Salmu 1:2 - ꞌRe Ihâimana Uꞌâsi Mono Zadawa Wasuꞌu

² Uburé Danhib'apito nhimiroti na si te tãma 're irowẽ mono zé hã 're hâimana. Taha na si te bâtâ na hã duré bara na zama te te ãma 're romnhoré u'âsi.

Salmu 1:2 ပူးပေါင်းရင်းမြစ်များ

Zenezi 24:63

Tawamhã hâiwahâ pesere nherẽ, ma tô watobro, ro hã te te 're awaimrami mono da. Tahawa, 'rãi wahutu wi, ma tô awaru ba'õmore we isi'aba'ré hã sãmri za'ra.

Esdra 7:10

Esdra ma tô morĩ wana ré hã sisõ tô, Uburé Danhib'apito nhimiroti na si te te 're romnhoré mono da, duré isarina si 're morĩ wẽ da, duré Izaraéu nhihudu norĩ ma, duré uburé te te ãma dama 're rowahutu mono da, isimiroti na hã.

Salmu 104:34

Uburé Danhib'apito, ĩnho're na te te ãma sima 're irowẽ mono da si, wa ĩsima te 're wẽ. E marĩ wa. Ihawi wa, rowẽzé ĩma 're ihâimana mono hã.

Salmu 112:1

Uburé Danhib'apito ãma 're wawata u'âsi za'ra wa'aba mono! Ni'wa, Uburé Danhib'apito wazép sina 're isãmra mono hã, duré isimiroti te te 're iwapari zei u'âsi mono hã te za to sina 're hâimana.

Salmu 119:1

Iwasédé, da te ãma 're isa'ra waihu'u mono õ norĩ si, te to sina hã 're nomro, Uburé Danhib'apito nhimiroti zarina si 're ihâimana za'ra mono norĩ hã.

Salmu 119:11

Aimreme hã wa tô ĩsima te 're tété ĩpẽ'ẽ 'remhã, ĩwasédé te aiwi 're 'manharĩ tõ mono da.

Salmu 119:35

Ma'ãpé asimiroti zarina si 're ĩmorĩ da hã 're ĩzaprõni mono, taha na si ĩma 're irowẽ mono zé hã te 're sõpẽtẽ mono wa.

Salmu 119:72

Asimiroti hã uburé pese danhimarĩ dama 're ihâimana za'ra mono nhipai u, tô sena ĩma iwẽ uptabi na te 're hâimana.

Salmu 119:92

Asimiroti hã te te ĩma 're rowẽ zani mono õ 'wa'âhã, te 're irobzépata mono zé hã te aré tô ĩwĩrĩ pese.

Salmu 40:8

Ĩte 'Re ihâimana u'âsi mono, ĩma 're i'apisutu mono zéb zarina, marĩ te 're i'a'manharĩ mono da hã ĩma sei uptabi di! Asimiroti wa tô ĩpẽ'ẽ 'remhã te ĩsima 're tété u'âsi.”

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

Roma 7:22

Wa hã 'Re ihâimana u'âsi mono nhimiroti wẽ wasu'u na hã 'râwi wa tô te ĩsima 're wẽ u'âsi, ĩpẽ'ẽ 'remhã.

1 Tesalonita 2:9

Wasisãnawã norĩ, ãne na te tô wa'ãma 're aipo're pu'u u'âsi za'ra wa'aba mo, 're iwanomro wẽ mono zém na. Wa norĩ hã wahâimanazéb da, wa tô wasima romhuri pese za'ra ni, wapatâ'â nherẽ, duré wawasutu nherẽ. Bâtâ sidâpâsi wasi'uihâ na wanhib'rata na wa tô romhuri za'ra ni, wahâimanazéb da hã. Bâdâ 'rãiwatobro õ ré, duré bâdâ sébré nherẽ, wa tô wasima romhuri za'ra ni, wa te aiwari za'ra wa'aba tõ da, wama asõprub za'ra wa'aba na wapire na wa'madâ'â za'ra wa'aba tõ da, 'Re ihâimana u'âsi mono zadawa wasu'u na, wa te aima rowasu'u za'ra wa'aba ré.

1 Timotiu 4:15

Uburé te aima i'awaihu'u mono zéb zarina, te za asina 're i'madâ'â u'âsi mo. Õhõ si te za asima 're ipisutu pese mo, asina 're i'uwaimrami mono zéb da si. Ãne wamhã, dapawaptom na rowaihu hã asima ãma 're isa'ẽtẽ mono na te za da te ai'ãma 're waihu'u za'ra.

2 Timotiu 1:3

'Re ihâimana u'âsi mono ãma, wa 're ĩwata u'âsi. Marĩ na te tiwi ãma i'upazém na hã, te te oto ĩ'ãma 're ab'madâ'â mono õ wa, wa oto ĩto sina te tãma 're romhuri u'âsi. Tane duréihã ma tô duré ĩhi'rata norĩ hã te te tãma 're romhuri za'ra. Tawamhã tãma 're ĩmreme mono wamhã, bâtâ na, duré bara na zama hã te aima tiwi 're rowaptẽrẽ u'âsi,, te te 're aipawaptob u'âsi mono da.

Zozué 1:8

Ma'ãpé ãma irob'ui'éré na hã õne u'â ãma 're aimreme mono. Bâtâ na hã duré mara na hã ãhã ibaihâ na ãma 're romnhoré mono, ãma 're asiptete mono wa, uburé ãma irob'ui'éré zarina asina ãma 're uwaimrami mono da. Tawapsi, te za 're i'aihâimana mono wẽ zé hã asina 're i'uwaimrami mo.

1 Zuwã 5:3

Tawamhã 'Re ihâimana u'âsi mono hã wa te wasiwi 're sawi pese za'ra mono wamhã, e niha wa za tawamhã 're wahâimana za'ra. Isimiroti si wa za wa te 're 'madâ'â pese za'ra. E isimiroti hã wama pire za'ra di, wa te 're i'madâ'â pese za'ra mono zéb da hã. Mare di. 'Re ihâimana u'âsi mono 'ra, oto 're wanomro mono wa, wama waihu'u pese za'ra di, wa te tãma ãma 're i'uwaimrami za'ra mono zéb da hã. Tahawa, wanhiptete na wa za 'Re ihâimana u'âsi mono wẽ'õ'wa norĩ da, 're wahâimana za'ra, uburé marĩ iwasédé hã ti'ai ãma 're ihâimana za'ra mono wi. E niha wa za wanhiptete sina ãma 're wahâimana za'ra. Zezusi hã Wanho'reptui'wa na wa te wasina 're i'umnhasi pese za'ra mono zém na wa za wanhiptete sina dawi 're wahâimana za'ra.