Roma 15:9 - ꞌRe Ihâimana Uꞌâsi Mono Zadawa Wasuꞌu

⁹ Duré zudeu'õ norĩ hã 'Re ihâimana u'âsi mono, da'ãma 're ipẽ'ẽzé mono zé hã te te oto sina 're waihu'u za'ra mono wa, ãma 're wata za'ra mono da, ma tô we Cristu hã zudeu norĩ u satõ, 'Re ihâimana u'âsi mono hã. Duréihã ãne rob'ui'éré na iwasu'u hã: “Wa hã zudeu'õ norĩ siré 're ĩhâimana mono ré, wa za isiré za'ra, ai'ãma 're ĩwata u'âsi. Ĩnho're na zama, wa za duré ai'ãma 're ĩwata u'âsi.”

Roma 15:9 ပူးပေါင်းရင်းမြစ်များ

Mateu 9:8

Tawamhã ãne hã da te 'madâ'â za'ra wamhã, ma tô tãma tapẽ'ẽwara za'ra ni, dama sa'rese õ wa. Ma tô duré 'Re ihâimana u'âsi mono ãma tawata za'ra ni, tiwaihu'u pe hã te te dama 're anhomri mono wa.

Roma 11:30

Duréihã, aihi'rata norĩ wa'wa hã 'Re ihâimana u'âsi mono nhimiroti hã te te 're wapari za'ra mono ãna, ma tô aré 're hâimana za'ra, zudeu'õ norĩ hã. Tane nherẽ, zudeu norĩ hã 'Re ihâimana u'âsi mono si te te 're sazei pese za'ra mono õ wa, ma tô oto ai'ãma 're pẽ'ẽzé za'ra wa'wa, ai'ãma 're sib'a'uwẽ za'ra wa'aba mono da, zudeu'õ 're aihâimana za'ra wa'aba mono nherẽ.

Roma 3:29

E zudeu norĩ nhib'apito si, te 'Re ihâimana u'âsi mono hã 're hâimana. E zudeu'õ norĩ ma hã, 're hâimana mono õ di bété. Ta norĩ ma zama te duré 're hâimana.