Roma 7:16 - ꞌRe Ihâimana Uꞌâsi Mono Zadawa Wasuꞌu

¹⁶ Uburé marĩ hã te 're ab'manharĩ tõ mono da, te ĩsiwi 're awẽ'õ mono nherẽ, iwẽ upana te 're ab'manharĩ mono wamhã, wa ĩsina te 're waihu'u, 'Re ihâimana u'âsi mono nhimiroti 'rata na rob'ui'éré, iwẽ si 're ihâimana mono na hã, isarina si.

Roma 7:16 ပူးပေါင်းရင်းမြစ်များ

Roma 7:12

Ta hã, isimiroti 'rata na Mozési te te irob'ui'éré hã wẽ uptabi di. Isarina si te wama 're hâimana za'ra, iwẽ uptabi si.

Roma 7:14

'Re ihâimana u'âsi mono nhimiroti 'rata na Mozési te te ãma irob'ui'éré hã e ma hawimhã. Ipẽ'ẽzani hawip si. Tane nherẽ, ta hawimhã, wa hã 're ĩhâimana mono õ di. Wa hã a'uwẽ hâiba na 're ĩmorĩ wa, wa ĩhâimana nhib'uware na 're ĩhâimana, ĩsi'uihâ na ĩsina 're ĩnhiptete waihu'u mono õ na hã. 'Re ĩhâimana wasété mono zé ma si, wa tô ĩhâiba hã te 're sõmri u'âsi.

Roma 7:22

Wa hã 'Re ihâimana u'âsi mono nhimiroti wẽ wasu'u na hã 'râwi wa tô te ĩsima 're wẽ u'âsi, ĩpẽ'ẽ 'remhã.

1 Timotiu 1:8

'Re ihâimana u'âsi mono nhimiroti hã, Mozési te te dama 're i'awaihu'u mono hã wẽ di, da te dama ãma 're iroti za'ra mono zéb da hã. Ãne wama waihu'u pese za'ra di.