Roma 2:18 - ꞌRe Ihâimana Uꞌâsi Mono Zadawa Wasuꞌu

¹⁸ 'Re ihâimana u'âsi mono te te aima 're i'apisutu aba mono zéb zarina 're i'manharĩ za'ra wa'aba mono zéb da hã, aima waihu'u pese za'ra wa'aba di. Duré 'Re ihâimana u'âsi mono nhimiroti 'rata na rob'ui'éré hã ma tô 're iwaihu'u za'ra wa'aba mo, ãma 're anomro wẽ wa'aba mono da.

Roma 2:18 ပူးပေါင်းရင်းမြစ်များ

Salmu 119:130

Aimreme na ãma isaprĩzé hã te rowa'a hã te te dama sina 're sani. Te duré 'rãiwaihu'u wẽ ãna 're ihâimana za'ra mono norĩ ma, i'rãnhimiza're hã te te tãma 're sõmri za'ra.

Salmu 19:8

Uburé Danhib'apito marĩ na te te ãma dama 're irowahutu mono zé i'uwaibaba na si, te dapẽ'ẽ 're rowẽ za'ẽtẽ zé hã te te dama 're anhomri. Duré isimiroti i'uptabi na sõ'awi marĩ te te wama 're ahâi'ré mono wa, te duré wa'rãi 'remhã te te wama 're arowa'a.

Provébiu 6:23

E marĩ wa. Isimiroti zahuré zé hã rob'uiwẽzém ne te aima 're hâimana. Duré isimiwaihu'u zahuré zé hã 're idahâimana wẽ za'ra mono waihu'uzéb da, te aima 're hâimana.

Luca 12:47

— Ãté, ni'wa hã te za waihu'u pese, tinhib'apito nhimiroti hã, tãma iromhuri'wa hã. Tane nherẽ, wa'a te, isimiroti hã te te 're uwaimrami mono õ di za. Tahawa, te za sa'ẽtẽ azâri ni, powawẽ hâiwaré na, apito zadawa para.

Zuwã 13:17

— Ãne wa tô aima rowasu'u za'ra wa'wa, waihu'u za'ra wa'aba da. Ĩnhimiroti hã 're 'madâ'â pese za'ra wa'aba mono wamhã, aima 're rowẽ za'ra wa'aba mono di za, uburé aima 're rowẽ za'ra wa'aba mono õ nherẽ. Asimirosa'rata na, wa tô aiwaihu'u za'ra wa'wa. Ĩsiré 're anomro aba mono da, te aipisutu za'ra wa'wa hã, misire ma tô ĩ'maiwẽ'õ wa'wa. Ta hã wa tô pisutu, ĩsiré 're morĩ da, 'Re ihâimana u'âsi mono mreme ui'éré te te sina uwaimrami da. Ãne ma tô wahi'rada hã tinha, aré: “Wasiré 're iwasai mono, ma tô ĩwẽ'õ.” Ãne ma tô duré ĩwẽ'õ'wa na rob'ui'éré siro, poto õ ré, wahi'rada hã. Tahawa, te za oto sina uwaimrami su'u, ĩwẽ'õ'wa hã.

Roma 15:4

Uburé 'Re ihâimana u'âsi mono nhimiroti 'rata na rob'ui'éré hã, e taré ma tô tinhimiroti hã te te dama 're apisutu, da te ãma 're irob'ui'éré za'ra mono zéb da hã. Mare di. Taré te te dama 're apisutu mono õ di. Isimiroti hã wa te 're waihu'u pese za'ra mono da, ma tô ãne hã te te dama 're apisutu. 'Re ihâimana u'âsi mono nhimiroti 'rata na rob'ui'éré hã wa te 're sõré u'âsi za'ra mono wamhã, wanhiptete sina wa za ãma 're wahâimana u'âsi za'ra, marĩ na uburé wa te 're robzépata za'ra mono nherẽ. Wa te 're sõré u'âsi za'ra mono wamhã, te za wama 're rowẽ za'ra, wawi 're robzei'õ za'ra mono ãna, 're iwahâimana za'ra mono zéb da hã. Õhõ umnhasi sina, wa za tô ãhã zarina si 're wahâimana za'ra, 'Re ihâimana u'âsi mono 'rata 're iwahâimana u'âsi za'ra mono zéb zô, wasina 're wanhimipari za'ra mono sina.

Roma 2:19

Ãne na te duré asi'ãma si 're irosa'rata upa za'ra wa'aba mo: “Wa norĩ si datob'a ne 're idanomro mono norĩ hã, wa wa te 're simro, tô sena. Robra u'âsi 're idanomro mono norĩ ma, wa wa te 're rowa'a za'ra.

Filipu 1:10

Tawapsi te za iwẽ si asima 're ipisutu u'âsi za'ra wa'aba mo, ãma 're anomro wẽ wa'aba mono da hã. Ãne wapsi, 'râwi aiwasété na 're asi'marõpãrĩ za'ra wa'aba mono õ di za, nimahã na Cristu apâ we imorĩzéb u hã. Ãhã zarina si, te za aiwasété wi, aihâimana nhiptete sina 're anomro u'âsi aba mo.

1 Tesalonita 5:21

Uburé marĩ hã te za niha hã 're ipibu za'ra wa'aba mo, iwẽ zô. Tawamhã marĩ iwẽ si te za asima 're itété za'ra wa'aba mo.

Hebreu 5:14

Iprédum norĩ si te tisai uptabi na hã 're saihuri. Tane duré, 'Re ihâimana u'âsi mono nhimiroti ipire hã tãma iwaihu'u pese za'ra norĩ si te za waihu'u za'ra, 'Re ihâimana u'âsi mono ma, iwẽ si da te 're i'manharĩ za'ra mono zé hã, duré tãma iwẽ'õ hã da te 're i'manharĩ za'ra mono õ zé hã. Uburé marĩ hã niha iwẽ zô, duré niha iwasété zô, te te 're ipibu za'ra mono zéb zarina si, te za te te 're waihu'u pese za'ra, ta norĩ ma si waihu'u pese wa.

Tiagu 4:17

Tahawa, wa za ãne aima waihu'u za'ra wa'wa. Marĩ iwẽ na da te dama ãma 're i'uwaimrami za'ra mono da hã, wẽ di. Tane nherẽ, taha wasu'u hã dama waihu'u pese za'ra nherẽ, marĩ iwẽ na da te dama ãma 're uwaimrami za'ra mono õ wamhã, ta hã duré dawasédé.