Ruti 2:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã ma tô tãma wasu'u: — Õ hã moabita norĩ nhipi'õ we imorĩ, Noẽmihi siré, Moabi hawi.

Ruti 2:6 ပူးပေါင်းရင်းမြစ်များ

Zenezi 15:2

Tawamhã Abrã asa ma te ãma sada'â ãne: — Uburé Danhib'apito, ĩte 'Re ihâimana u'âsi mono! Ĩma hã marĩ dai õ di, iwẽ ĩma 're i'anhomri mono zé ĩ'ra ãna za 're ĩhâimana u'âsi mono da nherẽ. Eriézéhé si Damascu ãma, te za uburé ĩ'uirĩ na ĩnhibrob na hã ãma ate za'ra.

Zenezi 24:2

Tawamhã nimahã bâtâ na duréi te te tãma 're iromhuri mono, uburé marĩ te te tãma 're i'a'madâ'â mono zô hã ma tô hâ. Tawamhã te ãne tãma tinha, taha ma: — Ma'ãpé asib'rada ĩzada'õtõ zahâpâ hiri, asimiropisudu ĩma 'manharĩ da.

Zenezi 39:4

Ãne zarina ma tô Zuzé, isib'ihâ'a hã wẽsã. Tahawa, ma tô pisutu, õhõ ma si ipawapto'wa na 're hâimana mono da. Isõrõwa te te 're 'madâ'â mono da, duré uburé isimarĩ hã te te tãma 're ab'madâ'â mono da ma tô tãma tisõ, isib'rata.

Mateu 20:8

— Tawamhã mara simei wamhã, tãma iromhuri'wa norĩ 'madâ'â'wai ma, te tinha ãne, buru tede'wa hã: “Ma'ãpé, uburé ĩma romhuri'wa norĩ zô aihârâ za'ra na, pawa'âbâ za'ra da oto. Tawamhã daza'u romhuri na te te isãna'rata za'ra norĩ, uimrehẽne te za ipawa'âbâ na'rata za'ra. Taha parip si te za duré romhuri na isãna'rata'wa norĩ hã ipawa'âbâ za'ra.” Ãne ma tô tãma waihu'u, buru tede'wa hã.

Mateu 24:45

Tawamhã Zezusi te duré tãma ãma romnhimiré'é za'ra, ãne: — Dama romhuri'wa i'umnha hã duré isimiroti wẽ hã, e niha 're ihâimana mono zé hã. Ãne hã 're hâimana mono wamhã, te za isib'apito hã nimomo tiwi morĩ õ ré, tãma pisutu, uburé tãma iromhuri'wa norĩ hã isa'u nherẽ, te te sô 'madâ'â pese za'ra da. Te za duré tãma roti, bâtâ pisutu zéb zarina isa za'ra zé hã te te ãma tãma uwaimrami za'ra da, tãma iromhuri'wa norĩ ma.

Ruti 1:16

Tane nherẽ, ma tô Ruti tãma tinha, ãne: — Ĩwi rosawi õ di za, asiré ãma ĩmorĩ tõ da hã. Duré ĩ'ãma rosa'rata õ di za, za te i'airẽmezém na hã. Nimomo aimorĩ da wamhã, wa za tô ãma asiré mo. Duré nimomo 're aihâimana mono da wamhã, wa za wa hã asiré 're ĩhâimana. Asiré a'uwẽ norĩ hã ĩsiré a'uwẽ te za 're hâimana za'ra. Duré Asib'apito ãma wa za wa hã ĩnhib'apito, 'Re ihâimana u'âsi mono ãma.

Ruti 1:19

Tawamhã ma tô timorĩ na ãma uzusi zahuré oto, Belẽ u. Tawamhã oto simasisi wamhã, 'ri ahâ 're, 're idahâimana za'ra mono norĩ hã ma tô nemo 're dasiwairõtõ, simasisi zahuré wẽ te. Tawamhã ma tô pi'õ norĩ hã ãma sisadanharĩ za'ra, ãne: — E õ hã Noẽmi hã.

Ruti 1:22

Ãne Noẽmi te te sina isirizé wasu'u hã, Moabi na darom nhisi hawimhã, Rutihi me, isani'wa hã, moabita norĩ nhipi'õ. Amnho itehâri na da te dasima ãma isãna'rata za'ra zém na ma tô aimasisi zahuré, Belẽ u hã oto.

Ruti 2:5

Tawamhã Buazi ma tô romhuri'wa norĩ 'madâ'â'wa hã sadanha, ãne: — E 'wa hã õ hã, pi'õ ihâiba té hã.

Ruti 2:7

Ta hã ma tô ĩwi rowaptẽ, amnho tehâri'wa norĩ zarina, te te awaibui mono da, amnho 'rã'a'a hã. Ãne ma tô romhu, bâdâ 'rãiwatobro hawim haré ã bâtâ u hã. Awã zahâpâ wa'utu da wapsi, ma tô a'â sazâ, suru na.