Roma 7:12 - ꞌRe Ihâimana Uꞌâsi Mono Zadawa Wasuꞌu

¹² Ta hã, isimiroti 'rata na Mozési te te irob'ui'éré hã wẽ uptabi di. Isarina si te wama 're hâimana za'ra, iwẽ uptabi si.

Roma 7:12 ပူးပေါင်းရင်းမြစ်များ

Neemia 9:13

Sina'i na ẽtẽ 'rãihâ nhisi u we asi'rai wamhã, ma tô hâiwa hawi asib'a'uwẽ norĩ ma, we inha. Tahawa, ma tô sena na asimiroti ipire na, duré aimreme iwẽ na, tãma iroti za'ra.

Salmu 119:127

Asimiroti hã wa tô te 're sawi pese, ẽtẽ waipo pré oru nhipai u, duré tô oru uptabi marĩ na itõmo wazari'õ nhipai u.

Salmu 119:38

Aima romhuri'wai ma asimiropisudu hã ma'ãpé ãma ĩma uwaimrami, aiwazé'wa norĩ ma, taha asimiropisudu tô tãma 're i'manharĩ za'ra mono hã.

Salmu 119:86

Uburé asimiroti, te rob'umnhasizé hã te te sina ĩma 're sõmri. Tahawa, ma'ãpé ĩpawapto na, isadawa nhipese norĩ hã we ĩzarina 're nomro mono wa.

Roma 12:2

Ti'ai ãma dahâimana wasété na 're idanomro mono norĩ ãma hã, 're sasõmri za'ra wa'aba mono õ di za. 'Re ihâimana u'âsi mono wi si, te za 're irowaptẽrẽ u'âsi za'ra wa'aba mo, asimirosa'rata wẽ na si, aipẽ'ẽ 're, 're aihâimana za'ra wa'aba mono zé hã te te aima 're pisutu za'ra wa'aba mono da, 're aihâimana za'ra wa'aba mono zép tém na si, oto 're anomro aba mono da. Tawapsi te za 'Re ihâimana u'âsi mono, te te aima 're ipisutu za'ra wa'aba mono hã asina 're iwaihu'u pese za'ra wa'aba mo, marĩ iwẽ si tãma 're i'manharĩ za'ra wa'aba mono zém na hã.

Roma 3:31

Zezusi hã da te dasina 're i'umnhasi za'ra mono zém na si, 'Re ihâimana u'âsi mono hã dawasédé hã te te oto da'ãma 're ab'madâ'â tõ mono da, te te sima da'ãma 're aroti mono wamhã, e tawamhã, 'Re ihâimana u'âsi mono nhimiroti 'rata na rob'ui'éré hã, wama za'ra hã taré hã. E wa te 're 'madâ'â pese za'ra mono õ di za bété. Wa za tô taha zama, wa te 're 'madâ'â pese za'ra, tô sena wa.

Roma 7:14

'Re ihâimana u'âsi mono nhimiroti 'rata na Mozési te te ãma irob'ui'éré hã e ma hawimhã. Ipẽ'ẽzani hawip si. Tane nherẽ, ta hawimhã, wa hã 're ĩhâimana mono õ di. Wa hã a'uwẽ hâiba na 're ĩmorĩ wa, wa ĩhâimana nhib'uware na 're ĩhâimana, ĩsi'uihâ na ĩsina 're ĩnhiptete waihu'u mono õ na hã. 'Re ĩhâimana wasété mono zé ma si, wa tô ĩhâiba hã te 're sõmri u'âsi.

Roma 7:16

Uburé marĩ hã te 're ab'manharĩ tõ mono da, te ĩsiwi 're awẽ'õ mono nherẽ, iwẽ upana te 're ab'manharĩ mono wamhã, wa ĩsina te 're waihu'u, 'Re ihâimana u'âsi mono nhimiroti 'rata na rob'ui'éré, iwẽ si 're ihâimana mono na hã, isarina si.

1 Timotiu 1:8

'Re ihâimana u'âsi mono nhimiroti hã, Mozési te te dama 're i'awaihu'u mono hã wẽ di, da te dama ãma 're iroti za'ra mono zéb da hã. Ãne wama waihu'u pese za'ra di.