Roma 14:7 - ꞌRe Ihâimana Uꞌâsi Mono Zadawa Wasuꞌu

^7-8 Wasi'uihâ na misi wahâiba na hã 'râwimhã ãma 're wahâimana waihu'u za'ra mono õ di za. Wanhib'apito te te wama 're i'apisutu mono zéb zarina si, wa tãma 're wahâimana za'ra. Duré wasi'uihâ na bâdâ 're iwadâ'â za'ra mono zéb da hã wa te wasima 're pisutu waihu'u za'ra mono õ di za. Wanhib'apito te te wa'ãma 're i'apisutu mono zéb zarina si, wa za 're wadâ'â za'ra, õhõ ma. Tahawa, wahâiba ré 're wahâimana za'ra mono ré, duré oto 're wadâ'â za'ra mono wamhã, isib'a'uwẽ na, wa za tãma 're wahâimana u'âsi za'ra, simisutu.

Roma 14:7 ပူးပေါင်းရင်းမြစ်များ

Roma 14:9

Cristu hã dâ'â nherẽ, ma tô apâ hâiwa'udu, hâiba ré 're ihâimana za'ra mono norĩ nhib'apito da hã, duré 're idâ'â za'ra mono norĩ nhib'apito da zama. Uburé isazei'wa norĩ nhib'apito da, ma tô hâiwa'udu apâ. Tahawa, wa isib'a'uwẽ 're wahâimana u'âsi za'ra oto, simisutu.

Roma 8:38

Uburé marĩ hã wazada 're ihâimana za'ra mono zém hawi, 'Re ihâimana u'âsi mono hã tinhimizawi pese zé hã te te wawi 're i'azani mono da hã, mare di. Ãne na sena na, wa tô ĩsina waihu'u, wa hã. Wahâiba ré 're wahâimana za'ra mono wamhã, duré oto 're wadâ'â za'ra mono nherẽ, tinhimizawi pese zé te te wawi 're azani mono õ di za. Duré ihâiba'õ norĩ hã isib'apito norĩ zama, te te wawi 're sani waihu'u za'ra mono õ di, 'Re ihâimana u'âsi mono te te 're iwa'azawi pese mono zé hã. Duré, ã bâtâ na marĩ hã wazada 're hâimana za'ra mono 'ru te, te te wawi 're azani mono õ di za, tinhimizawi pese zé hã, 'Re ihâimana u'âsi mono hã. Duré niwamhã uburé marĩ hã za wazada 're hâimana za'ra mono 'ru te, te te wawi 're i'azani mono da hã, mare di za tô.

2 Corĩtu 5:15

Ãma 're inomro té mono norĩ hã, sima si ãma 're hâimana za'ra mono tõ da, ma tô dazada dârâ, Cristu hã. Taha zarina, te za sada idâ'â za'ra ma si, duré sada ihâiwa'utu za'ra ma si hã 're hâimana za'ra, Cristuhu ma.

1 Tesalonita 5:10

Ta hã ma tô wazada tidâ'â za'ra, i'rata 're wasi'ubumroi mono da. Tawamhã apâ wei wazô morĩ wapsi, wahâiba ré 're iwanomro mono norĩ hã, wawana 're idadâ'â za'ra mono norĩ me, wa za i'rata wasiré 're wasi'ubumroi u'âsi.

Titu 2:14

Ta hã ma tô wazada sisõmri za'ra, wazada dâ'â za'ra da, 're iwanomro wasété mono hawi, te te 're wa'anho'reptui mono da, isib'a'uwẽ si 're wahâimana za'ra mono da oto. E marĩ da. Sena na 're wanomro mono da, duré wawa'a ãna iwẽ na si wa te oto 're dapawaptob za'ra mono da.

1 Pedru 4:2

Tahawa, ti'ai ãma 're aihâimana za'ra wa'aba mono ré, te za 're aihâimana wẽ za'ra wa'aba mo, 'Re ihâimana u'âsi mono te te sima 're iwẽ mono zéb zarina si, marĩ na asima 're irosa'rata wasété za'ra wa'aba mono zéb zarina, 're aihâimana za'ra wa'aba mono ãna oto.