Roma 14:12 - ꞌRe Ihâimana Uꞌâsi Mono Zadawa Wasuꞌu

¹² Tamep si, wa za oto wasi'uihâ na tãma wasiwasu'u za'ra ni wahâiba mono bâ, ti'ab ré wahâimanazém na, uburé marĩ hã wa te 're i'manharĩ za'ra mono zém na hã.

Roma 14:12 ပူးပေါင်းရင်းမြစ်များ

Mateu 12:36

— Tô sena, wa za aima waihu'u za'ra wa'wa. 'Re ihâimana u'âsi mono, za da'ãma isipo'ozéb ãma hã dahâiba mono bâ te za tãma tasiwasu'u za'ra ni, rosa'rata ãna marĩ iwasété na da te dama 're inharĩ za'ra mono zém na hã.

Mateu 16:27

Ti'ai ãma Dasiré Ipodo, niwapsi te za wei mo apâ, Timama zadawa para, hâiwa ãma tãma iromhuri'wa norĩ siré. Tamep si uburé marĩ hã da te 're i'manharĩ za'ra mono zéb zarina, te za dama hã arowairébé, iwẽ norĩ ma, duré iwasété norĩ ma.

Luca 16:2

Tahawa, te sô hâ, tãma irob'madâ'â'wa zô. Taha wamhã, te tãma tinha, ãne: “Aiwasu'u hã wa tô wapa. Ĩma 're irob'madâ'â mono zé hã, tâibâ za oto. Te za rob'ui'éré hã oto ĩma isõ, uburé ĩnhimarĩ na 're irob'ui'éré mono zé hã.” Ãne te tãma tinha, tite rob'madâ'â'wai ma.

2 Corĩtu 5:10

E marĩ wa, wa za ãhã zô si, wa te 're rob'ruiwapari u'âsi za'ra, ti'ab ré hã. Niwapsi, wa za tô uburé Cristuhu nho're aimasam ni, te te wa'awaihu'u da, wahâimana wẽ na, duré wahâimana wasété na zama. Tame te za oto niha te te wama 're arowairébé, ti'ai ãma uburé marĩ, wa te 're i'manharĩ za'ra mono zéb zarina, iwẽ na, duré iwasété na.

1 Pedru 4:5

Tane nherẽ, nimahã na ta norĩ hã 're ihâimana wasété za'ra mono zém na te te iwaihu'u za'ra zéb zarina, te za ta norĩ ma arowairébé, 'Re ihâimana u'âsi mono hã. Te te ida'awaihu'uzéb zarina, te za romhutu na uburé norĩ ma rowairébé, ihâiba ré norĩ ma, duré 're idâ'â za'ra mono norĩ ma zama.