Salmu 103:4 - ꞌRe Ihâimana Uꞌâsi Mono Zadawa Wasuꞌu

⁴ Õ hã ma tô te te 're ĩnho'reptui u'âsi, ab're 're, adâ da te 're iséme mono zé wi. Duré tinhimizawizéb zarina ĩ'ãma 're siwamri mono wa, te iwẽ si te te ĩma 're anhomri.

Salmu 103:4 ပူးပေါင်းရင်းမြစ်များ

Zenezi 48:16

Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Salmu 103:12

Bâtâ pusizém niwĩ ti'a, bâtâ zasizém niwĩ ti'ai me romhâ uptabi na siwi 're isa'wari zahuré mono ne, tane te wawasédé hã romhâ na wanhiti te te wama 're azatõrĩ.

Salmu 34:22

Uburé Danhib'apito, te tinhib'a'uwẽ norĩ pẽ'ẽzani hã te te 're anho'reptu. Duré i'wawi 're isimapa za'ra mono zéb zô 're isõpré mono norĩ si, te za tinhimihâzé hã te te tãma 're aba'a.

Salmu 5:12

Uburé Danhib'apito, asimiroti wapari pese 'wa norĩ ma hã te iwẽ si tãma 're i'apisutu u'âsi mo. Duré asimizawi pese zéb zarina te ibaihâ zapoto 'manharĩ na dasi'wawi 're idasimapa za'ra mono ne i'wawib za'ra hã 're aimapa mo, ta norĩ 'wawi.

Salmu 8:5

A hã, a'uwẽ asahâpâp si pire prã na 're hâimana za'ra mono da hã, ma tô i'a'manha. Duré marĩ ma, pire na siptete na sidanhib'ihâ'a za'ra da hã, ma tô tãma isõmri za'ra.

Tiagu 1:12

Wa za duré ãne aima waihu'u za'ra wa'wa. Marĩ ahâ na dazada 're hâimana za'ra mono wamhã, 'Re ihâimana u'âsi mono hã ro'wa'rudu hã te te dama 're ba'a za'ra mono õ nherẽ, te za danhiptete sina ãma 're dahâimana u'âsi za'ra. Ãne wamhã, 'Re ihâimana u'âsi mono hã te za ãne na da'awaihu'u. Tawamhã isawi pese 'wa 're dahâimana za'ra mono wa, te za tãma wa'âbâ za'ra oto, rowẽ uptabi na, i'rata 're idahâimana u'âsi za'ra mono zém na, te te dama iropisutuzéb zarina. Tawamhã dama 're rowẽ uptabi za'ra mono di za.

1 Pedru 5:4

Tawamhã Da'madâ'â'wai uptabi hã apâ wei morĩ wapsi, tãma 're idapawapto wẽ za'ra wa'aba mono zé wa'rãmi, te za oto aima wa'âbâ za'ra wa'wa, iwẽ uptabi na, si'utõrĩ'õ na oto aima 're hâimana u'âsi za'ra wa'aba mono da.

Apocalipsi 5:9

Tawamhã ta norĩ hã te Pone'ẽrebâi ma tinho're za'ra, tinho're itém na. Ãne te tãma tinho're za'ra: “A hã ma tô dasiwi aiwĩrĩ ni. Ma tô dazada hã atâ. Dazada atâ'âzém na ma tô ida'awa'â, dawasédé hã dama 're apari mono da ãma, 'Re ihâimana u'âsi mono nhib'a'uwẽ oto 're danomro mono da. Dapoto mono bâ a hã ma tô ida'awa'â, damreme sipo'o mono bâ 're idahâimana za'ra mono hã. Danhipai u aiwẽ uptabi di, a hã. Aiwaihu'u pese uptabi di duré. Tahawa, te aiwétési sada hã aihâiba, ibaihâ isinhai ré i'âri da hã, duré i'uptobzé hã aprub da.