Roma 8:23 - ꞌRe Ihâimana Uꞌâsi Mono Zadawa Wasuꞌu

²³ Tane nherẽ, uburé ropodo hã ta norĩ si 're wab'ẽtẽ za'ra mono õ di. Wa norĩ zama, wa 're wawab'ẽtẽ u'âsi za'ra, 'Re ihâimana u'âsi mono hã tinhoprubzéb zarina, imorĩ'rata na Tipẽ'ẽzani, te te wama 're anhomri mono wa, wapẽ'ẽ 're, 're isãmra u'âsi mono da hã. 'Râwi wapẽ'ẽ na, wa 're wawab'ẽtẽ u'âsi za'ra, 'Re ihâimana u'âsi mono hã uburé ti'ra na sõ'awi za te te oto dama iwawasu'u hâi'ré za'ra zéb zô, 're wanhimipari za'ra mono ré. Duré ti'ab ré, wanhib'uware na wahâimana wasété na 're iwahâimana za'ra mono zém hawi, za te te 're iwa'awaibui mono zéb zô, 're wanhimipari za'ra mono ré, wa 're wawab'ẽtẽ u'âsi za'ra.

Roma 8:23 ပူးပေါင်းရင်းမြစ်များ

Luca 20:36

'Re ihâimana u'âsi mono ma romhuri'wa norĩ ne, te za dâ'â ãna 're hâimana u'âsi za'ra, dâ'â waihu'u ãna. 'Re ihâimana u'âsi mono 'ra, te za 're dahâimana za'ra, ab're hawi za te te da'ahâiwa'utu wamhã.

Luca 21:28

Ãne wana ré, marĩ hã pusi mono wamhã, te za asiptete na 're aihâimana u'âsi za'ra wa'aba mo. Duré 're ai'rãiwahutu za'ra wa'aba mono. E marĩ wa. Romhutu na te za asõ'reptu za'ra wa'aba zé hã asina i'uwaimrami za'ra wa'wa.

Roma 5:11

Tane nherẽ, taha si õ di. 'Re ihâimana u'âsi mono ãma, wa duré watoi u'âsi 're wahâimana za'ra, Wanhib'apito Zezu Cristu dâ'âzém na, wa'ãma 're siwadi za'ra mono wa oto.

Roma 5:3

Duré Cristuhu zazei'wa, 're wanomro mono 'ru te, da te wama 're rob'manharĩ za'ra mono wa, wa te 're robzépata za'ra mono ré, wa za watoi u'âsi 're wahâimana za'ra, wa te 're irobzépata za'ra mono zéb zarina, õhõ ãma si wanhiptete sina 're iwahâimana za'ra mono zéb da hã, wa te wasima ãma 're sa'ẽtẽ za'ra mono wa. Ãne hã wa te wasina 're waihu'u pese za'ra mono wa, wa za watoi u'âsi 're wahâimana za'ra.

Roma 5:5

Ãhã zô, taré sô 're wanhimipari baba za'ra mono õ di za. E marĩ wa. 'Re ihâimana u'âsi mono hã Tipẽ'ẽzani te te wama 're i'anhomri mono na, tinhimizawi pese zé hã te te wama 're awaihu'u mono wa. Tahawa, taré sô 're wanhimipari za'ra mono õ di za, marĩ iwẽ hã te te wama 're i'apisutu mono zéb zô hã.

Roma 7:24

Wa hã ĩwasété u'âsi 're ĩhâimana mono zém na, 'râwi 're ĩsipo're pu'u mono wa, wa 're ĩsiwẽ'õ u'âsi. 'Re ihâimana u'âsi mono nhimiroti zarina si 're ĩhâimana u'âsi mono da, te ĩsima 're rosa'rata wẽ u'âsi mono nherẽ aré, tane nherẽ, ĩpẽ'ẽ 're, ĩwasédé hã ĩma 're ihâimana u'âsi mono zéb zarina si, wa 're ĩhâimana u'âsi tô. E 'wa hã te za ãne wamhã, ĩnho'reptu, ĩpẽ'ẽ 're, ĩdâ'â u'âsi 're ĩhâimana mono zém hawimhã. 'Re ihâimana u'âsi mono si te za ĩnho'reptu, ĩdâ'â u'âsi 're ĩhâimana mono zém hawi, Wanhib'apito Zezu Cristuhu nhimipawaptobzéb zarina hã. Tahawa, wa oto taha ãma si 're ĩwata u'âsi.

Roma 8:19

'Re ihâimana u'âsi mono hã uburé te te i'apoto mono hã, simisutu te umnhasi sina sô 're simipari za'ra, bâdâ iwa iwaptã'ãzéb zô, uburé ti'ra na sõ'awi za te te oto dama iwasu'u hâi'ré za'ra zô.

1 Corĩtu 1:7

Tahawa, Wanhib'apito Zezu Cristu apâ we imorĩzéb zô, 're asimipari za'ra wa'aba mono ré, 'Re ihâimana u'âsi mono, tinhoprubzéb zarina iwẽ hã te te aima 're isõmri za'ra wa'aba mono zéb zô, aiwi 're rowaptâ'â za'ra wa'aba mono õ di za oto.

2 Corĩtu 1:22

Tipẽ'ẽzani hã ma tô duré te te wama 're anhomri, wapẽ'ẽ 're, wama 're ihâimana za'ra mono da hã. E marĩ te tawamhã wama wasu'u za'ra, Ipẽ'ẽzani hã wapẽ'ẽ 're, 're ihâimana mono zé hã. 'Re ihâimana u'âsi mono nhib'a'uwẽ 're iwahâimana za'ra mono zé, te wama wasu'u za'ra. Duré, Ipẽ'ẽzani hã wapẽ'ẽ 're, oto 're sãmra mono wa, wa za wa te 're waihu'u pese za'ra, 'Re ihâimana u'âsi mono, sena na za te te wama ãma 're i'a'uwaimrami mono zém na hã, uburé te te wama 're i'aropisutu mono zéb zarina.

2 Corĩtu 7:5

Masédonia u, we wasimasisi wamhã, wa te ãma ãpusi waihu'u õ di. Ãmemhã wazada hã ro'wa'rutu uptabi di, da'ahâ na wazada dahâimana za'ra wa. Duré ai'ãma wahâtâ'â za'ẽtẽ za'ra wa'aba di. E marĩ wa. Wanhib'apito wasu'uwẽ nhiti, aipizari za'ra wa'aba õ'umnhasite.

Galata 5:5

Ãnei õ di, wa norĩ hã. Cristu Danho'reptui'wa na, wa tô wasina wa te 're saze za'ra. Taha zarina, wa wasina sô 're wanhimipari za'ra, rob'rãsutuzéb ãma, 'Re ihâimana u'âsi mono te te wama iwaihu'u za'ra zéb zô, wawasédé te te oto wa'ãma 're i'ab'madâ'â mono õ zéb zarina, te te 're iwa'awẽsãmri mono zém na. Ãne 'Re ihâimana u'âsi mono pẽ'ẽzani te te wama 're i'awaihu'u mono zéb zarina, wa wasina sô 're wanhimipari za'ra oto.

Éfézu 1:14

Tawamhã niwapsi te za uburé marĩ iwẽ hã te te wama 're anhomri, tizazei'wai mono bâ. Duré isib'a'uwẽ 're wahâimana za'ra mono wa, te za rowasété hawi wa'awaibui pese. Tawapsi wama 're rowẽ uptabi za'ra mono di za. Ãne tô sena za te te wama ãma i'a'uwaimramizém na, wa te ãma waihu'u za'ra da, ma tô Tipẽ'ẽzani hã te te wama 're anhomri. Tahawa, ãma 're wawata u'âsi za'ra wa'aba mono.

Éfézu 4:30

'Re aihâimana wasété za'ra wa'aba mono õ di za, aihâimanazém na Wamama pẽ'ẽzani wi 're robzei'õ tõ za'ra wa'aba mono da. E marĩ wa. Ipẽ'ẽzani hã te wapẽ'ẽ 're, wama 're hâimana za'ra, wapibui pese zéb da hã, 'Re ihâimana u'âsi mono te, tãma 're iwahâimana za'ra mono na, bâdâ iwa waptã'ã õ ré, te te iwa'anho'reptuzéb da hã.

Titu 2:13

Ãne wa za 're wanomro, Wa'anho'reptui'wa zô wanhimipari sina. Wa za rowẽ u'âsi 're wahâimana za'ra, wasina 're wanhimipari za'ra mono sina. Rowa'a za'ẽtẽ ré, apâ wei morĩ wapsi, wa za watõmo na 'madâ'â za'ra ni, danhipai u 're ihâimana mono hã, Wanhib'apito Zezu Cristu hã.

Hebreu 9:28

Tane ma tô duré Cristu hã misi haré dazada dârâ, dawasédé hã da'ahâ na te te oto dama ãma 're i'apari mono zéb da hã. Tawamhã niwa ti'ai u apâ wei morĩ zahu wamhã, ta hã oto dazada dâ'â da hã, wei morĩ õ di za, taha zarina dawasédé hã te te duré dama 're apari mono da hã. Ãne hã mare di za. Sô 're isimipari za'ra mono norĩ si, te te oto isõ'reptui pese za'ra da si, te za wei mo apâ Cristu hã, ta norĩ zô si.

1 Pedru 1:7

Wanhib'apito umnhasi sina 're aihâimana za'ra wa'aba mono zô, te za rowasédé hã asada 're hâimana za'ra wa'wa. Wanhib'apito Zezu Cristuhu ma, wẽ di, Wanhib'apito umnhasi sina 're i'aihâimana za'ra wa'aba mono zé hã. Ẽtẽ waipo pré oru hã dama isawi pese zém nhipai u, tãma wẽ di. Ẽtẽ waipo pré oru hã wa'âbâ za'ẽtẽ wa, dama sawi pese di, ta hã dama 're hâimana u'âsi mono dai õ nherẽ. Zata õ zô, te za unhama wa hiri ni, zata õ wa, da te iwaihu'uzéb da hã, oru uptabi na. Tane, a norĩ wa'wa hã rowasédé hã asada 're hâimana za'ra wa'aba mono nherẽ, Wanhib'apito umnhasi sina 're aihâimana u'âsi za'ra wa'aba mono wamhã, apâ wei morĩ wapsi, te za danho'a ai'ãma tiwata za'ra wa'wa, õhõ umnhasi sina ãma 're i'aihâimana u'âsi za'ra wa'aba mono zém na. Tame te za duré marĩ hã iwẽ hã aima sõmri za'ra wa'wa. Rowẽ uptabi hã te za duré aima pisutu za'ra wa'wa. Tawapsi, aima 're rowẽ uptabi za'ra wa'aba mono di za oto.

1 Zuwã 3:2

Ĩsisãnawã norĩ, ĩma asawi pese za'ra wa'aba norĩ hã, 'Re ihâimana u'âsi mono 'ra, wa oto 're wahâimana za'ra. Tane nherẽ, za 're iwahâimana za'ra mono zéb da hã, zahadu wama waihu'u prã za'ra di. Cristu hã apâ wei wazô morĩ wamhã, isine wa za oto 're wahâimana za'ra. Ãhã si wama waihu'u pese za'ra di. E marĩ wa, wa za isine 're wahâimana za'ra. Tô sena Cristu hã 're ihâimana mono zém na 'râwi wa te oto wasiwi 're waihu'u za'ra mono wa, wa za oto tô isine 're wahâimana za'ra.