Roma 3:13 - ꞌRe Ihâimana Uꞌâsi Mono Zadawa Wasuꞌu

¹³ Uburé danhoto hã wasété di. Wasété uptabi di. Danhoto wasété na te dazadawa nhipese na, da te dasima 're nharĩ wasété za'ra. Duré wahi hã te te 're dahâzu mono wa, ti'wa wa'u na te te 're idanhimroi mono ne, te damreme na da te dasima 're nharĩ wasété za'ra, rowẽ hã da te dasiwi ãma 're uprosi za'ra mono da.

Roma 3:13 ပူးပေါင်းရင်းမြစ်များ

Salmu 140:3

Õ norĩ nhoto hã duré aiwa wahi ne. Duré imreme za'ra hã tô aiwa wahi 'wa wa'u isé uptabi ne.

Salmu 36:3

Isimirobzanhamrizé hã iwasété na si, duré isadawa nhipese na si. Ta hã simiza'rese wẽ na 're ihâimana mono zé hã ma tô tirẽ. Tahawa, marĩ te te 're i'ab'manharĩ wẽ mono da hã, te te sima 're wẽ mono õ di oto.

Salmu 5:9

Ĩnhitob'ru norĩ nhoto hawi imreme za'ra hã umnhasi õ di, ta norĩ hã da'uprosizém na si te te sima 're rosa'rata u'âsi za'ra mono wa. Isõ're'ré za'ra hã aiwa da'ru sitob ãna 'ridawa haré 're isimi'wara mono ne. Tinhoto na te ta norĩ hã mreme su'u nherẽ, timreme amo na hã te te dama 're robzanhamri za'ra.

Roma 3:12

A'uwẽ mono bâ ma tô 'Re ihâimana u'âsi mono wi, 're dasipizari za'ra, dahâimanazé iwẽ nhiti. Dasi'uihâ na marĩ iwẽ hã da te 're 'manharĩ waihu'u za'ra mono õ di. Taré ma tô 're danomro. Ni'wam norĩ hã marĩ iwẽ hã te te 're 'manharĩ za'ra mono õ di. Mare uptabi di.

Roma 3:4

Te za tô te te tãma ãma 're uwaimrami u'âsi za'ra, te te tãma 're i'aropisutu mono zéb zarina. Uburé ti'ai ãma dazadawa nhipese na dasima 're dahâimana za'ra mono nherẽ, 'Re ihâimana u'âsi mono si, sadawa nhipese õ di, tô sena hã. Duréihã ma tô ãne na ãma rob'ui'éré Dawi hã, 'Re ihâimana u'âsi mono ãma hã: “A hã marĩ na dama 're roti mono wamhã, tô sena asadawa nhipese õ na te za da te 're aiwaihu'u za'ra, tô sena asimiroti na hã. Duré ni'wam norĩ hã asadawa nhipe te te ai'ãma 're sa'ra mono wamhã, ta norĩ si isadawa nhipese na te za da te dasiwi 're waihu'u za'ra, ai'upana.”