Roma 15:7 - ꞌRe Ihâimana Uꞌâsi Mono Zadawa Wasuꞌu

⁷ Cristu hã sitẽme te te 're i'aiwaibui wa'aba mono ne, te za asisô 're atob'uzu za'ra wa'aba mo, 're asisawi pese za'ra wa'aba mono sina. Taha zarina, 'Re ihâimana u'âsi mono ãma 're dawata u'âsi za'ra mono da, te za ãne asima 're i'manharĩ wẽ u'âsi za'ra wa'aba mo.

Roma 15:7 ပူးပေါင်းရင်းမြစ်များ

Mateu 10:40

— Ni'wam norĩ hã te te 're aiwaibui wẽ wa'aba mono wamhã, ta norĩ hã ai'u'âbâ wa'aba te za te te siwi 're ĩmrami wẽ. Ta norĩ hã te te siwi 're ĩmrami wẽ mono wa, we ĩzatõrĩ'wa zama hã te za duré ĩsiré te te siwi 're mrami wẽ.

Luca 15:2

Tawamhã farizeu norĩ hã te ãne tãma nharĩ za'ra, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me: — Õ hã ma tô ãma 're siwadi za'ra, siwa'ru 're inomro mono ãma hã. Ta norĩ siré, te nasi tisa.

Luca 9:48

Te duré tãma nharĩ za'ra, ãne: — Ni'wam norĩ hã te te 're ĩzawi pese za'ra mono wa, ai'uté zô 're tob'uzu za'ra mono wamhã, ta norĩ u'âbâ te duré ĩzô 're tob'uzu za'ra. Tawamhã e ĩzô si te 're tob'uzu za'ra. Mare di. We ĩzatõrĩ'wa zô zama te duré sô 're tob'uzu za'ra. Dama iwapu norĩ hã 're sawi pese za'ra wa'aba mono wamhã, asima ai'maipire zô asõpré wa'aba ãna, wa za aipire na te 're ai'awaihu'u 'wa.

Zuwã 13:34

Ĩnhimiroti tém na, wa za oto aima roti za'ra wa'wa, 're asisawi pese za'ra wa'aba mono zéb da hã. Wa hã te 're i'asawi pese za'ra wa'aba mono ne, te za 're asisawi pese za'ra wa'aba mo.

Zuwã 6:37

Ĩmama ma tô da'apisutu, ĩnhib'a'uwẽ si 're danomro mono da. Ta norĩ si te za te te 're ĩzaze za'ra, te te ipisutu za'ra norĩ hã. Te te 're ĩzaze za'ra mono nherẽ, e wa za ĩsiwi te 're awẽ'õ. Mare di. Te ĩsiwi 're awẽ'õ mono õ di za.

Roma 15:9

Duré zudeu'õ norĩ hã 'Re ihâimana u'âsi mono, da'ãma 're ipẽ'ẽzé mono zé hã te te oto sina 're waihu'u za'ra mono wa, ãma 're wata za'ra mono da, ma tô we Cristu hã zudeu norĩ u satõ, 'Re ihâimana u'âsi mono hã. Duréihã ãne rob'ui'éré na iwasu'u hã: “Wa hã zudeu'õ norĩ siré 're ĩhâimana mono ré, wa za isiré za'ra, ai'ãma 're ĩwata u'âsi. Ĩnho're na zama, wa za duré ai'ãma 're ĩwata u'âsi.”

Roma 5:2

Zezusi hã wa te wasina 're umnhasi za'ra mono wa, te 'Re ihâimana u'âsi mono hã iwẽ si te te wama 're ab'madâ'â. Taha na si, wa oto wa norĩ hã 're wahâimana za'ra. Niwapsi te za 'Re ihâimana u'âsi mono hã te te wama 're apisutu, iwaihu'u pese zarina ihâiba na rowa'a za'ẽtẽ na isiré 're wahâimana u'âsi za'ra mono da, rowẽ uptabi na. Tahawa, wato sina, wa sô 're wanhimipari za'ra, wa te 're sazei utõrĩ za'ra mono ãna.

Éfézu 1:18

Wa hã wa ĩsima wẽ, 'Re ihâimana u'âsi mono te te 're aipawaptob za'ra wa'aba mono da, isimiroti hã 're waihu'u pese za'ra wa'aba mono da, duré rowẽ uptabi zô te te i'aipisutu za'ra wa'aba zé wasu'u hã, 're waihu'u za'ra wa'aba mono da. Duré uburé marĩ iwẽ uptabi na wama 're isõprub za'ra mono zéb da hã tinhib'a'uwẽ norĩ ma, te te iropisutuzéb zarina, taha wasu'u zama 're waihu'u za'ra wa'aba mono da, wa ĩsima te 're aiwẽ za'ra wa'wa.

Colosu 3:13

Ni'wam norĩ hã asiré nherẽ, marĩ na te te aiwi 're ro'wa'ré za'ra wa'aba mono nherẽ, ãma 're aiwa'a za'ra wa'aba mono õ di za, ta norĩ ãma hã. Duré marĩ na te te aiwi 're ro'wa'ré za'ra wa'aba mono nherẽ, ãma 're 'madâ'â u'âsi za'ra wa'aba mono õ di za. Wanhib'apito hã aiwasédé te te oto ai'ãma 're i'ab'madâ'â aba mono õ ne, ãma 're 'madâ'â za'ra wa'aba mono õ di za, ta norĩ ãma hã.