Ruti 3:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã Rutihi ãma ma tô ti'awẽ, Buazihi para ãma nomro ré. Tawamhã zahadu robza'rã ré mara hâ prãi ré, ma tô udu Ruti hã, morĩ da, morĩ ré, da te dasiwi 'madâ'â tõ da. E marĩ wa. Buazi hã te te sima wẽ õ di duré, pi'õ itẽme imorĩ na hã da te iwaihu'u da hã.

Ruti 3:14 ပူးပေါင်းရင်းမြစ်များ

Roma 12:17

Duré da te aima 're rob'manharĩ wasété za'ra wa'aba mono wamhã, asa dama ãma 're wa'rãmi wasété za'ra wa'aba mono õ di za, aiwab da. Marĩ iwẽ si 're i'manharĩ za'ra wa'aba mono na si, te za asima 're asõpré u'âsi aba mo, isazei'wa 're anomro aba mono wa, da te ai'ãma 're rosa'rata wasété za'ra wa'aba mono tõ da.

Roma 14:16

Ãne hã marĩ hã aima wasété aba õ nherẽ, 're 'manharĩ za'ra wa'aba mono õ di za, da te 're aiwasu'u wasété za'ra wa'aba mono tõ da.

1 Corĩtu 10:32

Marĩ hã 're 'manharĩ za'ra wa'aba mono õ di za oto, da te ãma 're ai'madâ'â za'ra wa'aba mono wa, dawasété u 're darere'e mono tõ da. Ãne hã dazada 're 'manharĩ za'ra wa'aba mono õ di za, zudeu norĩ da, duré zudeu'õ norĩ da, duré 'Re ihâimana u'âsi mono nhib'a'uwẽ 're ihâimana za'ra mono norĩ da.

2 Corĩtu 8:21

I'uwaibaba, wa te ãma i'uwaimrami za'ra da si, wa tô iré wasima rob'madâ'â za'ra ni, Wanhib'apito nho'a, duré uburé danho'a zama.

1 Tesalonita 5:22

Uburé marĩ iwasédé hã te za asiwi 're iwẽ'õ pese za'ra wa'aba mo, iré 're anomro aba mono tõ da.

1 Pedru 2:12

A norĩ wa'wa hã Wanhib'apito zazei'õ'wa norĩ wazari, te 're aihâimana za'ra wa'aba mo. Tahawa, te za aihâimana wẽ na si dama 're aihâimana za'ra wa'aba mo. Tawamhã aihâimana wasété na, taré da te aima 're nharĩ za'ra wa'aba mono nherẽ, te za da te 're aiwaihu'u za'ra wa'wa, dama 're aihâimana wẽ za'ra wa'aba mono zém na. Tawamhã Cristu hã apâ wei morĩ wapsi, te za 'Re ihâimana u'âsi mono ãma tawata za'ra ni, isimiroti zarina aihâimana wẽ na, dama 're aihâimana za'ra wa'aba mono wa.

Ruti 3:15

Tawamhã Buazi ma tô tãma tinha, Rutihi ma, ãne: — Asi'ubuzé hã wazere, ti'ai wa hiri da, hâparapo na. Tawamhã ma tô tihi, hâparapo na tisi'ubuzé hã. Tawamhã Buazi ma tô oto sa'wa amnho hã iwa, 20 na ipire pibuzé hã. Taha pari, ma tô duré ti'â, isisé te te tãma hiri da. Tawamhã Ruti te oto apâ mo, 'ri nho'õmo u.