Roma 6:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã â dawabzuri hã oto wa te 're 'manharĩ za'ra mono wamhã, â da te 're iwanhamra mono zé, Cristuhu siré 're iwadâ'â za'ra mono zé, te wa'ãma simiré'é za'ra. Ab're 're, isiré da te 're iwanheme mono zéb zama, te wa'ãma wasu'u za'ra. E marĩ da, wa tô bété Zezusihi siré 're wadâ'â za'ra. Cristu hã dâ'â nherẽ, Imama hã tiwaihu'u pese na te te ihâiwa'utu ne, 're iwanomro mono zép tém na si, oto 're wahâimana za'ra mono da hã, wa tô isiré 're wadâ'â za'ra, wa norĩ hã. Ãne wa'ãma isimiré'é za'ra zé hã te wasu'u.

Roma 6:4 ပူးပေါင်းရင်းမြစ်များ

Zuwã 11:40

Tawamhã Zezusi ma te asa ãma tãma wa'rã ãne: — Tane nherẽ, te za dasiwi sa'ré ni. Ãma ĩzazei wamhã, dama iwaihu'u'õ te za i'madâ, 'Re ihâimana u'âsi mono te te i'manharĩzé hã. E ãne na hã te aima rowasu'u õ di bété aré. Wa tô aima rowasu'u.

Zuwã 2:11

Ãne hã marĩ dama i'manharĩ waihu'u'õ hã te te dama i'manharĩzém na ma tô Zezusi hã dapawaptom na sãna'rata, tiwaihu'u pese na, Cana na 'ri nho'õmo nhisi ãma. Galiléa 'remhã, Cana hã. Tahawa, waihu'u pese wa, ma tô oto sina umnhasi za'ra, isiré 're inomro mono norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:24

Tane nherẽ, 'Re ihâimana u'âsi mono hã ma tô hâiwa'utu, ab're hawi watobro da, dâ'â uptabi nherẽ. Ma tô duré pawapto, dâ'â u'âsi nomro tõ da. Idâ'âzé tãma wapure wa, dâ'â u'âsi nomro waihu'u õ di, Zezusi hã.

Roma 6:19

'Re idahâimana za'ra mono zém na, wa tô aima ãma romnhimiré'é za'ra wa'wa, ĩnhimirowasu'u na hã asi'uihâ na sada asimirosa'rata nhiptete waihu'u za'ra wa'aba õ wa. Aihâiba hã aiwasété ma, ma tô 're isõmri za'ra wa'aba mo aré, taha na si 're aihâimana za'ra wa'aba mono da, aihâiba na asina 're aiwasété za'ra wa'aba mono da. Tane nherẽ, aihâiba hã 'Re ihâimana u'âsi mono ma si, te za oto 're isõmri za'ra wa'aba mo, taha nhimiroti na si oto 're aihâimana za'ra wa'aba mono da, aihâimana wẽ uptabi na.

Roma 6:3

Wa norĩ hã â dawabzuri, wa te 're 'manharĩ za'ra mono wamhã, Cristu Zezusihi siré, 'râwi oto 're iwanomro mono zé, te wasu'u. Isiré oto 're iwanomro mono ne, wa tô duré isiré 're wadâ'â za'ra, ihâiba zu. Ãne hã aima waihu'u pese za'ra wa'aba di.

Roma 6:8

Tahawa, Cristuhu siré 're wadâ'â za'ra mono wa, wa za wa te wasina 're umnhasi za'ra tô sena na, za isine 're iwahâiwa'utu za'ra mono zéb da hã, duré isiré za 're iwahâimana u'âsi za'ra mono zém na hã.

Roma 6:9

Ãne na, wa tô duré wasina waihu'u pese za'ra ni. Cristu hã dâ'â uptabi nherẽ, 'Re ihâimana u'âsi mono te te hâiwa'utu wa, tahawa, niwamhã tidâ'â na te te sahu õ di za, idâ'âzé hã tãma siptete õ wa oto.

Roma 7:6

Tane nherẽ, 'Re ihâimana u'âsi mono hã ma tô te te wama 're apisutu oto, isimiroti na rob'ui'éré 'rada hã wa te wasina tãma ãma 're i'uwaimrami za'ra mono zéb zarina, wawasédé hã te te wa'ãma 're i'ab'madâ'â mono zéb da, 're wasi'madâ'â za'ra mono tõ da oto. Isimiroti na rob'ui'éré 'rada hã wa te wasina tãma ãma 're i'uwaimrami za'ra mono zéb zarina, te te 're iwa'anho'reptui mono zéb zô, 're wanhopré mono sina, wa te oto tãma 're romhuri za'ra mono õ di, 're iwahâimana 'rata za'ra mono zém na hã. Ipẽ'ẽzani hã te te wama 're i'aroti mono zéb zarina si, wa oto wa te tãma 're romhuri za'ra, 're iwahâimana za'ra mono zép tém na si.

Roma 8:11

'Re ihâimana u'âsi mono hã Zezusihi hâiwa'utu'wa hã, Ipẽ'ẽzani te aipẽ'ẽ 're, 're sãmra za'ra wa'wa. Tô õ hã Cristu te te ihâiwa'udu hã te za aihâiba hã niwamhã aiwi 're si'utõrĩ pese za'ra wa'aba mono nherẽ, te te 're aihâiwa'utu za'ra wa'wa, Ipẽ'ẽzani hã aipẽ'ẽ 're, 're isãmra za'ra wa'aba mono zéb zarina.

1 Corĩtu 6:14

Wanhib'apito hã dâ'â uptabi nherẽ, 'Re ihâimana u'âsi mono te te ihâiwa'utu ne, te za tiwaihu'u pese na wa'ahâiwa'utu. Tahawa, te wahâiba hã pire na wama 're hâimana za'ra oto, taré hãi õ wa.

2 Corĩtu 13:4

Cristu hã wedepo'o nhonhi'rãmi na, da te dasiwi sasõmri wamhã, ihâiba hã sib'uware di. Tane nherẽ, 'Re ihâimana u'âsi mono nhiptetezém na ma tô apâ hâiwa'udu, 're hâimana u'âsi mono da oto. Tane, wa tô duré wa norĩ hã wanhib'uware na 're wahâimana. Tane nherẽ, 'Re ihâimana u'âsi mono nhiptetezém na, wa duré 're wahâimana, Cristuhu ne. Taha zarina, wa za niha aima rob'manharĩ za'ra wa'aba ni, wasi'uihâ nai õ nherẽ.

2 Corĩtu 5:17

Ni'wam norĩ hã Cristu te te 're saze za'ra mono wa, simisutu tihâiba na sina 're sitob za'ra mono wamhã, 're idapoto téb za'ra mono zéb ré si, te za oto 're hâimana za'ra. Tahawa, te za 're inomro 'rata mono zé hã tãma 're si'utõrĩ za'ra. Ãhã wamhã, 're ihâimana 'rata za'ra mono zé hã tâibâ za oto. Taha wa'rãmi, te za oto 're idahâimana téb za'ra mono zém na si 're hâimana za'ra, iwẽ na si.

Éfézu 4:17

Tahawa, tô sena Wanhib'apito zadawa para wa za oto aima roti za'ra wa'wa, Wanhib'apito zazei'õ'wa norĩ ne 're anomro aba mono tõ da, ta norĩ nhimirosa'rada hã tô senai õ wa.

Éfézu 5:8

A norĩ wa'wa hã roti sena hã aré waihu'u za'ra wa'aba õ di, Cristuhu nhimiroti hã. Tahawa, datob'a na 're idanomro mono ne, ma tô aré robra na 're anomro aba mo, aiwasété na. Cristuhu ãma oto 're anomro aba mono wa, rowa'a na damorĩ wẽ na 're idanomro mono ne, te oto isimiroti ré 're anomro aba mo. Tahawa, te za oto ãma 're anomro wẽ wa'aba mono sina, 're aihâimana za'ra wa'aba mo. Ni'wam norĩ hã Wanhib'apito nhimiroti na 're nomro mono wamhã, te za te te dama 're rob'manharĩ wẽ za'ra. Te za duré 're nomro wẽ. Duré tô sena na si te za te te dama 're rowasu'u za'ra. Dahâimanazé tô sena na si te za dama 're hâimana za'ra. Tahawa, a norĩ wa'wa hã roti sena zarina si te za oto 're anomro wẽ wa'aba mo, Cristuhu nhimiroti na.

Colosu 3:10

Taha wa'rãmi, te oto 're idanomro mono zé itém na si 're anomro aba mo, iwẽ na. 'Re ihâimana u'âsi mono, ma tô te te 're aipoto téb za'ra wa'wa aipẽ'ẽ 're, isine 're aihâimana u'âsi za'ra wa'aba mono da oto, taha zarina õhõ si duré 're waihu'u pese za'ra wa'aba mono da.

Colosu 4:1

Danhib'apito norĩ, pawa'âbâ ãna aima romhuri'wa norĩ ma, te za 're i'manharĩ wẽ u'âsi za'ra wa'aba mo, i'uwaibaba na si. Asib'apito za'ra wa'wa hã hâiwa ãma 're isãmra mono hã te te 're ai'madâ'â u'âsi za'ra wa'aba mono na, asina 're waihu'u za'ra wa'aba mono wa, te za ãne na hã tãma 're i'manharĩ wẽ u'âsi za'ra wa'aba mo, aima romhuri'wa norĩ ma hã.

1 Pedru 3:21

Ta hã â hã, â dawabzuri, te wasu'u, danho'reptuzé. E da'u're wa, da'upsõzé, te â dawabzuri hã wasu'u. Mare di. 'Re ihâimana u'âsi mono ma, da te dasi'ãma 're iropisutu za'ra mono zé te wasu'u, â dawabzuri hã. Dawasédé te te dama 're apari mono wa, 'râwi 're dasiwaihu'u za'ra mono õ di oto, dawasété na hã. Tahawa, dama 're irowẽ za'ra mono zéb zarina, te za oto dasina da te tãma 're ropisutu za'ra, ãma 're idanomro mono zéb da hã. Zezu Cristu hã dâ'â uptabi nherẽ, Imama hã ab're hawi te te hâiwa'utu wa, duré apâ 're morĩ wa, te oto asõ'reptuzé hã aima tihâimana za'ra wa'wa.