Roma 16:6 - ꞌRe Ihâimana Uꞌâsi Mono Zadawa Wasuꞌu

⁶ Duré Maria hã asiwi ĩma sawi wa'aba. Ta hã te te aima 're romhuri pese za'ra wa'wa, simi'ẽi uptabi na.

Roma 16:6 ပူးပေါင်းရင်းမြစ်များ

Mateu 27:55

Tawamhã pi'õ norĩ hã ahâ na te 'madâ'â za'ra romhâ na, Zezusi hã hâiwi sa'o ré. Ta norĩ hã ma tô isiré 're nomro Galiléa hawi, Zeruzalẽ u, te te siwi 're pawaptob za'ra mono da.

Mateu 5:47

Duré 'Re ihâimana u'âsi mono waihu'u'õ'wa norĩ hã te te 're saze za'ra mono õ nherẽ, te tisiwadi norĩ ma, marĩ iwẽ hã te te tãma 're 'manharĩ za'ra, siré 're ihâimana za'ra mono norĩ ma hã. A norĩ wa'wa hã bété, asiré 're aihâimana za'ra wa'aba mono norĩ ma si, marĩ iwẽ hã tãma 're 'manharĩ za'ra wa'aba mono wamhã, aiwapsi te aiwasété na dame 're aihâimana za'ra wa'aba mo, 'Re ihâimana u'âsi mono waihu'u'õ'wa norĩ siré.

Roma 16:12

Trifena norĩ hã te za duré asiwi ĩma isawi zahuré wa'wa, Trifozaha me. Ta norĩ hã te Wanhib'apito ma, te te 're romhuri zahuré. Duré wahidiba hã ĩma isawi pe hã asiwi ĩma sawi wa'aba, Pérzidi na isisi hã. Ta hã simi'ẽ na te duré Wanhib'apito ma, te te 're romhuri pese, wa'a ãna.

Roma 16:5

Ma'ãpé, duré uburé ĩma sawi za'ra wa'aba, Prisila norĩ nhorõwa u isazei'wa, siré 're isi'rã'õtõ mono norĩ hã, rowahutu u. Duré asiwi ĩma sawi za'ra wa'aba, ĩsiwadi ĩma isawi pe hã, Epenetu na isisi hã. Ta hã ma tô saze na'rata Cristu hã, Azia na danhipti'a nho'õmo nhisi ãma.

Roma 16:7

Duré asiwi ĩma sawi zahuré wa'aba, Ãdronicu norĩ hã, Zuniasihi me. Ta norĩ hã ĩsiré zudeu norĩ, ma tô ĩsiré tihâimana zahuré, dazazéb 'remhã. Cristuhu zadawa wasu'u'wa norĩ siré te te 're romhuri zahuré mono wa, tãma waihu'u pese za'ra di, isiré romhuri'wa norĩ ma hã. Ta norĩ hã ma tô ĩwana saze na'rata zahuré, Cristu hã.

1 Tesalonita 5:12

Wasiré isazei'wa norĩ, wa aima roti za'ra wa'aba ni, te te aima 're iromhuri za'ra wa'aba mono norĩ hã 're wazéb za'ra wa'aba mono da. Ta norĩ hã, Wanhib'apito ma romhuri'wa norĩ. Tahawa, te za marĩ hã iwẽ si te te aima 're wẽ za'ra wa'wa. Duré timreme wẽ na si te za aima te te 're roti za'ra wa'wa. Tawamhã ta norĩ mreme, te za 're iwapari pese za'ra wa'aba mo.