Ruti 2:9 - ꞌRe Ihâimana Uꞌâsi Mono Zadawa Wasuꞌu

⁹ Asima ab'madâ'â pese mono, ta norĩ siré aihâimana u'âsi za'ra da, te te tehâri za'ra mono ré, buru nho hã. Wa tô duré tãma roti za'ra, ĩma romhuri'wa norĩ ma, aibâ norĩ ma hã, te te siwi aiwamnarĩ tõ da. Duré 'rubu wamhã, te za nasi ihâsi, ĩma romhuri'wa norĩ te te nasi â sima i'amrami za'ra hã.

Ruti 2:9 ပူးပေါင်းရင်းမြစ်များ

Zenezi 20:6

Tawamhã 'Re ihâimana u'âsi mono, sõtõ 'rowim na nherẽ, ma te ãma sada'â ãne: — Tô ĩma waihu'u pese di, uburé marĩ aihâimana wẽ zarina iwẽ i'manharĩzé hã. Tahawa tô aiwasété tõ da, wa hã wa tô aiwi tété, pi'õ upi tõ da hã.

Provébiu 6:29

Tane ni'wa hã, pi'õ mro ré nherẽ, iré 're sõtõ mono wamhã, tãma simimnhasi uptabi di. Ãne ni'wa te te 're 'manharĩ mono wamhã, te za sa'ẽtẽ na te te 're robzépata.

Mateu 10:42

— Ãté ni'wa hã te za ĩzazei'wai ma, â wahâ hã tãma õ, te te hâ'rẽne da, isiré ĩzazei'wa norĩ ma wapu na, 're imorĩ na hã te te waihu'u wa. Ãne hã ĩzazei'wa norĩ hã marĩ 'rare na nherẽ, ni'wam norĩ hã te te 're pawaptob za'ra mono wamhã, 'Re ihâimana u'âsi mono, za te te tãma 're i'awa'âbâ mono zé hã te za te te sina 're uwaimrami za'ra. Tô sena, wa aima waihu'u za'ra wa'wa.

1 Corĩtu 7:1

Rob'ui'éré na we asiwi ĩzadanharĩ za'ra wa'aba zém na, wa za oto aima roti za'ra wa'wa. E aibâ norĩ hã 're mro za'ra mono õ nherẽ, tãma 're rowẽ za'ra mono di za. Ãté mro õ nherẽ, tãma 're rowẽ za'ra mono di za tô.

1 Zuwã 5:18

Ni'wam norĩ hã 'Re ihâimana u'âsi mono hã ãma 're 'ra za'ra mono wa, isib'a'uwẽ na oto 're nomro wẽ mono wamhã, tiwasédé hã te te oto duré 're i'manharĩ u'âsi za'ra mono da hã mare di za. 'Re ihâimana u'âsi mono 'ra hã, Zezusi hã oto ãma 're sisaprĩ u'âsi za'ra mono wa, tiwasédé hã te te 're 'manharĩ waihu'u za'ra mono õ di za tô oto duré. Tahawa, iwasété uptabi hã te te oto 're upi waihu'u za'ra mono õ di za, Wa'uburé hã. Ãne hã wama waihu'u pese za'ra di oto.

Ruti 2:10

Tawamhã Ruti ma tô hi'rãtitõ nhamra. Ti'ubu na ma tô ropto, ti'ai u hã. Tawamhã te Buazihi ma tinha, ãne: — E tihai wa, ma tô ĩwẽsã, tiha hã ĩma i'manharĩ wẽ zéb da hã, wa hã dasiré a'uwẽ õ nherẽ.

Ruti 2:8

Tawamhã Buazi ma tô Rutihi ma tinha, ãne: — Pi'õ, ĩwapari, ãne. Buru na da te 're irobzuri za'ra mono hâiba amoi u hã 're awaibui mono õ di za, amnho 'rã'a'a hã. Ãmep si romhuri, ĩma romhuri'wa norĩ sipi'õ 'rata.