Salmu 100:3 - ꞌRe Ihâimana Uꞌâsi Mono Zadawa Wasuꞌu

³ Ma'ãpé, Uburé Danhib'apito ãma 're aipo're pu'u za'ra wa'aba mono, ta hã 'Re ihâimana u'âsi mono wa. Ta hã ma tô te te 're wa'apoto. Tahawa, wa ite na tãma 're wahâimana za'ra. Duré isib'a'uwẽ na wa tãma 're wahâimana za'ra, ite pone'ẽrebâ ne.

Salmu 100:3 ပူးပေါင်းရင်းမြစ်များ

Salmu 119:73

'Re ihâimana u'âsi mono, asib'rata na ma tô ĩpo. Ma'ãpé tahawa, ĩ'rã nhimiza'resezé hã ĩma sõmri, asimiroti te ãma iwaihu'uzéb da hã.

Salmu 78:52

Taha pari, pone'ẽrebâ 'madâ'â'wa tinhimizama te te 're isimroi mono ne, ma tô 'Re ihâimana u'âsi mono, Izaraéu nhihudu norĩ hã Ezitu hawimhã te te simro, rop si 're irosa'wari mono wa'waibaba.

Salmu 95:3

E marĩ wa. 'Re ihâimana u'âsi mono hã sa'ẽtẽ uptabi di. Duré Apito isa'ẽtẽ uptabi uburé ihâiba'õ norĩ nhisiwi 're isãmra mono.

Ezodu 6:7

Ĩnhib'a'uwẽ na 're anomro aba mono da, wa za ãne hã aima 'manharĩ za'ra wa'wa. Tawamhã wa hã ate za'ra wa'wa 'Re ihâimana u'âsi mono na wa za oto 're ĩhâimana. Duré tawamhã wa hã Uburé Danhib'apito, ate wa'wa 'Re ihâimana u'âsi mono, ezipsiu norĩ ma 're iromhuri za'ra wa'aba mono zém hawi te i'asõ'reptu za'ra wa'aba na hã te za oto tô a norĩ wa'wa asiwi ĩwaihu'u 'wa.

Zuwã 17:3

A hã misire Danhib'apito uptabi. Wa hã Zezu Cristu Danho'reptui'wa da, ĩpisudu, we datẽme ĩzatõrĩ. Ãne na, da te 're wawaihu'u za'ra mono wa, da te 're wazazei pese za'ra mono wamhã, robzei u'âsi te za ĩ'ãma 're danomro. 'Re dadâ'â za'ra mono ãna, te za duré 're dasi'ubumroi u'âsi, hâiwa ãma.

2 Corĩtu 4:6

Duréihã ropoto na'rata hawimhã, 'Re ihâimana u'âsi mono ma tô tinha, ãne: “Ãhã na hã robra si 're asa'wari mono nherẽ, oto airowa'a na.” Ãne te tinha. Tane ma tô duré wapẽ'ẽ 're, te te wama 're arowa'a oto, isadawa wasu'u hã wa te oto ãma 're iwaihu'u pese za'ra mono zéb da hã. Cristu hã ma tô wama waihu'u za'ra, Imama 're imorĩ wẽ uptabi na hã.

Éfézu 2:10

Cristu Zezusihi ãma 're wanomro mono wa, ma tô 'Re ihâimana u'âsi mono hã wama sõmri za'ra wahâimanazé ité hã, wa te ãma dama 're rob'manharĩ wẽ za'ra mono da, duré iwẽ na wa te 're dapawaptob za'ra mono da ãma, te te wa'ãma iroti siromo zéb zarina.

1 Pedru 2:25

Rowẽ na 're aihâimana za'ra wa'aba mono õ di aré, pone'ẽrebâ, bâdâdi nhiti 're isipa za'ra mono ne, 're anomro aba mono wa aré. Ãhã na ma tô apâ aipizari za'ra wa'wa, Da'madâ'â wẽ 'wai u, isarina si oto 're anomro aba mono da, rowẽ na.

1 Pedru 2:9

Tanei õ di, a norĩ wa'wa hã. 'Re ihâimana u'âsi mono, ma tô sima aipisutu za'ra wa'wa, isib'a'uwẽ si oto tãma 're anomro aba mono da. Sasedoti norĩ hã te te sima 're i'apisutu mono ne, te oto a norĩ wa'wa hã uburé Danhib'apito ma romhuri'wa, 're anomro aba mo, õhõ ãma si 're anomro aba mono da, ite da. Ta hã robra hawi ma tô rowa'a u sitẽme asô tihârâ za'ra wa'wa, 're anomro wasété aba mono zém hawi, rowẽ uptabi na si 're anomro aba mono da oto. Taha wasu'u na, tiwaihu'u pese na te te aima ãma 're i'uwaimrami wẽ za'ra wa'aba mono zém na, ma tô sima aipisutu za'ra wa'wa, ãma 're dapo're pu'u u'âsi za'ra wa'aba mono da.

1 Pedru 4:19

Ãté wa za a'â robzépada hã wa te wasina 're 'madâ'â za'ra, 'Re ihâimana u'âsi mono te te wama 're i'awẽ mono zéb zarina. Tane nherẽ, 'Re ihâimana u'âsi mono, wa'apoto mono 'wai umnhasi sina, wa za dama 're wahâimana wẽ za'ra, ta hã tinhimiropisutu wẽ na za te te wama ãma 're a'uwaimrami u'âsi mono wa.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.