Salmu 10:9 - ꞌRe Ihâimana Uꞌâsi Mono Zadawa Wasuꞌu

⁹ Hu'u zérépa ne, te tô 're isima'uri mono zéb ãma hã dazô 're simipari. Te duré si'wawi 're isimapa waihu'u õ norĩ zô hã 're rĩtĩ. Simire sina te sô 're simipari za'ra. Te te da'mai'âri wamhã, te za te te da'ãma robâdâ.

Salmu 10:9 ပူးပေါင်းရင်းမြစ်များ

Salmu 140:5

Aibâ 'râwi 're isi'madâ'â ze za'ra mono norĩ, ma tô abaze mramizém na ne ĩzada siwi ãma rob'manha. Duré wasété uptabi na si 're ihâimana za'ra mono norĩ, ma tô ĩnhibâdâdi wa abazipara na ãma siwi ro'razâ, taha na te te ãma siwi ĩ'âri da.

Provébiu 14:31

Ni'wa isimarĩ'õ norĩ ãma te te 're iro'wa'rutu mono hã, Tipoto'wai ãma te te 're iwasété mono zé, te wasu'u. Tane nherẽ, isimarĩ'õ norĩ ma, te te 're i'manharĩ wẽ za'ra mono hã, 'Re ihâimana u'âsi mono hã te te 're iwazéb za'ra mono zé, te wasu'u.

Provébiu 22:16

Ni'wa, isimarĩ'õ norĩ te te 're iwati pese za'ra mono zarina, 're sisimarĩ pese mono wamhã, niha wamhã, isibro pese norĩ ma, taré ro te te tãma 're sõmri za'ra mono wamhã, te za 're sisimarĩ õ pese za'ra.

Provébiu 28:15

Hu'u zérépa, sahi wa, 're iwairõ za'ra mono ne, duré robzahi ursu hã isahi 're ihâimana za'ra mono ne, te tô isimarĩ'õ norĩ dama i'rãnho'u iwasété nhib'ratamhã 're hâimana za'ra.

Zuwã 10:12

Tite wa, te te 're azawi pese, tinhimizama hã, pone'ẽrebâ 'madâ'â'wa hã. Tãma iromhuri'wa hã tite õ wa, te te 're azawi pese mono õ di. Taré rob'uiprazéb zô si, te te 're romhuri. Robzahi hã we sô morĩ wamhã, te za tiwi wara. Pone'ẽrebâ, te za rẽme za'ra. Tahawa, te za 'mai'â, robzahi hã. Te te 'mai'âri wamhã, te za ãma ropé.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:21

Tawamhã itẽme satõrĩ za'ra da, saze za'ra õ di za. Tô'ã. Aibâ norĩ hã 40 nhipai u ihâiba hã ma tô sima 'ru za'ra, te te siwi wĩrĩ da. Te te siwi wĩrĩ õ ré hã, saihuri õ di za, u. Duré â hã te te âhuri õ di za, u. 'Re ihâimana u'âsi mono ma, ma tô duré si'ru za'ra, te te uprosi da, te te sima i'ru za'ra zé hã te te ãma uwaimrami za'ra õ wamhã. Te za, u, sô aima'uri za'ra. Asa tãma irowaihu'u za'ra zéb zô si, te ãhã na hã mapari za'ra.