Roma 9:13 - ꞌRe Ihâimana Uꞌâsi Mono Zadawa Wasuꞌu

¹³ Ãne na hã 'Re ihâimana u'âsi mono zadawa 'mahârâ'wa hã ma tô imreme na rob'ui'éré, ibaihâ na hã: “Zacoho si, ĩma sawi di. Ezauhu si hã te ĩsima wẽ õ di.” Ãne 'Re ihâimana u'âsi mono, si'uihâ na te te sima iwẽzéb zarina, Zaco te te sima ipisutuzé hã, idub'rata upana.

Roma 9:13 ပူးပေါင်းရင်းမြစ်များ

Zenezi 29:31

Tawamhã Uburé Danhib'apito, Zaco, Léia te te siwi iwẽ'õ na te te 'madâ'â wa, ma tô 'ra da hã tãma 'manha, wasã da. Tane nherẽ, Raqueu te zahadu 'ra waihu'u ãna 're hâimana.

Zenezi 29:33

Tawamhã duré Léia apâ wasã zahu wamhã, ma tô i'ra hã tãma podo. Ta hã ma tô duré sisi, Simiã na. Tahawa te ãne duré tinha: — Uburé Danhib'apito, ĩmro te te ĩzawi'õzém na hã ma tô mapa. Tahawa ma tô duré ã hã ĩ'ra ĩma tisõ.

Provébiu 13:24

Ni'wa, ti'ra te te 're ahâri mono õ wamhã, tãma isawi'õzé hã te wasu'u. Duré ni'wa ti'ra te te 're sawi pese mono wamhã, te za tô simiza'rese prãi wi zahadu ré te te 're ahâri.

Mateu 10:37

— Ni'wam norĩ hã te te 're ĩzawi za'ra mono zém nhipai u, timama norĩ hã te te 're sawi pese za'ra mono wamhã, ĩ'ãma 're nomro waihu'u mono õ di za. Duré ni'wam norĩ hã ĩzawi nhipai u ti'ra norĩ te te 're sawi pese za'ra mono wamhã, ĩ'ãma 're nomro waihu'u mono õ di za duré.

Marcu 12:10

— Oro 'Re ihâimana u'âsi mono zadawa wasu'u na rob'ui'éré hã 're sõré za'ra wa'aba mono za, aima waihu'u za'ra wa'aba õ di bété. Ãne ibaihâ na rob'ui'éré hã: “Ẽtẽ tomhâpâ wẽ 'ri na'ratazéb da, wẽ uptabi nherẽ, wasété newa, 'ri'wa norĩ te te siwi iwẽ'õ hã te oto tô taré nherẽ pire na hã, 're sa'wari u'âsi.

Luca 14:26

— Ãté, ni'wam norĩ hã te za we ĩtẽme ai'aba'ré, ĩzazei'wa, 're nomro mono da. Tawamhã te za te te 're ĩzawi pese za'ra, timama zawi nhipai u, duré tina zawi nhipai u, duré timro zawi nhipai u, duré ti'ra norĩ zawi nhipai u, duré tisisãnawã norĩ zawi nhipai u, duré tihâimanazém nhipai u.

Zuwã 12:25

— Ni'wam norĩ hã tihâimanazé te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, tihâimanazé te te sima 're sawi za'ra mono õ wapsi, te za rowẽ hã te te sina 're uwaimrami za'ra.