Roma 16:8 - ꞌRe Ihâimana Uꞌâsi Mono Zadawa Wasuꞌu

⁸ Ma'ãpé duré asiwi ĩma sawi wa'aba, ĩsiwadi uptabi hã, Ãpriatu na isisi hã. Ta hã te Cristu ãma si 're hâimana.

Roma 16:8 ပူးပေါင်းရင်းမြစ်များ

Mateu 5:47

Duré 'Re ihâimana u'âsi mono waihu'u'õ'wa norĩ hã te te 're saze za'ra mono õ nherẽ, te tisiwadi norĩ ma, marĩ iwẽ hã te te tãma 're 'manharĩ za'ra, siré 're ihâimana za'ra mono norĩ ma hã. A norĩ wa'wa hã bété, asiré 're aihâimana za'ra wa'aba mono norĩ ma si, marĩ iwẽ hã tãma 're 'manharĩ za'ra wa'aba mono wamhã, aiwapsi te aiwasété na dame 're aihâimana za'ra wa'aba mo, 'Re ihâimana u'âsi mono waihu'u'õ'wa norĩ siré.

Roma 16:5

Ma'ãpé, duré uburé ĩma sawi za'ra wa'aba, Prisila norĩ nhorõwa u isazei'wa, siré 're isi'rã'õtõ mono norĩ hã, rowahutu u. Duré asiwi ĩma sawi za'ra wa'aba, ĩsiwadi ĩma isawi pe hã, Epenetu na isisi hã. Ta hã ma tô saze na'rata Cristu hã, Azia na danhipti'a nho'õmo nhisi ãma.

Roma 16:7

Duré asiwi ĩma sawi zahuré wa'aba, Ãdronicu norĩ hã, Zuniasihi me. Ta norĩ hã ĩsiré zudeu norĩ, ma tô ĩsiré tihâimana zahuré, dazazéb 'remhã. Cristuhu zadawa wasu'u'wa norĩ siré te te 're romhuri zahuré mono wa, tãma waihu'u pese za'ra di, isiré romhuri'wa norĩ ma hã. Ta norĩ hã ma tô ĩwana saze na'rata zahuré, Cristu hã.

Roma 16:9

Duré Urbanuhu zama asiwi ĩma sawi wa'aba, wasiré romhuri'wa hã Cristuhu ma. Estaqui hã ĩsiwadi zama te za duré asiwi ĩma isawi wa'wa, ĩma isawi pese uptabi hã.

Filipu 4:1

Tahawa, ĩsisãnawã norĩ, ĩma asawi pese za'ra wa'aba norĩ hã, ma'ãpé Wanhib'apito ãma asiptete sina 're aihâimana u'âsi za'ra wa'aba mono za. Ai'ãma ĩpẽ'ẽzé uptabi za'ra wa'aba wa, 'râwi te asabu za'ra wa'aba neza. Romhâ na nherẽ, te asina ĩma 're irowẽ zani za'ra wa'aba mo. Tahawa, wa tô te dama 're aiwasu'u wẽ za'ra wa'wa, ĩto sina. Ãne wa, te za asiptete sina õhõ ãma si 're aihâimana u'âsi za'ra wa'aba mo.

1 Zuwã 3:14

Ni'wam norĩ hã te te 're dazawi pese za'ra mono õ wamhã, ta norĩ hã te dâ'â u'âsi ne 're hâimana za'ra, tipẽ'ẽ 'remhã, 'Re ihâimana u'âsi mono nhiti. Tanei õ di, wa norĩ hã wasiré isazei'wa norĩ hã. 'Re ihâimana u'âsi mono nhiti, wapẽ'ẽ 're wadâ'â u'âsi ne aré 're wanomro mono nherẽ, wa tô ihawi 're wawairébé, 'Re ihâimana u'âsi mono niwĩ, rowẽ na oto 're wanomro u'âsi mono da, wapẽ'ẽ 'remhã. Ãne, wa tô oto wasi'ãma waihu'u pese za'ra ni. 'Re wasisawi pese za'ra mono wa, wa ãne hã tô sena na wasi'ãma waihu'u pese za'ra ni.