Roma 7:15 - ꞌRe Ihâimana Uꞌâsi Mono Zadawa Wasuꞌu

¹⁵ 'Re ĩsisa'rese mono õ di, marĩ te 're i'ab'manharĩ mono zém na hã. Uburé marĩ iwẽ si te 're ab'madâ'â mono da nherẽ, taha si te 're 'madâ'â mono õ di. Uburé marĩ hã te 're ab'manharĩ tõ mono da, te ĩsiwi 're awẽ'õ mono nherẽ, wa tô te 're ab'manharĩ tô, iwẽ upana.

Roma 7:15 ပူးပေါင်းရင်းမြစ်များ

Salmu 1:6

Ite bâdâdi na 're inomro wẽ mono norĩ si, te tô Uburé Danhib'apito hã te te 're awẽsãmri. Tane nherẽ, 're inomro wasété mono norĩ nhibâdâdi hã te 're isi'utõrĩ mono zéb u si te te 're ãwisi za'ra.

Salmu 119:104

Ĩ'rã nhimiza're hã te asimiroti hawim na te te ĩma sina 're hâimo. Tahawa, bâdâdi senai'õ da hã wa sada 're ĩnhiti'rui pusi.

Salmu 119:113

Dahâimana si'ahâ norĩ zada, wa 're ĩnhiti'rui pusi. Tane nherẽ, asimiroti si wa tô te 're sawi pese.

Salmu 119:128

Tahawa, wa wa hã asimiroti zarina si 're mo. Wa duré uburé dazadawa nhipese na si 're idanomro mono zé bâdâdi hã ĩsiwi te 're wẽ'õ pese.

Salmu 119:32

Tawamhã wa hã, wa sa'ẽtẽ asimiroti nhirã zarina si 're ĩsisamro. Ãne wa, te za ĩ'rãiwaihu'u za'ẽne hã ĩma 're isõmri mo.

Salmu 119:40

Wa hã wa tô ĩsima wẽ pese, asimiroti te 're 'madâ'â pese mono da hã. Tahawa, ma'ãpé ĩhâiba ré 're ĩhâimana hâ mono da hã a'â ĩma pisutu, tô i'uwaibaba na si dama 're i'arowairébé mono zéb zarina.

Salmu 19:12

E 'wa hã marĩ na te te 're i'upai mono zé hã te te sina 'madâ'â waihu'u pese bâ. Apito, ma'ãpé ĩpẽ'ẽ 'remhã ĩma pari, ĩwasédé te 're i'a'manharĩ mono zé hã, te waihu'u ãna.

Salmu 36:4

Tinhimiwaptâ wa, 're sa'wari mono ré, te marĩ iwasédé te te i'manharĩ da hã te te sima ãma 're rowa'õtõ. Bâdâdi iwasété na si hã te 're mo. Duré niwamhã marĩ iwasédé hã te te siwi 're awẽ'õ waihu'u mono õ di.

Provébiu 13:5

Sena na 're ihâimana za'ra mono norĩ ma hã dazadawa nhipe hã tãma 'ru ti. Tane nherẽ, iwasété norĩ hã te za dama rowazébzé hã te te dama 're sani za'ra.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Zuwã 15:15

Danhib'apito norĩ hã uburé tinhimiroti hã te te tãma 're waihu'u za'ra mono õ di, tãma iromhuri'wa norĩ ma hã, tãma iromhuri'wa norĩ si 're hâimana za'ra mono wa. Tanei õ di, wa hã. Uburé, wa tô Ĩmama nhimiroti hã te aima 're wasu'u za'ra wa'wa. Tahawa, ĩma romhuri'wa na si te 're asisi za'ra wa'aba mono õ di za oto. Te 're i'asawi pese za'ra wa'aba mono na zama, wa za oto te 're asisi za'ra wa'wa.

Roma 12:9

Taré asimizawizé hã aima 're hâimana za'ra wa'aba mono tõ da, te za tô sena na asimizawi pese zé hã aima 're hâimana u'âsi za'ra wa'wa. Uburé marĩ wasété nhiti, te za 're aihâimana za'ra wa'aba mo, asiwi 're wẽ'õ pese za'ra wa'aba mono sina. Uburé aihâimanazé iwẽ na si te za oto 're aihâimana za'ra wa'aba mo.

Roma 14:22

'Re ihâimana u'âsi mono si te te ãma 're awaihu'u mono da, te za 'râwi asima si ãma 're irosa'rata za'ra wa'aba mo, siwa'ru romnhi 're huri aba mono wa, ãma 're i'upa za'ra wa'aba mono õ zém na hã. Ni'wam norĩ hã uburé siwa'ru, tisa te te sima 're iwẽ uptabi za'ra mono zéb zarina, te te 're ihuri mono na, 're siwẽ'õ za'ra mono õ wamhã, ipẽ'ẽ 're tãma 're rowẽ uptabi za'ra mono di za. Duré ni'wam norĩ hã siwa'ru dasa hã te te siwi 're iwẽ'õ za'ra mono zéb zarina, te te 're ihuri mono õ na, 're siwẽ'õ za'ra mono õ wamhã, ipẽ'ẽ 're tãma 're rowẽ uptabi za'ra mono di za duré, ãne hã aiwa.

Roma 7:16

Uburé marĩ hã te 're ab'manharĩ tõ mono da, te ĩsiwi 're awẽ'õ mono nherẽ, iwẽ upana te 're ab'manharĩ mono wamhã, wa ĩsina te 're waihu'u, 'Re ihâimana u'âsi mono nhimiroti 'rata na rob'ui'éré, iwẽ si 're ihâimana mono na hã, isarina si.

2 Timotiu 2:19

Tane nherẽ, ẽtẽ 'manharĩ na 'ri na'rada hã, siptete na 're ihâimana mono ne, te za 'Re ihâimana u'âsi mono nhimiroti hã pire na 're hâimana u'âsi. Ãne isimiroti na rob'ui'éré hã: “Wanhib'apito hã te za tinhib'a'uwẽ norĩ hã tite na te te 're awaihu'u.” Ãne duré ãma irob'ui'éré hâiba amo hã: “Ni'wam norĩ hã Wanhib'apito nhib'a'uwẽ na dama 're siwasu'u za'ra mono wamhã, te za tiwasédé hã rẽme pese za'ra, 're nomro wẽ mono da oto.” Ãne isimiroti na rob'ui'éré hã.

Hebreu 1:9

Uburé marĩ iwẽ hã da te 're i'manharĩ za'ra mono si, aima wẽ uptabi di. Duré uburé marĩ iwasédé hã da te 're i'manharĩ za'ra mono si, ma tô da'ãma 're i'a'ruiwapari mo. Tahawa, wa hã 'Re ihâimana u'âsi mono, Asib'apito hã wa tô aipisutu, uburé asiré 're ihâimana za'ra mono norĩ nhipai u, aipire na tãma 're aihâimana za'ra mono da, duré ãne zarina ãma 're atoi u'âsi mono da.”

Tiagu 3:2

Uburé wa norĩ hã wa wahâimanazém na wa te 're upa za'ra. Ni'wa hã timreme na te te 're upai mono õ 'wa'âhã, aré 're hâimana wẽ mono di. Duré tiwasédé hã te te 're 'manharĩ tõ mono da hã, te aré 'râwi siwi 're simi'rãmi, tãma waihu'u pese wa.

Zuda 1:23

Duré, unhama u aré 're darere'e mono wa, da te 're idanho'reptu za'ra mono ne, te za ni'wam norĩ hã 're ipawaptob za'ra wa'aba mo, Zezusi te te 're saze za'ra mono da, ropipa u 're sisisi tõ mono da. Duré ni'wam norĩ hã, wasété uptabi na 're ihâimana za'ra mono norĩ hã ta norĩ ãma zama te za duré 're aipẽ'ẽzé za'ra wa'aba mo. Ãma 're aipẽ'ẽzé za'ra wa'aba mono nherẽ, te za ta norĩ wi 're asi'madâ'â pese za'ra wa'aba mo, tihâimana wasété zéb u te te 're aipizari za'ra wa'aba mono tõ da, sitẽme. Da'uza hã hâi wẽ nherẽ, da te dasiwi 're hâ uptob za'ra mono wa, da te 're iwẽ'õ pese za'ra mono ne, tihâimana wasété zém na 're isi'uptob za'ra mono zép si te za asiwi 're iwẽ'õ pese za'ra wa'aba mo.