Ruti 4:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã ma tô Buazi uburé norĩ ma tinha, dama ipire norĩ ma zama, ãne: — Ãhã na hã a norĩ wa'wa ma tô atõmo na ĩ'madâ'â za'ra wa'wa, Noẽmihi wi, ti'a te i'uipra na hã, Elimelequihi te aré, duré aré i'ra norĩ te hã, Quiri'õ norĩ te hã Marõhõ me.

Ruti 4:9 ပူးပေါင်းရင်းမြစ်များ

Zenezi 23:11

— Mare di, ĩnhib'apito. Tanei õ di za. Ĩwapari pé! Taré wa za aima tisõ ti'ai wa'õno hã, duré ẽtẽ na ab're siro iwa 're ihâimana mono zama. Ĩnhib'a'uwẽ norĩ nho'a wa aima sa'ré, aimro iwa isẽrẽ da hã.

Ruti 1:2

Aibâ nhisi hã Elimelequi na, duré imro nhisi hã Noẽmi na. I'ra norĩ nhisi hã Marõ na duré Quiri'õ na. Ã norĩ hã Efrata na 'ri wa'õtõ nhisi hawimhã, Belẽ na 'ri nho'õmo nhisi 'ratamhã, Zuda ãma hã. Moabi u ma tô ai'aba'ré, tame 're hâimana za'ra mono da a'â.

Ruti 4:10

Rutihi ãma wa za duré ĩmro, moabita norĩ sipi'õi mrotõ ãma, Marõ hã sipara te te irẽme ãma. Ti'a hã idâ'â sisãnawã siwadi norĩ ma, 're hâimana u'âsi mono da, wa za ãma ĩmro, pi'õi ãma. Ãne wamhã, Marõhõ nhisi na te za ãhã 'remhã ãma 're dapo're pu'u u'âsi za'ra, duré ipotozéb 'reb zama 'ri nho'õmo 'remhã. Ãne na ma tô ã bâtâ na ĩ'madâ'â za'ra wa'wa.