Roma 5:3 - ꞌRe Ihâimana Uꞌâsi Mono Zadawa Wasuꞌu

³ Duré Cristuhu zazei'wa, 're wanomro mono 'ru te, da te wama 're rob'manharĩ za'ra mono wa, wa te 're robzépata za'ra mono ré, wa za watoi u'âsi 're wahâimana za'ra, wa te 're irobzépata za'ra mono zéb zarina, õhõ ãma si wanhiptete sina 're iwahâimana za'ra mono zéb da hã, wa te wasima ãma 're sa'ẽtẽ za'ra mono wa. Ãne hã wa te wasina 're waihu'u pese za'ra mono wa, wa za watoi u'âsi 're wahâimana za'ra.

Roma 5:3 ပူးပေါင်းရင်းမြစ်များ

Luca 21:19

Tahawa, te za 're asiptete za'ra wa'aba mo, ĩ'ãma 're anomro u'âsi aba mono da. Tawapsi, te za asõ'reptuzé hã asina 're i'uwaimrami za'ra wa'aba mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:41

Tawamhã ma tô dawi wairé, dama roti'wa norĩ hawi. Da te hâ za'ra nherẽ, to za'ra di, Zezusihi zadawa wasu'u'wa norĩ hã. Isazei'wai wa, Zezusihi ne te te 're robzépata za'ra mono da, 'Re ihâimana u'âsi mono hã te te tãma ipisutu za'ra zém na hã ma tô sina waihu'u za'ra. Tahawa, tãma rowẽ za'ra di.

Roma 5:11

Tane nherẽ, taha si õ di. 'Re ihâimana u'âsi mono ãma, wa duré watoi u'âsi 're wahâimana za'ra, Wanhib'apito Zezu Cristu dâ'âzém na, wa'ãma 're siwadi za'ra mono wa oto.

Roma 8:23

Tane nherẽ, uburé ropodo hã ta norĩ si 're wab'ẽtẽ za'ra mono õ di. Wa norĩ zama, wa 're wawab'ẽtẽ u'âsi za'ra, 'Re ihâimana u'âsi mono hã tinhoprubzéb zarina, imorĩ'rata na Tipẽ'ẽzani, te te wama 're anhomri mono wa, wapẽ'ẽ 're, 're isãmra u'âsi mono da hã. 'Râwi wapẽ'ẽ na, wa 're wawab'ẽtẽ u'âsi za'ra, 'Re ihâimana u'âsi mono hã uburé ti'ra na sõ'awi za te te oto dama iwawasu'u hâi'ré za'ra zéb zô, 're wanhimipari za'ra mono ré. Duré ti'ab ré, wanhib'uware na wahâimana wasété na 're iwahâimana za'ra mono zém hawi, za te te 're iwa'awaibui mono zéb zô, 're wanhimipari za'ra mono ré, wa 're wawab'ẽtẽ u'âsi za'ra.

Roma 9:10

Tawamhã Saraha 'ra hã ma tô tiprédu oto, Izaqui hã. Ta hã wahi'rada. Prédu wamhã, ma tô timro, Rebecaha ãma. Ta hã ma tô duré ti'ra, i'ra maparane isi'ubza hã, aibâ zahuré hã.

2 Corĩtu 4:17

Ti'ab ré, wa za tô wa te 're robzépata a'â. Tane nherẽ, ta hã wama wapure di. E marĩ wa. Taha wa'rãmi, te za 'Re ihâimana u'âsi mono iwẽ uptabi na hã duré ipire uptabi na hã te te wama 're wa'âbâ, isi'utõrĩ'õ na. Ti'ab ré, wa te 're robzépata za'ẽtẽ mono nherẽ, taha nhipai u wẽ uptabi di za, iwẽ na te te wama iropisutu siromo zé hã.

2 Corĩtu 8:19

Duré dama simiromhuri wẽ uptabi wa, ma tô isazei'wa norĩ hã siwi pisutu, Zeruzalẽ u isazei'wa norĩ nhoprubzéb ré, za iwasi'aba'ré siré, ãma wasiré morĩ da. Tawamhã Wanhib'apito ãma wawatazéb da, wa za tô ãne hã 'manharĩ ni, duré wato sina, wa te 're ida'apawapto mono zém na, da te wawaihu'u za'ra da.

Éfézu 3:13

Ãne wa, wa hã te irobzépata na ĩ'ãma 're rosa'rata za'ra wa'aba mono wa, aiwi 're robzei'õ za'ra wa'aba mono õ di za. Cristuhu wasu'uwẽ hã wa tô te aima 're wasu'u za'ra wa'wa, aima 're irowẽ za'ra wa'aba mono zéb da hã. Tahawa, Cristuhu wasu'uwẽ hã te dama 're wasu'u mono 'ru te, iwasédé hã da te ĩma 're 'manharĩ za'ra mono nherẽ, ĩma 're rowẽ mono di. Ãne wa, te irobzépata na ĩ'ãma 're rosa'rata za'ra wa'aba mono wa, aiwi 're robzei'õ za'ra wa'aba mono õ di za.

Filipu 1:29

Tinhoprubzéb zarina ma tô aima pisutu za'ra wa'wa, Cristuhu si asina 're umnhasi za'ra wa'aba mono da, Danho'reptui'wa na. Ma tô duré aima pisutu za'ra wa'wa, Cristu dama 're wasu'u za'ra wa'aba mono wa, da'ãma 're irobzépata za'ra wa'aba mono zém hawi, Cristuhu si da te 're saze za'ra mono da hã.

Tiagu 1:12

Wa za duré ãne aima waihu'u za'ra wa'wa. Marĩ ahâ na dazada 're hâimana za'ra mono wamhã, 'Re ihâimana u'âsi mono hã ro'wa'rudu hã te te dama 're ba'a za'ra mono õ nherẽ, te za danhiptete sina ãma 're dahâimana u'âsi za'ra. Ãne wamhã, 'Re ihâimana u'âsi mono hã te za ãne na da'awaihu'u. Tawamhã isawi pese 'wa 're dahâimana za'ra mono wa, te za tãma wa'âbâ za'ra oto, rowẽ uptabi na, i'rata 're idahâimana u'âsi za'ra mono zém na, te te dama iropisutuzéb zarina. Tawamhã dama 're rowẽ uptabi za'ra mono di za.

1 Pedru 3:14

Dama 're aihâimana wẽ za'ra wa'aba mono nherẽ, da te aima 're rob'manharĩ wasété za'ra wa'aba mono wamhã, dama 're aipahi za'ra wa'aba mono õ di za. Asimirosa'rata na hã 're aihâtâ'â za'ra wa'aba mono õ di za duré.