Ruti 4:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa, wa hã wa tô ĩsima rowairébé, te ãma aima robzanhamri da, ti'a na hã. Tahawa, ãhã na a hã asima wẽ wamhã, te za i'uipra ti'a hã, wasiré a'uwẽ norĩ ma ipire norĩ nho'a, duré ã hã aibâ norĩ isi'ubumro norĩ nho'a. Duré asima wẽ õ wamhã, te za ĩnha. Ti'a hã uipra da wamhã, imorĩ'rata na te za i'uipra, ĩwana. E marĩ wa. Itede'wa hã asisãnawã siwadi uptabi wa, aré. Duré asima wẽ õ wamhã, i'uipra da hã, wa hã asa'u wa za niha hã ĩsima waihu'u, ti'a na hã. Tawamhã aibâ ma tô timreme na ãma wa'rã, ãne: — Wa za uipra tô, ti'a hã.

Ruti 4:4 ပူးပေါင်းရင်းမြစ်များ

Zenezi 23:11

— Mare di, ĩnhib'apito. Tanei õ di za. Ĩwapari pé! Taré wa za aima tisõ ti'ai wa'õno hã, duré ẽtẽ na ab're siro iwa 're ihâimana mono zama. Ĩnhib'a'uwẽ norĩ nho'a wa aima sa'ré, aimro iwa isẽrẽ da hã.

Zenezi 23:18

Tawamhã uburé hitita norĩ dasi'rã'õtõ ãma ihâimana za'ra, te te i'uipra na hã ma tô ãma 'madâ'â za'ra.

Roma 12:17

Duré da te aima 're rob'manharĩ wasété za'ra wa'aba mono wamhã, asa dama ãma 're wa'rãmi wasété za'ra wa'aba mono õ di za, aiwab da. Marĩ iwẽ si 're i'manharĩ za'ra wa'aba mono na si, te za asima 're asõpré u'âsi aba mo, isazei'wa 're anomro aba mono wa, da te ai'ãma 're rosa'rata wasété za'ra wa'aba mono tõ da.

2 Corĩtu 8:21

I'uwaibaba, wa te ãma i'uwaimrami za'ra da si, wa tô iré wasima rob'madâ'â za'ra ni, Wanhib'apito nho'a, duré uburé danho'a zama.

Filipu 4:8

Ĩsisãnawã norĩ, ĩnhimiroti na wa za oto ãma aima 'rãsutu za'ra wa'wa, ãhã na te ãma aipo're pu'u za'ra wa'aba zém na hã. Uburé marĩ hã tô sena 're ihâimana za'ra mono na si te za asima 're irosa'rata za'ra wa'aba mo, duré marĩ hã da te dasima 're iwazéb za'ra mono na hã, duré uburé marĩ hã 'Re ihâimana u'âsi mono ma iwẽ uptabi na hã, duré marĩ hã wasété ãna 're ihâimana za'ra mono na hã, duré uburé marĩ iwẽ hã da te 're isawi pese za'ra mono na hã, duré uburé marĩ hã wẽ wa, ãma 're idatob'uzu za'ra mono na hã. Ãne na si te za uburé marĩ iwẽ uptabi na asima 're irosa'rata za'ra wa'aba mo, da te dasima 're iwasu'u wẽ za'ra mono na si.

Ruti 2:20

Tahawa, te Noẽmi hã duré tinha: — Wa ĩsima wẽ, Uburé Danhib'apito iwẽ hã te te tãma 're pisutu u'âsi mono da, Buazihi ma hã. Ta hã te te dama 're rob'manharĩ wẽ u'âsi, hâiba ré 're ihâimana za'ra mono norĩ ma hã, duré 're idâ'â za'ra mono norĩ ma zama. Tawamhã Noẽmi te timreme na a'â ãma uzusi, ãne: — Ta hã ĩmro sisãnawã siwadi, ãma wati prã na romhâ na hã. Ma tô wanho'reptui'wa za'ra 'wa na wama tihâimana za'ra.

Ruti 3:12

Sena tô wa hã asisãnawã norĩ siwadi. Tahawa, duré a hã za oto ĩnhimi'madâ. Tane nherẽ, iré hã aibâ asisãnawã siwadi 'râwimhã, ĩnhipai u hã.

Ruti 3:9

Tawamhã ma tô sadanha, ãne: — E 'wa hã, a hã. Tawamhã asa te tãma siwasu'u: — Wa hã Ruti, aima romhuri'wa. Ma'ãpé aima romhuri'wa nhisiwimhã asisuwazé hã hâparapo na. E tihai wa. Wanho'reptui'wa na wama 're aihâimana mono wa, a hã.