Roma 10:11 - ꞌRe Ihâimana Uꞌâsi Mono Zadawa Wasuꞌu

¹¹ Duréihã Izaia hã ma tô duré ãne na ibaihâ na rob'ui'éré: “'Re ihâimana u'âsi mono hã, Danho'reptui'wa da, te te ipisudu hã da te dasina 're umnhasi za'ra mono wamhã, niwamhã te te sina 're umnhasi baba za'ra mono õ di za. Te za te te dama ãma 're a'uwaimrami u'âsi.” Ãne Izaia hã te te ãma irob'ui'érézé hã.

Roma 10:11 ပူးပေါင်းရင်းမြစ်များ

Roma 10:10

Zezusi hã wapẽ'ẽ 're, wa te wasina 're i'umnhasi za'ra mono zém na, 'Re ihâimana u'âsi mono hã te te 're iwa'awẽsãmri mono zé hã. Zezusi hã Wanhib'apito na danho'a, wa te dama 're isisi za'ra mono zém na, 'Re ihâimana u'âsi mono te te 're iwa'anho'reptui mono zé hã.

Roma 9:33

Duréihã Izaia hã ma tô ãne na ãma rob'ui'éré, 'Re ihâimana u'âsi mono mreme na: “Ma'ãpé, ĩwapari pese za'ra wa'aba. Zeruzalẽ u, wa za ni'wa hã satõ, Siã na sa'a nhisi u. Ẽtẽ tõmo wawẽ hã bâdâdi wa, dawi 're isa'wari mono hã, te te 're da'marõpãrĩ za'ra mono wa, 're idasirẽme za'ra mono ne, 'Re ihâimana u'âsi mono 'rata 're idanomro u'âsi mono zé hã da te dasina 're uwaimrami za'ra mono õ di za, da te dasiwi 're wẽ'õ pese za'ra mono wa, 'Re ihâimana u'âsi mono Zeruzalẽ u te te isatõrĩ hã. Tane nherẽ, ni'wam norĩ hã te te sina 're umnhasi za'ra mono wamhã, taré te te sina 're umnhasi baba za'ra mono õ di za. Iwẽ hã te za tô te te tãma ãma 're a'uwaimrami, 'Re ihâimana u'âsi mono hã. Tahawa, tãma 're rowẽ u'âsi za'ra mono di za.” Ãne ma tô duréihã Izaia hã ãma rob'ui'éré siro, Cristu za da te dasiwi iwẽ'õzém na hã.

1 Pedru 2:6

Duréihã iwana ré 'Re ihâimana u'âsi mono, ma tô ẽtẽ na Zezu Cristuhu ãma simiré'é. Ãne te tawamhã taha na tinha: “Ẽtẽ tõmo wawẽ hã wa tô pisutu, ĩnhorõwa ãma te hiri da, Siã na 'ri nho'õmo nhisi ãma. 'Ri na'rata wẽ'ẽzéb ãma wa za tihi, 'ri hã siptete na sab da. Ẽne hã ĩma wẽ uptabi di. Ĩma sawi uptabi di duré. Taha umnhasi sina 're dahâimana za'ra mono wamhã, iwẽ na za te te dama ãma 're a'uwaimrami u'âsi mono wa, dawi 're robzei'õ za'ra mono õ di za.”