Roma 8:12 - ꞌRe Ihâimana Uꞌâsi Mono Zadawa Wasuꞌu

¹² Ĩsisãnawã norĩ, tahawa, wapẽ'ẽ 'remhã wanhimirosa'rata wasété na 're iwahâimana za'ra mono zé hã, mare di za oto.

Roma 8:12 ပူးပေါင်းရင်းမြစ်များ

Mateu 6:12

Dawasédé hã da te wa'ãma 're 'manharĩ za'ra mono wa, wa te wasina 're i'madâ'â za'ra mono õ ne, a hã duré wa'ãma 're ab'madâ'â mono õ di za, wawasédé hã.

Roma 8:11

'Re ihâimana u'âsi mono hã Zezusihi hâiwa'utu'wa hã, Ipẽ'ẽzani te aipẽ'ẽ 're, 're sãmra za'ra wa'wa. Tô õ hã Cristu te te ihâiwa'udu hã te za aihâiba hã niwamhã aiwi 're si'utõrĩ pese za'ra wa'aba mono nherẽ, te te 're aihâiwa'utu za'ra wa'wa, Ipẽ'ẽzani hã aipẽ'ẽ 're, 're isãmra za'ra wa'aba mono zéb zarina.

Roma 8:13

Aipẽ'ẽ 'remhã asimirosa'rata wasété na 're aihâimana za'ra wa'aba mono wamhã, te za atâ'â u'âsi ne 're anomro aba mo, 'Re ihâimana u'âsi mono nhiti. 'Re ihâimana u'âsi mono pẽ'ẽzani nhimipawaptobzém na, uburé aiwasédé 're i'manharĩ za'ra wa'aba mono zé hã asiwi 're uprosi pese za'ra wa'aba mono wapsi, te za 're aihâimana u'âsi za'ra wa'aba mo, 'Re ihâimana u'âsi mono 'rata.