Roma 16:10 - ꞌRe Ihâimana Uꞌâsi Mono Zadawa Wasuꞌu

¹⁰ Ma'ãpé duré asiwi ĩma sawi wa'aba, Aperi hã. Ta hã marĩ na da te 're pibui ahâ mono nherẽ, niwa Cristuhu wi sipi'rai waihu'u õ di. Duré asiwi ĩma sawi za'ra wa'aba, Aristoburuhu nhorõwa 're, 're ihâimana za'ra mono norĩ hã.

Roma 16:10 ပူးပေါင်းရင်းမြစ်များ

Roma 14:18

Ãne na ni'wam norĩ hã Cristuhu ma, te te 're romhuri wẽ za'ra mono wamhã, 'Re ihâimana u'âsi mono ma, te za te te sina 're rowẽ zani za'ra, uburé 're ihâimana wẽ za'ra mono zém na. Tawamhã te za duré da te 're wẽsãmri za'ra, ti'ai ãma ré.

Roma 16:3

Ma'ãpé, duré ĩma sawi za'ra wa'aba za, Prisila norĩ hã Aquiraha me, te ãma isawi zahuré zéb zarina, rob'ui'éré na.

Roma 16:7

Duré asiwi ĩma sawi zahuré wa'aba, Ãdronicu norĩ hã, Zuniasihi me. Ta norĩ hã ĩsiré zudeu norĩ, ma tô ĩsiré tihâimana zahuré, dazazéb 'remhã. Cristuhu zadawa wasu'u'wa norĩ siré te te 're romhuri zahuré mono wa, tãma waihu'u pese za'ra di, isiré romhuri'wa norĩ ma hã. Ta norĩ hã ma tô ĩwana saze na'rata zahuré, Cristu hã.

Roma 8:11

'Re ihâimana u'âsi mono hã Zezusihi hâiwa'utu'wa hã, Ipẽ'ẽzani te aipẽ'ẽ 're, 're sãmra za'ra wa'wa. Tô õ hã Cristu te te ihâiwa'udu hã te za aihâiba hã niwamhã aiwi 're si'utõrĩ pese za'ra wa'aba mono nherẽ, te te 're aihâiwa'utu za'ra wa'wa, Ipẽ'ẽzani hã aipẽ'ẽ 're, 're isãmra za'ra wa'aba mono zéb zarina.

1 Corĩtu 11:19

Ãne hã wẽ'õ nherẽ, ãté wẽ di tô. E marĩ wa. Asiwi aipo'o aba nherẽ, ni'wam norĩ hã wa za wa te 're waihu'u za'ra, tô sena, Zezusihi zazei uptabi 'wa, 're ihâimana za'ra mono na hã.

2 Corĩtu 12:2

Duréihã 'Re ihâimana u'âsi mono, ma tô ĩzaprõ, hâiwa u, 're isãmra mono zéb u. Wa hã Cristuhu zazei'wa. Ĩnhotõ 'rowim ne, hâiwa u ĩmorĩzém na hã 14 na ma tô ĩ'ãma tiwahu oto. Ãté ĩhâiba u'âsi na, wa tô wi. Ãté ĩpẽ'ẽzani na si. Wa hã ĩsiwaihu'u õ di. 'Re ihâimana u'âsi mono ma si, waihu'u pese di, ãne hã.

2 Corĩtu 2:9

Ĩnhimi'ui'éré 'rata na, wa tô aima ãma roti za'ra wa'wa, aibâ hã tô õ hã asiwi wẽ'õ za'ra wa'aba da. Ĩnhimiroti si 'madâ'â za'ra wa'aba zô, wa tô aima ãma rob'ui'éré za'ra wa'wa, aibâ hâiba na hã.

2 Corĩtu 5:17

Ni'wam norĩ hã Cristu te te 're saze za'ra mono wa, simisutu tihâiba na sina 're sitob za'ra mono wamhã, 're idapoto téb za'ra mono zéb ré si, te za oto 're hâimana za'ra. Tahawa, te za 're inomro 'rata mono zé hã tãma 're si'utõrĩ za'ra. Ãhã wamhã, 're ihâimana 'rata za'ra mono zé hã tâibâ za oto. Taha wa'rãmi, te za oto 're idahâimana téb za'ra mono zém na si 're hâimana za'ra, iwẽ na si.

2 Corĩtu 8:22

Wasisãnawã hâiba amo hã wa za duré ãma atẽme satõrĩ za'ra wa'aba ni, Titu norĩ siré, ãma morĩ da. Ta hã wa tô nasi pibu za'ra ni, simi'ẽ na te te 're romhuri mono zô, Wanhib'apito ma. Tahawa, wa tô waihu'u za'ra ni, tô sena isimi'ẽ na hã, duré to sina te te 're iromhuri mono na hã. Ta hã aiwasu'u wẽ za'ra wa'wa hã te te wapari wa, tãma ai'umnhasi uptabi za'ra wa'aba di, za rob'uiprazém na dama i'asõprub za'ra wa'aba zéb da na hã. Tahawa, toi uptabi di ãhã na hã, rob'uiprazé ubumro na za te te ãma aipawaptob za'ra wa'aba wa.

Galata 1:22

Zahadu te te siwi ĩhâiba pibu za'ra õ di, Zezusihi zazei'wa norĩ hã daza'rui mono bâ, Zudéa na danhipti'a nho'õmo nhisi ãma siré 're isi'rã'õtõ mono norĩ hã.

Filipu 2:22

Tane nherẽ, Timotiu hã 're imorĩ wẽ na ma tô iwaihu'u za'ra wa'wa, da te 're pibui wasété mono nherẽ, 're isipizari mono õ na hã. Ta hã ma tô ĩsiré te te 're romhuri u'âsi, Cristuhu wasu'uwẽ na hã. Damama siré da te 're iromhuri u'âsi za'ra mono ne, ma tô ĩsiré te te 're romhuri u'âsi, ta hã.

1 Timotiu 3:10

Dapawapto'wa da, da te dasiwi pisutu õ ré hã, te za a'â da te dasiwi 're 'mai'madâ'â, dama 're i'maihâimana wẽ mono zô. Tawamhã dama 're 'maihâimana wẽ mono wamhã, te za oto dapawapto'wa na 're 'maihâimana.

2 Timotiu 4:19

Ma'ãpé ĩma sawi zahuré na, Prisila norĩ hã Aquiraha me. Duré ĩma sawi za'ra na, Onesifuruhu nhorõwa 're, 're ihâimana za'ra mono norĩ hã.

1 Pedru 1:7

Wanhib'apito umnhasi sina 're aihâimana za'ra wa'aba mono zô, te za rowasédé hã asada 're hâimana za'ra wa'wa. Wanhib'apito Zezu Cristuhu ma, wẽ di, Wanhib'apito umnhasi sina 're i'aihâimana za'ra wa'aba mono zé hã. Ẽtẽ waipo pré oru hã dama isawi pese zém nhipai u, tãma wẽ di. Ẽtẽ waipo pré oru hã wa'âbâ za'ẽtẽ wa, dama sawi pese di, ta hã dama 're hâimana u'âsi mono dai õ nherẽ. Zata õ zô, te za unhama wa hiri ni, zata õ wa, da te iwaihu'uzéb da hã, oru uptabi na. Tane, a norĩ wa'wa hã rowasédé hã asada 're hâimana za'ra wa'aba mono nherẽ, Wanhib'apito umnhasi sina 're aihâimana u'âsi za'ra wa'aba mono wamhã, apâ wei morĩ wapsi, te za danho'a ai'ãma tiwata za'ra wa'wa, õhõ umnhasi sina ãma 're i'aihâimana u'âsi za'ra wa'aba mono zém na. Tame te za duré marĩ hã iwẽ hã aima sõmri za'ra wa'wa. Rowẽ uptabi hã te za duré aima pisutu za'ra wa'wa. Tawapsi, aima 're rowẽ uptabi za'ra wa'aba mono di za oto.