Ruti 1:6 - ꞌRe Ihâimana Uꞌâsi Mono Zadawa Wasuꞌu

⁶ Nimahã bâtâ na ma tô Noẽmi hã waihu'u, Uburé Danhib'apito tinhib'a'uwẽ te te 're i'apawapto mono zém na hã, amnho 'rãi pese na. Tahawa, ma tô sima robza'ra pese, Moabi hawi tisani'aba norĩ ré, watobro da hã.

Ruti 1:6 ပူးပေါင်းရင်းမြစ်များ

Zenezi 21:1

Tawamhã Uburé Danhib'apito te te iropisutuzéb zarina, ma tô iwẽ hã tãma pisutu, Saraha ma.

Zenezi 28:20

Tawamhã Zaco, tame ma tô 'Re ihâimana u'âsi mono ma sina ropisudu hã 'manha ãne: “A hã ĩsiré aimorĩ da wamhã, za ĩmorĩzém na i'madâ'â pese mono wamhã, duré ĩ'uzazé norĩ mra me ĩma sõmri za'ra wamhã,

Zenezi 48:15

Taha pari ma tô ti'ra Zuzéhé ãma, 'Re ihâimana u'âsi mono ma hã mre, ãne: “'Re ihâimana u'âsi mono, ĩmama norĩ Abra'ã, Izaquihi me te te aima 're iromhuri zahuré mono hã ma'ãpé ã hã ipréduptém norĩ ma, iwẽ hã tãma 're apisutu zahuré mono. Duré 'Re ihâimana u'âsi mono, ibâ na 're ĩmorĩ ré ã bâtâ u hã ĩnhimizama 'madâ'â na 're ĩhâimana mono ré, we ĩzaprõni wẽ 'wa, ma'ãpé iwẽ hã tô tãma 're apisutu zahuré mono.

Zenezi 50:25

Tawamhã Zuzé, tisisãnawã norĩ wi, te te tãma iropisutu za'ra zéb da hã, ma tô tiwi waptẽrẽ za'ra ãne: — 'Re ihâimana u'âsi mono si te za tô te te 're aipawaptob za'ra wa'wa. Ãne hã niwa romhâimana wamhã, te za ĩhi norĩ hã asiré asiwi iduri 'wa za.

Salmu 102:14

'Ri nho'õmo na 'rizé ẽtẽ za'ra mono, siprum na 're sa'wari mono nherẽ, asib'a'uwẽ norĩ ma sawi u'âsi za'ra di. Te duré 'ri sipru za'wari 'rãihâ na ãma 're siwamri za'ẽtẽ u'âsi za'ra.

Salmu 132:15

Wa hã wa za danho ahâ na, ro te ipisutu ma hã 're ĩnhoprub u'âsi. Duré isibrob'õ iwa 're isi'ubumroi mono norĩ ma, wa za dasa ahâ na te tãma 're sõmri za'ra.

Ezodu 3:16

Tawamhã taha pari te 'Re ihâimana u'âsi mono duré ãne tãma tinha: — Aimorĩ, Izaraéu norĩ ma, i'rãnho'u 'rã'õtõ da. Tawamhã te za ãne tãma ĩzadawa wasu'u za'ra. Wa hã Uburé Danhib'apito aihi'rata norĩ te, 'Re ihâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Wa tô aima ĩsihâi'ré. Duré wa tô aima waihu'u, ãne na tãma ĩzadawa wasu'u za'ra da: “Wa hã 're irobzépata za'ra wa'aba mono zé hã wa tô te 're 'madâ'â. Duré ezipsiu norĩ te te aima 're irob'manharĩ wasété za'ra wa'aba mono zé hã ĩma waihu'u pese di.

Ezodu 4:31

Tawamhã ma tô uburé ãma saze za'ra, isimirowasu'u na hã. Uburé Danhib'apito itẽme imorĩ za'ra zém na te te sina waihu'u za'ra wa, duré da te tãma 're irob'manharĩ wasété za'ra mono zém na te te 're i'madâ'â za'ra mono na te te sina waihu'u za'ra wa, hi'rãtitõ ma tô asimro, 'Re ihâimana u'âsi mono ãma wata za'ra da hã.

Provébiu 30:8

Ĩzadawa nhipese na 're ĩhâimana mono da hã, ma'ãpé ĩma sa'ré tõ. Duré ĩnhibro pese na, niha wamhã duré ĩnhimarĩ'õ pese na 're ĩhâimana mono da hã ĩma sa'ré tõ. Ĩnomo wabre dasa na 're ĩhâimana mono da si, te za ĩma 're isõmri mo.

Zuéu 2:19

Ãne ma tô tinhib'a'uwẽ norĩ hã ãma sada'âbâ za'ra oto: “Ãhã na hã wa za aima sõmri za'ra wa'wa amnho hã, duré uwa 'rãi wa'u isé hã, azeitona wa'u tob zama. Ãhã wamhã, te za a norĩ wa'wa hã asa na 're asidupu za'ra wa'aba mo. Niwamhã te duré dama 're iwaprosi mono da hã mare di za, asiré a'uwẽ'õ norĩ ai'ãma 're wa'ẽ za'ra wa'aba mono da hã.

Mateu 6:11

à bâtâ na, wei wama 're anhomri mono, wasa hã ãma 're iwasaihuri mono zéb da hã.

Luca 1:68

— 'Re ihâimana u'âsi mono hã wẽ di, Wanhib'apito hã. Wẽ wa, wa za ãma 're wawata u'âsi za'ra. Wa norĩ hã Izaraéu nhihudu, te za we oto wapawaptob za'ra, wanhitob'ru nhimiwada'uri hã wama wapu za'ra da, rowẽ na 're wasi'ubumroi mono da.

Luca 19:44

Danhitob'ru norĩ hã te za 'ri hã daré te te 're sãmra za'ra. 'Ri hã, tâibâ za oto. 'Ri tede'wa zama, te za uprosi za'ra. 'Ri tâibâ wamhã, ẽne hã te za oto re na 're simi'wara, 'rizé hã. 'Re ihâimana u'âsi mono, te aré danho'reptu za'ra. Tane nherẽ, danho'reptui'wa, datẽme iwisi na hã da te waihu'u za'ra õ di.

1 Timotiu 6:8

Tahawa, ti'ab ré, wasai ré 're wahâimana za'ra mono wamhã, duré wa'uza ré 're wahâimana za'ra mono wamhã, marĩ zô si wasima 're wanhopré mono õ di za, marĩ na wa te wasima ãma 're irowẽ za'ra mono zéb da hã.

1 Pedru 2:12

A norĩ wa'wa hã Wanhib'apito zazei'õ'wa norĩ wazari, te 're aihâimana za'ra wa'aba mo. Tahawa, te za aihâimana wẽ na si dama 're aihâimana za'ra wa'aba mo. Tawamhã aihâimana wasété na, taré da te aima 're nharĩ za'ra wa'aba mono nherẽ, te za da te 're aiwaihu'u za'ra wa'wa, dama 're aihâimana wẽ za'ra wa'aba mono zém na. Tawamhã Cristu hã apâ wei morĩ wapsi, te za 'Re ihâimana u'âsi mono ãma tawata za'ra ni, isimiroti zarina aihâimana wẽ na, dama 're aihâimana za'ra wa'aba mono wa.

Ruti 1:7

Tahawa, ma tô oto wairé, Zuda u te te sina siri za'ra da. Tane nherẽ, bâdâdi na si'aba'réi ré,

1 Samuéu 2:21

Tawamhã Uburé Danhib'apito hã ma tô duré pawapto iwẽ na, Ãna hã. Tahawa, ma tô si'ubdatõ i'ra si'aibâ tãma tipoto za'ra, duré maparane pi'õ hã. Tawamhã taha ré ma tô 'watébrémi Samuéu hã oto tiprédu, Uburé Danhib'apito ma, te te 're romhuri mono ré.