Ruti 2:23 - ꞌRe Ihâimana Uꞌâsi Mono Zadawa Wasuꞌu

²³ Tawamhã Ruti te oto romhu, Buazihi ma, romhuri'wa norĩ sipi'õ norĩ siré. Amnho trigu 'rã'a'a hã ma tô te te awaibu, itehâri hã isi'utõrĩzéb u, trigu tehâri hã duré trigu teihi ne tehâri zama. Tawamhã te duré timaprebaba siré 're sãmra u'âsi.

Ruti 2:23 ပူးပေါင်းရင်းမြစ်များ

Ezodu 9:31

Tawamhã amnho linho norĩ, amnho cewada me hã ma tô tãzâ hã te te pari, cewada 'rã siromo hâimana nherẽ, duré linho hã sirãrã siromo hâimana nherẽ.

Provébiu 13:1

Da'ra i'rãi waihu'u wẽ hã te za timama nhimiroti hã te te sina 're uzei pese. Tane nherẽ, uburé da'ãma 're iwa'ẽ za'ra mono norĩ hã marĩ na te te 're i'upa za'ra mono zé hã te te sina 're iwapari za'ra mono da hã mare di.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Marcu 14:66

Ãne ré, te zahadu Pedru hã dame nhamra, 'ri 'wawi wa'ra 're, pi'reba 'ri zahâpâ. Tawamhã tame sãmra ré, ma we pi'õ hã datẽme wi, sasedoti ipire uptabi ma romhuri'wa hã.

1 Corĩtu 15:33

Ãne wa, te za dawi 're asi'madâ'â pese za'ra wa'aba mo, danhimiroti wasédé hã tô sena newa, da'ãma 're sasõmri za'ra wa'aba mono tõ da. Taha na da'ãma 're sasõmri za'ra wa'aba mono wamhã, ta norĩ ne te za oto 're aihâimana wasété za'ra wa'aba mo.

Ruti 1:22

Ãne Noẽmi te te sina isirizé wasu'u hã, Moabi na darom nhisi hawimhã, Rutihi me, isani'wa hã, moabita norĩ nhipi'õ. Amnho itehâri na da te dasima ãma isãna'rata za'ra zém na ma tô aimasisi zahuré, Belẽ u hã oto.

Ruti 2:22

Tawamhã Noẽmi ma tô ãma sada'â: — Wẽ di tô, aimorĩ da hã tãma iromhuri'wa norĩ sipi'õ norĩ siré. E tihai wa. Aibâ aimawi buru ãma, romhuri 'wa'âhã, te aré siwi aiwamna.

Ruti 3:1

Tawamhã nimahã bâtâ na ma tô Noẽmi, Rutihi ma tinha: — Ĩsani'wa, aimro da hã aibâ te aima 'masãmri da, wa ĩsima wẽ, asõrõwa aima hâimana da zama.