi'ré, ta norĩ te te siwi 'madâ'â da hã.

Salmu 103:7 ပူးပေါင်းရင်းမြစ်များ

Neemia 9:14

A hã ma tô duré sabadu iwazéb zahi na te te 're i'madâ'â za'ra mono zéb da hã tãma iroti za'ra. Ma tô duré asimiroti na rob'ui'éré hã tãma isõmri za'ra, Mozésihi nho'õmoi baba.

Salmu 78:11

I'ubu nho'a za'ra, marĩ iwaihu'u'õ te te tãma 're i'ab'manharĩ mono zém na hã ma tô duré ãma po're ha'âri pese za'ra.

Salmu 78:5

Uburé Danhib'apito, ma tô Izaraéu nhihudu norĩ ma, tinhimiroti hã tãma sõmri za'ra, Zacoho nhihudu norĩ ma hã. Wahi'rata norĩ ma hã ma te duré tãma waihu'u za'ra, isimiroti na ti'ra norĩ ma, te te ãma tãma 're rowasu'u za'ra mono da,

Ezodu 19:20

Tawamhã Uburé Danhib'apito Sina'i na ẽtẽ nhisi u ma tô si'ra. Te te si'rai wamhã, ma tô Mozési hã 'mahâ, itẽme morĩ da 'râwi. Tahawa, te te itẽme sai'uri wamhã,

Ezodu 19:8

Tawamhã uburé ma tô aiwapsi ãma sada'âbâ za'ra ni ãne: — Uburé Danhib'apito te te iwaihu'uzé hã, wa za tô wasiwi 'manharĩ ni uburé. Tawamhã Mozési, da te ãma isada'âbâ za'ra zém na hã, ma tô Uburé Danhib'apito ma hã ãma tãma siri apâ.

Ezodu 20:21

Tawamhã romhâ na te aimasam ni. Mozésihi si te hâiwa 'rãdâ'â ãma 'Re ihâimana u'âsi mono ihâimanazéb u 'râwi itẽmemhã sina rotété.

Ezodu 33:13

Ãne hã tô sena ĩwẽsãmri wamhã, 're irowa'õtõ mono zé hã ĩma wasu'u na, te aiwaihu'u pese da, duré 're ĩwẽsãmri mono zém na hã te ĩsina 're uwaimrami u'âsi mono da. Ma'ãpé ã a'uwẽ norĩ asib'a'uwẽ 're ihâimana za'ra mono na hã ãma aipo're pu'u.