Ruti 2:15 - ꞌRe Ihâimana Uꞌâsi Mono Zadawa Wasuꞌu

^15-16 Tawamhã Ruti hã amnho 'rã'a'a te te awaibui mono da, apâ oto wahutu wamhã, ma tô Buazi hã tite romhuri'wa norĩ ma roti za'ra, ãne: — Iteihi iwasisi za'ra wa'aba mono 'remhã te te duré tô awaibu mono, amnho 'rã'a'a hã. Tahawa, tiwi sawi za'ra wa'aba õ di za, siséb tõ da. Te za duré iteihi wasisi hawimhã isani za'ra wa'aba mo, tãma sãmra za'ra wa'aba mono da, taha zama te te awaibui mono da.

Ruti 2:15 ပူးပေါင်းရင်းမြစ်များ

Tiagu 1:5

'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.

Ruti 2:14

Tawamhã abzuma dasaihurizéb da, iwa waptã'ã wamhã, ma tô Buazi hã Rutihi ma tinha, ãne: — We ãwa aimorĩ, i'u'ẽtẽ wapu wa'õno hã 'mai'âri da, duré uwa 'rãi wa'u isé na asima di'i da. Tawamhã ma tô oto nhamra, romhuri'wa norĩ zababa. Tahawa, Buazi ma tô duré tãma tisõ, amnho 'rã zebre hã. Tawamhã ma tô ti'rẽ, te te i'mahâiwĩrĩzéb u. Te te 'mahâiwĩrĩ wamhã, ma tiwi si'azazâ, amnho 'rã zebre hã.