Ruti 2:7 - ꞌRe Ihâimana Uꞌâsi Mono Zadawa Wasuꞌu

⁷ Ta hã ma tô ĩwi rowaptẽ, amnho tehâri'wa norĩ zarina, te te awaibui mono da, amnho 'rã'a'a hã. Ãne ma tô romhu, bâdâ 'rãiwatobro hawim haré ã bâtâ u hã. Awã zahâpâ wa'utu da wapsi, ma tô a'â sazâ, suru na.

Ruti 2:7 ပူးပေါင်းရင်းမြစ်များ

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 15:33

Ni'wa hã Uburé Danhib'apito te te 're wazé pese mono wamhã, te za tinhimiza'resezé hã waihu'u. Duré ni'wa dama wapu na 're isi'madâ'â mono zarina, te za da te dasiwi 're wazé.

Provébiu 18:23

Isimarĩ'õ norĩ hã te za wapu na dawi rowaptẽ. Tane nherẽ, isimarĩ pe hã te za timreme tete na hã ãma sada'â.

Provébiu 22:29

E aima waihu'u pese di, ni'wa sipese na te te 're iromhuri wẽ mono na hã. Ta hã tô danhipai u simiromhuri wẽ uptabi di. Tahawa tô ibâre te aré apito norĩ siré si 're hâimana.

Mateu 5:3

— Ni'wam norĩ hã 'râwi 're isipawapto waihu'u za'ra mono õ na 're siwaihu'u za'ra mono wamhã, duré 'Re ihâimana u'âsi mono si za ta norĩ hã i'upana te te 're ipawapto wẽ za'ra mono na te te sina 're waihu'u za'ra mono wamhã, ta norĩ si te za rowẽ na 're hâimana za'ra, ãma 're sib'a'uwẽ za'ra mono wa.

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.

Galata 6:9

Tahawa, ma'ãpé wawa'a ãna marĩ iwẽ na, wa te 're dapawaptob u'âsi za'ra wa'aba mono za, wa norĩ hã. Tawamhã bâdâ iwa waptã'ã wapsi, 'Re ihâimana u'âsi mono te te wa'ãma sima irotizé hã te za iwa'rãmi marĩ iwẽ hã te te wama 're anhomri.

Éfézu 5:21

A norĩ wa'wa hã ma tô Cristu hã 're iwapari pese za'ra wa'aba mo, Asib'apito wa'wa hã. Taha zarina, te za 're asiwapari pese za'ra wa'aba mo.

Ruti 2:2

Tawamhã nimahã bâtâ na ma tô Ruti tãma tinha, Noẽmihi ma, ãne: — E ĩma waprosi õ di za, ĩmorĩ da, daburu na amnho 'rã a'a ti'ai baba irere'e mono hã te 're awaibui mono da. Ãté ni'wa hã buru na romhuri'wa hã te za sima ĩwẽ, isarina te awaibui mono da amnho 'rã'a'a hã. Tahawa, Noẽmi hã ma tô oto satõ, tisani'wa hã: — Saihi, mo oto pé aimorĩ.

Ruti 2:21

Tawamhã te Ruti hã tãma rowasu'u, ãne: — Ãhã nhipai u hã romhuri na te ãma uzusi da, te ĩma tinha, tãma romhuri'wa norĩ siré, amnho tehâri hã isi'utõrĩzéb u.

Ruti 2:6

Tawamhã ma tô tãma wasu'u: — Õ hã moabita norĩ nhipi'õ we imorĩ, Noẽmihi siré, Moabi hawi.

Ruti 2:8

Tawamhã Buazi ma tô Rutihi ma tinha, ãne: — Pi'õ, ĩwapari, ãne. Buru na da te 're irobzuri za'ra mono hâiba amoi u hã 're awaibui mono õ di za, amnho 'rã'a'a hã. Ãmep si romhuri, ĩma romhuri'wa norĩ sipi'õ 'rata.