Roma 3:12 - ꞌRe Ihâimana Uꞌâsi Mono Zadawa Wasuꞌu

¹² A'uwẽ mono bâ ma tô 'Re ihâimana u'âsi mono wi, 're dasipizari za'ra, dahâimanazé iwẽ nhiti. Dasi'uihâ na marĩ iwẽ hã da te 're 'manharĩ waihu'u za'ra mono õ di. Taré ma tô 're danomro. Ni'wam norĩ hã marĩ iwẽ hã te te 're 'manharĩ za'ra mono õ di. Mare uptabi di.

Roma 3:12 ပူးပေါင်းရင်းမြစ်များ

Zenezi 1:31

Tawamhã 'Re ihâimana u'âsi mono, uburé marĩ te te duré i'apoto mono hã ma tô iwẽ na hã ab'madâ'â ze. Tawamhã ma tô duré timara. Ma tô ti'awẽ. Ã hã oto 6 na bâtâ ãma hã.

Salmu 14:3

Tane nherẽ, uburé ma tô 're dasipizari za'ra. Aiwa te dawasété na si 're dahâimana za'ra. Ni'wa hã marĩ iwẽ te te 're i'ab'manharĩ mono hã hâimana õ di. Tô sena ibaba uptabi.

Salmu 53:1

Isimiza'rese'õ norĩ te 'râwi tipẽ'ẽ na te te sima 're nharĩ u'âsi za'ra, ãne: “'Re ihâimana u'âsi mono, ĩma hã 're hâimana mono õ di.” Ta norĩ hã te iwasété si 're hâimana za'ra. Tahawa, te marĩ iwasété uptabi si te te duré 're 'manharĩ za'ra. Ni'wa hã iwẽ si te te 're i'manharĩ mono hã ihâimana waihu'u õ.

Salmu 53:3

Tane nherẽ, uburé ma tô 're dasipizari za'ra. Aiwapsi te dawasété na si 're dahâimana za'ra. Ni'wa marĩ iwẽ si te te 're i'ab'manharĩ mono hã hâimana õ di. Tô sena ibaba uptabi.

Ezodu 32:8

Bâdâdi te tãma ipisutu za'ra zé hã ma tô waptu na siwi tirẽ. Duré powawẽ zapu ẽtẽ waipo pré oru na te te siwi i'manharĩ ma, ma tô isõ're nasi tãma aiwẽ'ẽ za'ra. Te duré nasi tãma tinhoprub za'ra, danhimizama zata na. Tahawa, te nasi ãne nharĩ za'ra: “Izaraéu nhihudu norĩ, ãhãta ate za'ra wa'wa ihâiba'õ, Ezitu hawi we te te i'asani za'ra wa'wa hã”.

Mateu 25:30

Taha pari, te za asiwi imei wa'wa rob u, robra u. Tame te za oto 'râwi sina tiwawa. Te za duré 'wasitete, te te oto robzépata za'ẽtẽ wa.” Ãne isib'apito hã ma tô dama hâiba 'ru.

Roma 3:11

Duré ni'wam norĩ hã ãne te te waihu'u za'ra õ di, dawẽ na 're idanomro mono zé hã. Duré ni'wam norĩ hã 'Re ihâimana u'âsi mono zô 're sõpré mono õ di, ihâimanazém na te te 're iwaihu'u za'ra mono zéb da hã. Ãne hã tãma robaba uptabi di, 'Re ihâimana u'âsi mono ma hã.

Roma 3:13

Uburé danhoto hã wasété di. Wasété uptabi di. Danhoto wasété na te dazadawa nhipese na, da te dasima 're nharĩ wasété za'ra. Duré wahi hã te te 're dahâzu mono wa, ti'wa wa'u na te te 're idanhimroi mono ne, te damreme na da te dasima 're nharĩ wasété za'ra, rowẽ hã da te dasiwi ãma 're uprosi za'ra mono da.

Éfézu 2:3

Tane wa norĩ hã, wa aré tô wanhimirosa'rata wasété zarina 're wanomro. Wa te wasima 're iwẽ za'ra mono zéb zarina, wa tô aré wa te wasima ãma 're uwaimrami za'ra. Ãne 're wahâimana wasété za'ra mono wa, te aré tô duré dazu wahâ za'ra, 'Re ihâimana u'âsi mono hã.

Filemo 1:11

Te te aima 're romhuri zei mono ãna, te aré 're mo, Onezimu hã. Tahawa, aré aima hã wẽ õ di ta hã. Tazahã, ãhã na hã tihâimanazém na ma saprĩ oto. Ãhã wamhã, aima wẽ di za oto. Duré ĩma zama hã wẽ di za oto.

1 Pedru 2:25

Rowẽ na 're aihâimana za'ra wa'aba mono õ di aré, pone'ẽrebâ, bâdâdi nhiti 're isipa za'ra mono ne, 're anomro aba mono wa aré. Ãhã na ma tô apâ aipizari za'ra wa'wa, Da'madâ'â wẽ 'wai u, isarina si oto 're anomro aba mono da, rowẽ na.