Ruti 4:12 - ꞌRe Ihâimana Uꞌâsi Mono Zadawa Wasuꞌu

¹² Wa wasima wẽ za'ra ni, Uburé Danhib'apito ai'ra norĩ hã za te te aima isõmri 'wa hã 're hâimana wẽ za'ra mono da, Peresihi 'ra norĩ 're ihâimana za'ra mono ne. Peresi hã Zuda norĩ 'ra, Tamaha me.

Ruti 4:12 ပူးပေါင်းရင်းမြစ်များ

Zenezi 38:29

Tane nherẽ, aré imorĩ'rata na iwatobro da hã ma tô apâ sib'rata dahudu. Tahawa, isi'ubza hâiba amo ma tô aré isãna're ipoto da hã oto iwana podo. Tahawa te isapari'wa hã tãma tinha ãne: — E niha ma tô aiwatobro da hã, asémere hã asina i'rida. Tahawa, ma tô sisi Peresi na.

Zenezi 46:12

Zuda, ti'ra norĩ ãne isisi za'ra norĩ me: Sela, Peresi, duré Zera. (Duré maparane i'ra hâiba amo norĩ hã, Er, duré Ona, Cana'ã ãma tiwi isi'ré zahuré hã.) Duré Peresihi 'ra norĩ hã, Hezirõ, duré Hamul.

Mateu 1:3

Zuda hã Peresihi mama, duré Zeraha mama. Ina zahuré hã Tama na isisi hã. Duré Peresi hã Esrõhõ mama. Duré Esrõ hã Arãhã mama.

Ruti 4:18

Dawihi hi'rata norĩ hã Peresi hawimhã ãne isisi za'ra hã: Peresi hã Hesirõhõ mama, Hezirõ hã Rãhã mama, Rã hã Aminadebehe mama, Aminadabe hã Nasõhõ mama, Nasõ hã Samohõ mama, Samo hã Buazihi mama, Buazi hã Obedihi mama, Obedi hã Zéséhé mama, duré Zésé hã Dawihi mama.

1 Samuéu 2:20

Tawamhã Eri hã, Eucana norĩ ãma imro me ma tô iwẽ na te te ãma 're rowaptẽrẽ zahuré, 'Re ihâimana u'âsi mono wi. Ãne ma tô te te tãma 're rowasu'u zahuré: — Wa aima wẽ wa'wa, Uburé Danhib'apito hã te te aima sõmri aba da hã, ai'ra norĩ hâiba amo hã, 'Re ihâimana u'âsi mono ma isõmri aba nhowa're'reb da hã. Tawamhã taha parip si, ma tô apâ 're neb zahuré, tinhorõwa u hã.