Ruti 2:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã abzuma dasaihurizéb da, iwa waptã'ã wamhã, ma tô Buazi hã Rutihi ma tinha, ãne: — We ãwa aimorĩ, i'u'ẽtẽ wapu wa'õno hã 'mai'âri da, duré uwa 'rãi wa'u isé na asima di'i da. Tawamhã ma tô oto nhamra, romhuri'wa norĩ zababa. Tahawa, Buazi ma tô duré tãma tisõ, amnho 'rã zebre hã. Tawamhã ma tô ti'rẽ, te te i'mahâiwĩrĩzéb u. Te te 'mahâiwĩrĩ wamhã, ma tiwi si'azazâ, amnho 'rã zebre hã.

Ruti 2:14 ပူးပေါင်းရင်းမြစ်များ

Salmu 23:5

Dasa isa'ẽne hã te ĩma 're i'a'manharĩ u'âsi mo, ĩnhitob'ru norĩ tõmo nho'a hã. A hã te ĩpire na 're ĩnhimizusi mo. Te duré ĩnhimihâsizé hã ĩma 're i'masisi mo, taré 're ipu'u mono zéb u.

Mateu 14:20

Tawamhã aihĩni pese ma tô dasa hã huri ni. Duré ãhã wamhã, ma tô dasa hã da te 'mahâpãrĩ. Tawamhã Zezusihi siré 're inomro mono norĩ hã ma tô apâ danho'rata mono hã si'õtõ 're, te te sé i'u'ẽtẽ wẽ'ẽ norĩ hã, pe'a wẽ'ẽi me. Ãhã wamhã, 12 na si'õno hã, danho'rata ré hã. Si'õtõ 'remhã, duré 'masisi mono di.

Ruti 2:13

Tawamhã Ruti ma tô Buazihi ma tinha, ãne: — Apito, wẽ na te ĩpawapto mo. Ĩma inharĩ wẽ mono zém na ma ãma ĩma irowẽ waze, wa hã aima romhuri'wa norĩ sipi'õ norĩ ma, ĩwapure nherẽ.

Ruti 2:15

Tawamhã Ruti hã amnho 'rã'a'a te te awaibui mono da, apâ oto wahutu wamhã, ma tô Buazi hã tite romhuri'wa norĩ ma roti za'ra, ãne: — Iteihi iwasisi za'ra wa'aba mono 'remhã te te duré tô awaibu mono, amnho 'rã'a'a hã. Tahawa, tiwi sawi za'ra wa'aba õ di za, siséb tõ da. Te za duré iteihi wasisi hawimhã isani za'ra wa'aba mo, tãma sãmra za'ra wa'aba mono da, taha zama te te awaibui mono da.

Ruti 2:18

Tawamhã amnho hã te oto tidu 'ri tẽme, 'ri ahâ u hã. Te te ãwisi wamhã, timaprebaba ma, sa'u te te iduri hã ma tô tãma hâi'ré, sa'ẽtẽ na te te i'awaibui mono zé hã te te waihu'u da. Abzuma tisa si'atarẽme zama ma tô duré tãma tisõ.

1 Samuéu 17:17

Tahawa, te Zésé hã nimahã bâtâ na ti'ra Dawihi ma tinha ãne: — Ma'ãpé 'mai'âri amnho trigu 'rãzazu hã 10 na ipire pibuzém na, 10 na duré i'u'ẽtẽ wapu zama. Taha parimhã, da te dasima i'ri nhoré za'ra zéb u ai'aba'ré na asisãnawã norĩ ma duri za.

1 Samuéu 25:18

Tahawa, ma tô Abigaiu hã waibu 200 na i'u'ẽtẽ wapu hã. Ma duré timra maparane romhâ 'manharĩ na ub'rẽ i'masi hã uwa 'rãi wa'ui ré hã. Ma tô duré timra 5 na pone'ẽrebâ isebre hã, duré amnho trigu 'rã zebre hã 17 na ipire pibuzém na. Duré 100 na ma tô timra i'ru 'ré na uwa 'rãi'ré prã 'manharĩ na i'u'ẽne hã, duré 200 na figuera wede 'rãi'ré prã 'manharĩ na i'u'ẽne hã. Taha pari, ma tô oto sima wasisi, awaru po'repore ba nhisiwimhã.