Ruti 2:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã te Buazi tãma tinha asa: — Wa tô wapa, aimaprebaba ma, aimro hã idâ'âzém hawi uburé marĩ hã 're i'ab'manharĩ mono zém na hã. Ĩma waihu'u pese di duré, aimama norĩ hã ana me irẽme zahuré zém na hã duré asa'ru zama irẽmezém na hã. Tahawa, ãwa ma tô we aimo, aima idawaihu'u'õ norĩ wazari, 're aihâimana mono da.

Ruti 2:11 ပူးပေါင်းရင်းမြစ်များ

Salmu 45:10

Apito siwẽ, ma'ãpé ĩnhimiroti hã wapari pese ane: “Asiré a'uwẽ norĩ ãma te za aipo're si'â, duré asisãnawã norĩ ãma hã.

Luca 5:11

Tawamhã uba're, ma tô sani za'ra, rob'ré u. Uburé ma tô marĩ hã rẽme za'ra, tinhimiromhuri za'ra zé hã, Zezusihi siré oto 're nomro mono da.

Luca 5:23

Wa hã dawasédé hã te dama 're i'apari waihu'u pese mono na, e niha te za iwaihu'u za'ra wa'wa, sena na ĩwaihu'u za'ra wa'aba da hã. Aibâ ma, wa tô tinha, ãne: “Aiwasédé hã 're i'ab'manharĩ wasété mono zé hã, te ai'ãma 're ab'madâ'â mono õ di za oto.” Ãne hã ĩmreme si wamhã, aima pibu prã za'ra wa'aba di tô. Ã hã imorĩ'õ hã wahutu da, duré oto morĩ da, te tãma nharĩ wapsi, te za iwaihu'u za'ra wa'wa, ĩwaihu'u pese na sena na ĩwaihu'u za'ra wa'aba da oto. Ti'ai ãma Dasiré Ipoto ma hã waihu'u pese di, dawasédé te te dama 're i'apari mono da hã, 'Re ihâimana u'âsi mono zadawa para. Ãne na asiwi ĩwaihu'u za'ra wa'aba da, wa za ihi'ré ma tinha, wahutu da. Tawamhã ihi'ré ma, te oto tinha, ãne: — Ma'ãpé, aiwahutu. Asa'warizé hã âri, asõrõwa u aimorĩ da oto.

Ruti 1:11

Tane nherẽ, Noẽmi ma tô tãma nharĩ zahuré, ãne: — Ĩsani'aba norĩ, apâ te za ane wa'wa. E tihai wa, te bété asima iwẽ wa'wa, ĩsiré ãma ane wa'aba da. E ma tô ĩ'ãma irosa'rata 'wa, apâ za ĩ'ra zahu wa, ta norĩ ãma si aimro wa'aba da hã.

Ruti 2:10

Tawamhã Ruti ma tô hi'rãtitõ nhamra. Ti'ubu na ma tô ropto, ti'ai u hã. Tawamhã te Buazihi ma tinha, ãne: — E tihai wa, ma tô ĩwẽsã, tiha hã ĩma i'manharĩ wẽ zéb da hã, wa hã dasiré a'uwẽ õ nherẽ.

Ruti 2:12

Uburé Danhib'apito si te za uburé aima wa'â, marĩ hã 're i'ab'manharĩ mono zé hã. Ta hã Izaraéu nhihudu norĩ nhib'apito isimi'madâ'â wẽ zéb zarina we aimorĩ hã sa'ẽtẽ na te te aima wa'âbâ da, wa ĩsima wẽ.

Ruti 3:10

Tawamhã Buazi ma tô ãma tãma wa'rã, ãne: — Wa tô ĩsima wẽ, Uburé Danhib'apito si iwẽ hã te te aima 're pisutu mono da. Tô sena na aihâimana wẽ zém na ma asihâi'ré wẽ, aimaprebaba si'aibâ sisãnawã norĩ ma hã, aimaprebaba sipi'õ ipawapto wẽ zém nhipai u hã. E marĩ wa. A hã aibâ iprédupté isibro pese zô asima airĩtĩ õ wa, niha wamhã, duré isibrob'õ zô.

Ruti 4:15

Ta hã te te 're aipẽ'ẽ nomri u'âsi mono da, wama wẽ za'ra di, duré asi'ihi wa, te te 're i'ai'madâ'â mono da zama, wama iwẽ za'ra hã. Asani'wa hã 'watébrémi na te te 're asawi pese. Duré ta hã pire na te aima 're hâimana, 7 na 're ida'ra za'ra mono nhipai u.