Roma 11:9 - ꞌRe Ihâimana Uꞌâsi Mono Zadawa Wasuꞌu

⁹ Dawi hã ma tô duré ãne na ta norĩ ãma rob'ui'éré za'ra, zudeu norĩ ãma hã: “'Re ihâimana u'âsi mono hã ta norĩ ma, iwẽ na tãma 're sõprub za'ra mono wẽ te, ma tô 're si'madâ'â ze za'ra, taha na tãma 're rowẽ za'ra mono da newa. Tahawa, marĩ wasété pire na 're si'marõpãrĩ za'ra mono neza, 'râwi. Duré 'Re ihâimana u'âsi mono hã te te hâ za'ra neza.

Roma 11:9 ပူးပေါင်းရင်းမြစ်များ

Provébiu 1:32

Isimiza'rese'õ norĩ hã te za 're dâ'â za'ra, rowaihu iwẽ hã te te siwi 're wẽ'õ za'ra mono wa. Duré ta norĩ hã rowaihu iwẽ zô 're isi'wapé za'ra mono õ norĩ hã te za 'râwi 're si'uprosi.

Mateu 16:23

Tawamhã Zezusi hã ma tô aipi'ra, Pedruhu u. Ãne te tãma tinha: — Satanasi, mo oto aimorĩ, ĩnhiti. Marĩ hã bâdâdi wa, 're isimi'wara mono, te te 're ida'marõpãrĩ za'ra mono ne, te ĩwasutu u'âsi mo, Ĩmama te te ĩma ipisutuzéb zarina te ĩsina dama uwaimrami tõ da. 'Re ihâimana u'âsi mono nhimirosa'rata nei õ di, asimirosa'rada hã. Ti'ai ãma danhimirosa'rata zarina si te a hã ĩ'ãma irosa'ra.

Luca 12:20

Tahawa, te 'Re ihâimana u'âsi mono hã tãma tinha, ãne: “A hã ma tô ãma i'upa za'ẽ, asimirosa'rata na. Ã bara na te za atâ. Atâ'â wamhã, e 'wa te hã za oto asimarĩ hã, asima si 're i'a'ubumroi pese mono hã.”

Roma 14:13

Tahawa, wasiré isazei'wa nherẽ, 're iwasiwẽ'õ za'ra mono zé hã wa za oto rẽme pese za'ra ni. Ãne zô si, te za asina 're asõpré wa'aba mo, marĩ iwẽ hã 're i'manharĩ za'ra wa'aba mono zéb zô. Marĩ hã 're 'manharĩ za'ra wa'aba mono ré, asiré isazei'wa norĩ hã te te 're ai'madâ'â za'ra wa'aba mono wa, asarina wa'aba tiwasété na 're si'marõpãrĩ tõ za'ra mono da, te za marĩ iwẽ si 're i'manharĩ u'âsi za'ra wa'aba mo.

Hebreu 2:2

Duréihã 'Re ihâimana u'âsi mono nhimiroti hã, hâiwa ãma tãma iromhuri'wa norĩ hã wahi'rata norĩ ma, te te iwaihu'u za'ra zé hã tô sena na 're ihâimana mono na ma tô da te 're waihu'u za'ra. Duré ni'wam norĩ hã õhõ si te te 're 'madâ'â za'ra mono õ wa, duré isarina si 're nomro wẽ mono õ wa, ma tô 'Re ihâimana u'âsi mono hã isimi'manharĩ za'ra zéb zarina si te te 're hâ za'ra.