Roma 10:14 - ꞌRe Ihâimana Uꞌâsi Mono Zadawa Wasuꞌu

¹⁴ E niha te za tawamhã da te tiwi 're waptẽrẽ za'ra, te te 're da'apawapto mono da hã, Cristu, da te dasina 're umnhasi za'ra mono õ nherẽ. Ãne wamhã, dama waihu'u õ di. Duré Zezusihi wasu'uwẽ hã dapo're na da te 're wapari za'ra mono õ ré hã, e niha te za da te dasina 're umnhasi za'ra, Zezusi hã. Da te dasina 're umnhasi waihu'u za'ra mono õ di. E niha te za duré Zezusihi wasu'uwẽ na, da te 're dapawaptob za'ra mono õ nherẽ, da te 're wapari za'ra. Dama waihu'u õ di.

Roma 10:14 ပူးပေါင်းရင်းမြစ်များ

Zona 1:16

Ãne hã te te 'madâ'â za'ra wamhã, ma tipahi pese za'ra, 'Re ihâimana u'âsi mono ma. Tahawa, ma tô tinhimizama hã misi tãma zata za'ra, tinhoprub za'ra zé hã. Te duré ropisudu hã sina tãma 'manharĩ za'ra.

Zona 1:5

Uba're sari'wa norĩ hã ma tô tipahi pese za'ra. Ma tô duré sadari za'ra hâiba mono bâ, ãma 're iwata za'ra mono norĩ ma, ihâiba'õ norĩ ma, te te pawaptob za'ra da. Uba're hã wapu na wara da hã, ma tô ro te te sãmra za'ra âi ba, siré te te i'wasari hã. Taha wana ré, ma tô Zona hã si'ra uba're 'ri 're wa'wa hâiba amoi u hã pi'reba. Tame ma tô nomro. Aptâ'â uptabi wa, ma tô aré nhotõ pe.

Mateu 20:7

— Tawamhã asa te tãma nharĩ za'ra, ãne: “Ni'wa hã marĩ hã te te wama pisutu za'ra õ di, wa te tãma i'manharĩ za'ra zéb da hã. Tahawa, marĩ na hã wa te dame romhuri za'ra õ di, ã bâtâ na hã.” — Tawamhã buru tede'wa te duré tãma rob'ru za'ra: “Mo oto a norĩ wa'aba zama dazarina ai'aba'réi wa'aba, ĩburu na dame romhuri za'ra wa'aba da, uwa 'ru na.” Ãne ma tô buru tede'wa hã satõrĩ za'ra.

Zuwã 20:31

Danho'reptui'wa da, 'Re ihâimana u'âsi mono te te ipisutu na, Zezusihi si 're saze za'ra wa'aba mono da, duré 'Re ihâimana u'âsi mono 'ra na 're saze za'ra wa'aba mono da, ma tô rob'ui'éré'wa hã ãne na ãma romnhihâtâ. E marĩ da, te za Zezusihi si asina 're i'umnhasi za'ra wa'aba mo. Rowẽ u'âsi ãma 're anomro aba mono da, duré 're atâ'â za'ra wa'aba mono ãna 're aihâimana u'âsi za'ra wa'aba mono da, 'Re ihâimana u'âsi mono 'rata, hâiwa ãma. Taha da, te za Zezusihi si asina 're i'umnhasi za'ra wa'aba mo.

Zuwã 9:36

Tawamhã asa te Zezusihi ma tinha, ãne: — E 'wa hã Dasiré Ipodo. Ma'ãpé ĩma wasu'u na, te waihu'u da, duré te saze da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:2

Tahawa, ma tô sadanharĩ za'ra, ãne: — E saze za'ra wa'aba wamhã, ma tô 'Re ihâimana u'âsi mono Tipẽ'ẽzani hã aima sõmri za'ra wa'wa. Tawamhã asa te tãma siwasu'u za'ra: — Mare di, zahadu wa te wapari za'ra õ di, Ipẽ'ẽzani 're ihâimana mono zé wasu'u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:31

Tawamhã asa te tãma tinha, ãne: — E 'wa te te ĩma waihu'u bâ, wa za waihu'u. Tawamhã ma tô 'mahâ, itẽme sarõtõ da, awaru na wedewara zapore 're, siré neb da.

Roma 1:5

'Re ihâimana u'âsi mono hã tinhoprubzéb zarina ma tô Cristuhu ma ĩpisutu siro, ĩpire na te dama 're sadawa wasu'u mono da. Cristuhu ma, te 're romhuri wẽ mono da, ma tô ĩpisutu, ĩnhimiromhurizéb zarina dapoto mono bâ, da te 're sazei pese za'ra mono da, duré da te 're sazei pese za'ra mono wa, isimiroti si, da te 're 'madâ'â pese za'ra mono da.

Éfézu 2:17

Cristu hã ti'ai u wei morĩ wa, ma tô rowasu'uwẽ na te te 're da'apo're pu'u, rowẽ na 're idahâimana za'ra mono zém na hã, 'Re ihâimana u'âsi mono oto te te 're ida'awẽsãmri mono zéb zarina. E marĩ da. Zudeu'õ norĩ hã rowẽ na ãma 're aihâimana za'ra wa'aba mono da, 'Re ihâimana u'âsi mono nhimiroti ré, 're anomro aba mono õ norĩ hã, duré zudeu norĩ, rowẽ na ãma 're wahâimana za'ra mono da, 'Re ihâimana u'âsi mono nhimiroti ré, 're iwanomro mono norĩ hã.

Éfézu 4:21

A norĩ wa'wa hã ma tô Cristuhu wasu'uwẽ hã aipo're na 're iwapari za'ra wa'aba mo. Oto isiré 're aihâimana za'ra wa'aba mono wa, Zezusihi hawi roti tô sena hã aima waihu'u pese za'ra wa'aba di.

2 Timotiu 4:17

Da te ĩrẽme za'ra nherẽ, ma tô Wanhib'apito hã ĩ'rata tihâiba, te te ĩnhiptete da, 'ri para zudeu'õ norĩ ma, te rowasu'u da, Wanhib'apito wasu'uwẽ na. Ãhã wamhã, ma tô Wanhib'apito hã ĩnho'reptu, ĩdâ'â tõ da a'â.

Titu 1:3

Tawamhã bâdâ ma tô oto iwa waptãrã, te te dama iwaihu'uzéb da hã, ãhã wasu'u hã. Tahawa, ma tô we ĩma tisõ, tinhimiroti hã, isadawa para te dama 're sadawa wasu'u mono da, 'Re ihâimana u'âsi mono hã Wa'anho'reptui'wa hã.

Hebreu 11:6

Ni'wam norĩ hã 'Re ihâimana u'âsi mono te te sina 're umnhasi za'ra mono õ nherẽ, ta norĩ ma hã, 're toi mono õ di za, 'Re ihâimana u'âsi mono hã. Duré ni'wam norĩ hã 'Re ihâimana u'âsi mono ãma 're wata za'ra mono da, tipẽ'ẽ na 'râwi itẽme 're sihutu mono da, te te sima 're wẽ za'ra mono wamhã, tô sena 're ihâimana mono na, te za te te 're saze za'ra a'â. Duré 'Re ihâimana u'âsi mono zô si 're isõpré mono norĩ ma, iwẽ na za te te ta norĩ ma iwa'âbâ za'ra na, te za ta norĩ hã te te sina 're umnhasi u'âsi za'ra.

Tiagu 5:15

Tawamhã Wanhib'apito umnhasi sina te te tiwi rowaptẽrẽ za'ra wamhã, Wanhib'apito te za tô sõ'reptu, ihâzé ré hã. Te za tô duré pese. Duré ihâzé ré hã tiwasédé te te 're ab'manharĩ mono nherẽ, iwasédé te te ãma 're ab'madâ'â mono õ di za tô oto.