Roma 5:18 - ꞌRe Ihâimana Uꞌâsi Mono Zadawa Wasuꞌu

¹⁸ Aibâ hã misi tiwasédé hã te te i'manharĩzém hawi, ma tô 'Re ihâimana u'âsi mono hã uburé te te 're da'awẽ'õ pese, dawasédé hã te te da'ãma 're i'awaihu'u mono zéb zarina. Tane, misi Zezusihi nhimi'manharĩ wẽ zém na, te za oto 'Re ihâimana u'âsi mono hã te te 're da'anho'reptu, dapẽ'ẽ 're, dadâ'â u'âsi ne 're idanomro mono zém hawi, i'rata 're dahâimana u'âsi za'ra mono da oto.

Roma 5:18 ပူးပေါင်းရင်းမြစ်များ

Zuwã 1:7

te te dama 're sadawa wasu'u mono da, da te 're wapari za'ra mono wa, da te 're saze za'ra mono da.

Zuwã 12:32

Hâiwi ĩza'o da, da te dasiwi ĩzasõmri wapsi, wa za ĩsitẽme te 're da'a'ubumro, ĩnhib'a'uwẽ 're dahâimana za'ra mono da, daro mono bâ.

Zuwã 3:26

Tahawa, ma Zuwã Batistaha tẽme aimasa, isiré 're inomro mono norĩ hã. Ãne te tãma wasu'u za'ra: — Rowahutu'wa, Zodã zara niwĩ aihâimana ré, ma tô Zezusi hã we atẽme wi. Wisi wi, ma tô dama iwasu'u, 'Re ihâimana u'âsi mono te te ipisutu na Danho'reptui'wa da. E niha te bété õ hã te te duré dama 're ab'manharĩ, â dawabzuri hã. Zezusihi u si te oto aihĩni 're danomro.

Roma 3:25

'Re ihâimana u'âsi mono hã ma tô Zezusi hã pisutu, dazada idâ'âzém na dawasédé, da te 're i'manharĩ za'ra mono zé hã te te dama 're apari mono da, taha zarina tiwi 'rusimani da, iwa'rãmi da'ãma 're pẽ'ẽzé mono da. Duré taha na si te te 're ida'awẽsãmri mono zé hã, 'râwi da te dasina 're waihu'u za'ra mono da, ma tô ãne da pisutu, Zezusi hã. Zezusi hã da te 're sazei pese za'ra mono wapsi, te za dawasédé hã te te dama 're apari. 'Re ihâimana u'âsi mono hã da'ãma 're wa'a su'u mono õ wa, dawasédé hã te te da'ãma 're ab'madâ'â mono õ di aré.

Roma 4:25

'Re ihâimana u'âsi mono hã ma tô Zezusi hã dama tisõ, da te dasiwi wĩrĩ da, wawasété na 're wanomro mono wa. Ma tô duré hâiwa'utu, taha na te te 're wa'awẽsãmri mono da, wawasédé hã te te oto wa'ãma 're ab'madâ'â tõ mono da, 'Re ihâimana u'âsi mono hã.

Roma 5:12

Dawasédé ma tô tizébré na'rata, Adã iwasétézém hawi. Ta hawimhã ma tô duré dawasédé hã te te ropé, uburé dapoto mono bâ. Ta hawim haré, te aihĩni pese oto 're dadâ'â za'ra, dawasété na 're danomro mono wa.

Roma 5:19

Aibâ hã misi nherẽ, 'Re ihâimana u'âsi mono te te iwapari õ hawimhã, ma tô oto uburé dawasété na si 're dahâimana za'ra. Tane duré, aibâ hã misi nherẽ, 'Re ihâimana u'âsi mono te te iwapari pese zém hawi te za oto 'Re ihâimana u'âsi mono hã te te 're da'awẽsãmri, Zezu Cristu te te iwapari pese zém hawimhã.

Roma 6:14

'Re ihâimana u'âsi mono nhimiroti 'rata na rob'ui'éré hã asina tãma ãma 're i'uwaimrami za'ra wa'aba mono zéb zarina, aiwasédé hã te te oto ai'ãma 're ab'madâ'â aba mono tõ da, 're asi'madâ'â za'ra wa'aba mono õ di za. Tinhimizawi pese zém na si, ma tô 'Re ihâimana u'âsi mono hã ai'ãma 're pẽ'ẽzé za'ra wa'wa, aiwasété na 're aihâimana za'ra wa'aba mono nherẽ. Taha zarina si, ma tô te te 're aiwẽsãmri za'ra wa'wa. Tahawa, te za aiwasété wi asina 're asiptete u'âsi za'ra wa'aba mo oto.

Hebreu 2:9

Zezusi 're imorĩzép si wa tô wa te 're waihu'u pese za'ra. Ta hã ma tô 'Re ihâimana u'âsi mono hã pisutu, ti'ai ãma 're hâimana mono ré hã, hâiwa ãma tãma iromhuri'wa norĩ ma, wapu na a'â 're hâimana mono da, dasine. Zezusi hã dazada dâ'â da si, ma tô pisutu 'Re ihâimana u'âsi mono hã, da'ãma 're pẽ'ẽzé mono wa, da'ãma 're isiwãrĩ mono zéb da hã oto. Ma tô duré pisutu ti'ra hã, pire na dama 're hâimana u'âsi mono da oto, dazada idâ'âzéb zarina, te te irobzépata na te te sina tãma ãma uwaimrami wa, Timama ma hã.

2 Pedru 1:1

Wa hã Sima Pedru, Zezu Cristuhu ma romhuri'wa, duré isadawa wasu'u'wa, wa ãma aima rob'ui'éré za'ra wa'wa, wasiré isazei'wa 're i'anomro aba mono norĩ ma. Wanhib'apito 'Re ihâimana u'âsi mono hã wẽ uptabi di. Duré wa'anho'reptui'wa Zezu Cristuhu zama wẽ uptabi di. Wẽ uptabi zahuré wa, ma tô te te 're aipawaptob za'ra wa'wa, wasine asina 're umnhasi za'ra wa'aba mono da, te te 're asõ'reptu za'ra wa'aba mono da.

1 Zuwã 2:20

A norĩ wa'wa hã ma tô Zezusi hã 're imorĩ wẽ uptabi hã te te 're aipisutu za'ra wa'wa, Timama pẽ'ẽzani hã te te aima 're sõmri za'ra wa'aba mono da. Tahawa, ma tô oto Wamama nhimiroti tô sena uptabi hã aihâiba mono bâ iwaihu'u za'ra wa'wa.