Salmu 10:4 - ꞌRe Ihâimana Uꞌâsi Mono Zadawa Wasuꞌu

⁴ Aibâ iwasété ma hã, tarére hã 'Re ihâimana u'âsi mono hã. 'Râwi 're isi'madâ'â zei mono zarina, te ãne te te sima 're rosa'rata: “Ĩma hã, 'Re ihâimana u'âsi mono hã marĩ dai õ di.”

Salmu 10:4 ပူးပေါင်းရင်းမြစ်များ

Zenezi 6:5

Tawamhã Uburé Danhib'apito, 're idawasété pese uptabi za'ra mono zé ma tô te te 're ab'madâ'â, õne u'â dawasété si da te 're 'manharĩ za'ra mono da, da te dasima ãma 're irosa'rata za'ra mono zé hã.

Salmu 36:1

Dawasédé hã te iwasété norĩ pẽ'ẽ 're, te te tãma 're anharĩ. Tahawa, iwasété norĩ hã 'Re ihâimana u'âsi mono wazébzé hã te te 're waihu'u za'ra mono õ di.

Salmu 53:1

Isimiza'rese'õ norĩ te 'râwi tipẽ'ẽ na te te sima 're nharĩ u'âsi za'ra, ãne: “'Re ihâimana u'âsi mono, ĩma hã 're hâimana mono õ di.” Ta norĩ hã te iwasété si 're hâimana za'ra. Tahawa, te marĩ iwasété uptabi si te te duré 're 'manharĩ za'ra. Ni'wa hã iwẽ si te te 're i'manharĩ mono hã ihâimana waihu'u õ.

Ezodu 5:2

Tawamhã apito Fara'o te ãma sadanharĩ zahuré ãne: — E 'wa hã bété Asib'apito wa'wa, imreme te iwapari da hã, duré Izaraéu nhihudu norĩ ma, te iwaprosi da hã, ã hawi wairébé da. Asib'apito wa'wa hã ĩma waihu'u õ di. Tahawa Izaraéu nhihudu norĩ ma, ã hawi wairébé da, te tãma irowairébé za'ra da hã mare di za.

Provébiu 21:4

Iwasété norĩ hâimana wasétézé hã ãne; 'râwi 're isi'madâ'â ze za'ra mono zé, duré tiwẽ na sina 're iwata za'ra mono zé.

Provébiu 30:13

Ni'wam norĩ 're isi'madâ'â ze za'ra mono zarina, te tô wata tete na te te 're da'madâ'â za'ra.

Provébiu 30:9

'Re ĩnhimarĩ pese mono 'wa'âhã, wa aré ai'udâ. Wa aré airẽ. Ãne wa aré duré tinha: “Uburé Danhib'apito, te ai'ãma irosa'rata da hã mare di, marĩ dai õ wa.” Duré ĩnhimarĩ ãna 're ĩhâimana mono 'wa'âhã, wa aré 're ĩnhimisaihuri mono da hã 're ĩne. Tawamhã taha zarina wa aré asisi hã te 're upto, ĩte 'Re ihâimana u'âsi mono nhisi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:22

Aiwasété wi aipi'ra na. Wanhib'apito ma, aimreme. Tãma asiwasu'u na asimirosa'rata wasédé hã te te aima pari da.

Roma 1:21

Ta hã tô sena 're ihâimana mono na, da te dasiwi 're waihu'u za'ra mono nherẽ, tô sena da te dasiwi 're ihâimana wazé mono na, da te tãma ãma 're uwaimrami za'ra mono õ di, 'Re ihâimana u'âsi mono ma hã. Duré sõprub uptabi nherẽ, ãma 're dawata za'ra mono õ di. Taha upana, te marĩ na si siwa'ru da te 're rosa'rata wasété za'ra. Dapẽ'ẽ 're, robra u'âsi 're dahâimana za'ra mono wa, te danhimirosa'rata na da te 're upa za'ra.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.