Roma 1:31 - ꞌRe Ihâimana Uꞌâsi Mono Zadawa Wasuꞌu

³¹ Marĩ iwasété zô si, te ta norĩ hã sima 're sõpré. Simiroti na saprĩ ahâ na te 're hâimana za'ra. Da'ãma 're pẽ'ẽzé za'ra mono õ di. Duré da'ãma 're siwamri za'ra mono õ di.

Roma 1:31 ပူးပေါင်းရင်းမြစ်များ

Provébiu 18:2

Isimiza'rese'õ marĩ te te iwaihu'u da hã te te sima 're wẽ mono õ di. Taré te za tinhimirosa'rata si te te dama 're anhamra.

Mateu 15:16

Tawamhã Zezusi te asa tãma nharĩ za'ra, ãne: — E niha a norĩ wa'aba zama hã, waihu'u za'ra wa'aba õ di.

Marcu 7:18

Tawamhã ma tô tãma nharĩ za'ra, ãne: — E niha a norĩ wa'aba ma zama, aima waihu'u za'ra wa'aba õ di bété. Dasa hã da te 're huri mono wamhã, taha na 're dasiwasété za'ra mono õ di za 'râwi.

Roma 3:11

Duré ni'wam norĩ hã ãne te te waihu'u za'ra õ di, dawẽ na 're idanomro mono zé hã. Duré ni'wam norĩ hã 'Re ihâimana u'âsi mono zô 're sõpré mono õ di, ihâimanazém na te te 're iwaihu'u za'ra mono zéb da hã. Ãne hã tãma robaba uptabi di, 'Re ihâimana u'âsi mono ma hã.

2 Timotiu 3:3

Duré 're idasisawi pese za'ra mono zé hã dama 're hâimana mono õ di za, dapẽ'ẽ 'remhã. Duré da'ãma dapẽ'ẽzézé hã dama 're hâimana za'ra mono õ di za. Duré taré te za dawasédé hã da te da'ãma 're sa'ra za'ra. Duré dawasété wi dasina 're danhiptete za'ra mono õ di za. Duré dazahi u'âsi te za 're dahâimana za'ra. Duré 're idahâimana wẽ za'ra mono norĩ hã te za taré dasi'upana da te 're 'ruiwapari za'ra.