Roma 7:18 - ꞌRe Ihâimana Uꞌâsi Mono Zadawa Wasuꞌu

¹⁸ Marĩ iwẽ hã ĩpẽ'ẽ 'remhã ĩma 're hâimana mono õ di. Ãne hã ĩma waihu'u pese di. Uburé marĩ iwẽ si te 're ab'manharĩ mono da, te ĩsima 're awẽ mono nherẽ, te ĩsina 're uwaimrami waihu'u mono õ di, ĩsi'uihâ na hã.

Roma 7:18 ပူးပေါင်းရင်းမြစ်များ

Zenezi 6:5

Tawamhã Uburé Danhib'apito, 're idawasété pese uptabi za'ra mono zé ma tô te te 're ab'madâ'â, õne u'â dawasété si da te 're 'manharĩ za'ra mono da, da te dasima ãma 're irosa'rata za'ra mono zé hã.

Zenezi 8:21

Tawamhã Nowéhé nhibzari zadaze, Uburé Danhib'apito te te hãi wamhã, ma tô wẽsã. Tahawa te ãne rosa'rata na hã sima tinha: “Niwamhã ti'ai ma, ãne na te irob'manharĩ na isahu da hã mare di za, iwa 're idahâimana za'ra mono norĩ u'âbâmhã, daprédup tém hawim haré, marĩ iwasété na si da te dasima 're rosa'rata u'âsi za'ra mono nherẽ.

Salmu 119:32

Tawamhã wa hã, wa sa'ẽtẽ asimiroti nhirã zarina si 're ĩsisamro. Ãne wa, te za ĩ'rãiwaihu'u za'ẽne hã ĩma 're isõmri mo.

Salmu 119:40

Wa hã wa tô ĩsima wẽ pese, asimiroti te 're 'madâ'â pese mono da hã. Tahawa, ma'ãpé ĩhâiba ré 're ĩhâimana hâ mono da hã a'â ĩma pisutu, tô i'uwaibaba na si dama 're i'arowairébé mono zéb zarina.

Salmu 119:5

Wa ĩsima wẽ upta, asimiroti te 're iwapari pese mono da si, duré te ãma aima 're i'uwaimrami mono da si.

Salmu 51:5

Sena ĩpotozém hawim haré, te ĩwasédé hã ĩma 're hâimana. Ĩna wasãzém hawim haré, wa tô ĩwasété ré hã 're ĩnhamra tô.

Mateu 15:19

Dapẽ'ẽ 're, danhimirosa'rata wasété hawim na si, te za dawasédé hã uburé da te ãma 're 'manharĩ za'ra, dasipãrĩ na hã, duré dasina danhimisaihuri na hã, duré marĩ na danhimisaihuri na hã, duré dazadawa nhipese na hã, duré da te da'ãma 're iwasété za'ra mono na hã.

Luca 11:13

Tane duré, a norĩ wa'wa hã 're anomro wẽ uptabi aba mono õ nherẽ, te za marĩ iwẽ si tô ai'ra norĩ ma 're isõmri za'ra wa'aba mo. Aimama 'wa hã hâiwa ãma 're ihâimana mono hã, te za asõpru wa'aba zém nhipai u, iwẽ hã te te aima 're sõmri za'ẽtẽ za'ra wa'wa, tiwi 're rowaptẽrẽ za'ra wa'aba mono wamhã. Tipẽ'ẽzani hã te za te te aima 're anhomri 'wa.

Roma 13:14

Siwa'ru 'râwi asima iwẽzéb zarina, aipẽ'ẽ 're asimirosa'rata wasété aba na ãma 're rosa'rata za'ra wa'aba mono õ di za. Wanhib'apito Zezu Cristu 're imorĩzém na si te za oto 're aihâimana za'ra wa'aba mo, isine.

Roma 7:15

'Re ĩsisa'rese mono õ di, marĩ te 're i'ab'manharĩ mono zém na hã. Uburé marĩ iwẽ si te 're ab'madâ'â mono da nherẽ, taha si te 're 'madâ'â mono õ di. Uburé marĩ hã te 're ab'manharĩ tõ mono da, te ĩsiwi 're awẽ'õ mono nherẽ, wa tô te 're ab'manharĩ tô, iwẽ upana.

Roma 7:19

Uburé marĩ iwẽ si te 're ab'madâ'â mono da nherẽ, taha si te 're 'madâ'â mono õ di. Taha upana, wa iwasété si te 're ab'manharĩ, ãne hã te 're ab'manharĩ tõ mono da, te ĩsiwi 're awẽ'õ mono nherẽ.

Roma 7:5

Wahâimana wasété na 're wahâimana za'ra mono ré, wa tô marĩ iwasété zô si, wa te 're rob'ruiwapari za'ra aré. Taha ré, 'Re ihâimana u'âsi mono nhimiroti 'rata na rob'ui'érézé hã, wawasété ãna 're iwanomro mono zé waihu'uzéb da, wama 're hâimana za'ra mono nherẽ, duré wama waihu'u pese za'ra nherẽ, taha upana si, wa tô marĩ iwasété zô si, wa te 're rob'ruiwapari za'ra, tô õhõ zô si, 'Re ihâimana u'âsi mono te te wawi 're i'azawi mono zô si. Taha zarina wa tô aré wapẽ'ẽ 're, wadâ'â u'âsi ne 're wahâimana za'ra, 'Re ihâimana u'âsi mono nhiti.

Galata 5:24

Cristu Zezusihi nhib'a'uwẽ 're idahâimana za'ra mono norĩ hã, tiwasédé hã aré te te 're 'manharĩ ze za'ra mono nherẽ, duré tiwasété zô aré te te 're rowasutu za'ra mono nherẽ, 'râwi te za tô oto te te siwi 're wẽ'õ pese za'ra, te te 're 'manharĩ za'ra mono tõ da hã oto.

Filipu 2:13

E marĩ wa. 'Re ihâimana u'âsi mono hã aipẽ'ẽ 're, te te ai'ãma 're romhuri u'âsi za'ra wa'aba mono wa, isimipawaptobzém na marĩ na ãma 're sazei pese za'ra wa'aba mono da, duré taha zarina i'uwaibaba si marĩ hã tãma 're 'manharĩ wẽ za'ra wa'aba mono da, te te sima 're i'aiwẽ za'ra wa'aba mono zéb uwaibaba.

Filipu 3:12

Wa hã uburé marĩ hã 'Re ihâimana u'âsi mono te te ĩma ipisutuzéb zarina, 're ĩhâimana mono zém na te ĩsina 're i'uwaimrami mono na, 're ĩsi'madâ'â mono õ di. Mare di. Zahadu te ĩsina uwe õ di, wa hã. Tane nherẽ, wa tô taha zô 're ĩsiwasutu u'âsi, iwẽ uptabi hã nimahã na te ĩsina sõ'õtõ da. Ãhã da, ma tô Cristu Zezusi hã ĩ'ãma tinhib'a'uwẽ.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.

1 Pedru 4:2

Tahawa, ti'ai ãma 're aihâimana za'ra wa'aba mono ré, te za 're aihâimana wẽ za'ra wa'aba mo, 'Re ihâimana u'âsi mono te te sima 're iwẽ mono zéb zarina si, marĩ na asima 're irosa'rata wasété za'ra wa'aba mono zéb zarina, 're aihâimana za'ra wa'aba mono ãna oto.