Ruti 3:2 - ꞌRe Ihâimana Uꞌâsi Mono Zadawa Wasuꞌu

² E ma tô ãma irosa'ra, Buazihi ãma ĩmro sisãnawã siwadi na hã. Ta hã ma tô romhuri hã aima ti'ru, ite romhuri'wa norĩ me romhuri da. Taha ta tô. Ã bara na te za amnho hã pré'é, trigu teihi ne hã.

Ruti 3:2 ပူးပေါင်းရင်းမြစ်များ

Zenezi 50:10

Tawamhã Atade na romnhisi u oto sihutu wamhã, Zodã â bâtâ pusizém niwĩ 're isa'wari mono u hã, ma tô amnho trigu da te 're ipré'é za'ra mono zéb ãma ihâiba na siwa'õ 'rãihâ na hã sô rob'rã ze za'ra, 7 bâtâ 'remhã.

Ruti 2:1

Noẽmihi mro sisãnawã siwadi te 're 'maihâimana, Elimelequihi sisãnawã, Buazi na isisi hã. Ta hã aibâ isibro pese uptabi. Dama pire na te duré 're hâimana.

Ruti 2:8

Tawamhã Buazi ma tô Rutihi ma tinha, ãne: — Pi'õ, ĩwapari, ãne. Buru na da te 're irobzuri za'ra mono hâiba amoi u hã 're awaibui mono õ di za, amnho 'rã'a'a hã. Ãmep si romhuri, ĩma romhuri'wa norĩ sipi'õ 'rata.

Ruti 3:1

Tawamhã nimahã bâtâ na ma tô Noẽmi, Rutihi ma tinha: — Ĩsani'wa, aimro da hã aibâ te aima 'masãmri da, wa ĩsima wẽ, asõrõwa aima hâimana da zama.

Ruti 3:3

Ãne te za i'manha. Te za asi'upsõ. Taha parimhã, te za asisadaze. Te za duré asi'uza, ai'uza ihâi wẽ uptabi na. Taha pari, te za aimo, Buazi te te iromhurizéb u hã. Tane nherẽ, tãma asihâi'ré õ di za a'â, te te aiwaihu'u tõ da, i'rata i'aihâimana na hã. A'â tisa hã te te 'rãsutu, duré a'â tisa te te simizâri pari.