Roma 1:3 - ꞌRe Ihâimana Uꞌâsi Mono Zadawa Wasuꞌu

³ E 'wai wasu'uwẽ, ã hã. 'Re ihâimana u'âsi mono 'ra, Wanhib'apito Zezu Cristuhu wasu'uwẽ. Ta hã Zezusi hã ti'ai ãma dahâiba na dasine 're ihâimana mono na, wama waihu'u pese za'ra di, apito Dawihi nhihudu 're morĩ wa.

Roma 1:3 ပူးပေါင်းရင်းမြစ်များ

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Salmu 2:7

Tawamhã apito te tinha ãne: “Uburé Danhib'apito te te ĩma iwaihu'uzé, wa za dama sadawa 'mahâ. Uburé Danhib'apito, te ĩma tinha ãne: ‘A hã, ĩ'ra. Ã bâtâ na wa tô aimama na aima 're ĩhâimana mono da hã ĩsi'ãma a'ube.

Mateu 1:1

à hã rob'ui'éré hã Zezu Cristuhu hi'rata norĩ za'ratazé. Ta hã Dawihi nhihudu, duré Abra'ãhã nhihudu.

Mateu 1:16

Zaco hã Zuzéhé mama. Zuzé hã Mariaha mro. Ta hawi Zezusi hã ipodo, Cristu na da te 're isisi za'ra mono.

Mateu 1:6

Zésé hã apito Dawihi mama. Dawi hã Salomahã mama. Uriasi idâ'â mro wa, ipodo, Saloma hã.

Mateu 12:23

Tawamhã da'ahâ na ma ãma tatob'uzu za'ra ni. Tahawa, te dasima nharĩ za'ra ni, ãne: — Ãté õ hã apito Dawihi nhihudu, sô 're iwanhimipari za'ra mono.

Mateu 15:22

Tame sãmra ré, ma tô pi'õ zudeu'õ hã itẽme wi, cananeu norĩ siré, ta niwĩ 're isãmra mono hã. Itẽme wisi wamhã, ma tô 'mahâ, ãne: — Apito, Dawihi nhihudu, ma'ãpé ĩ'ãma aipẽ'ẽzé na. Ĩ'ra sipi'õ, wa'uburé ré 're hâimana u'âsi mono wa, ma tô te te 're robzépata za'ẽtẽ u'âsi.

Mateu 26:63

Tane nherẽ, te Zezusi hã ari'iwi za. Tawamhã sasedoti ipire uptabi hã te duré sadanha, ãne: — E a hã Danho'reptui'wa da, 'Re ihâimana u'âsi mono te te i'aipisudu. E a hã 'Re ihâimana u'âsi mono 'ra. Ma'ãpé sena na wama asiwasu'u na. Duré wawi ai'udâ tõ, 'Re ihâimana u'âsi mono nho'a hã.

Mateu 27:43

Õ hã ma tô 'Re ihâimana u'âsi mono hã te te sina 're umnhasi, isiré 'râwi 're imorĩ u'âsi na. Ma tô duré dama 're siwasu'u, 'Re ihâimana u'âsi mono 'ra na. Ma'ãpé ãhã na 'Re ihâimana u'âsi mono te te sõ'reptu oto, wanho'a.

Mateu 3:17

Tawamhã hâiwa hawi te we tinha ãne: — Ã hã ĩ'ra. Ĩma sawi uptabi di. Tãma ĩto za'ẽtẽ uptabi di. — Ãne te we tinha, Imama hã.

Mateu 9:27

Tawamhã 'ri para hawi watobro wamhã, morĩ ré, ma tô aibâ norĩ hã isarina tineb zahuré, itob'a zahuré hã. Tawamhã te 'mahârâ zahuré, ãne: — Dawihi nhihudu, ma'ãpé wa'ãma aipẽ'ẽzé na.

Luca 1:35

Tawamhã asa te duré tãma tinha, ãne: — 'Re ihâimana u'âsi mono, te za we aipawapto, tiwaihu'u pese na aiwasã da, ai'ra da. Taha da, te za Tipẽ'ẽzani hã we atẽme satõ. Tahawa, 'Re ihâimana u'âsi mono 'ra na, te za ai'ra hã da te 're sisi za'ra.

Luca 1:69

Ma tô we oto watẽme satõ iwaihu'u pe hã, Wanho'reptui'wa da hã, apito Dawihi nhihudu hã. Tãma iromhuri'wa, Dawi hã.

Zuwã 1:14

'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.

Zuwã 1:34

Wa hã wa tô ãma 'madâ. Tô sena, wa aima rowasu'u za'ra wa'wa. Õ hã, 'Re ihâimana u'âsi mono 'ra.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

Zuwã 10:30

Wa norĩ hã aiwa wawaihu'u pese di, Ĩmama me.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

Zuwã 20:31

Danho'reptui'wa da, 'Re ihâimana u'âsi mono te te ipisutu na, Zezusihi si 're saze za'ra wa'aba mono da, duré 'Re ihâimana u'âsi mono 'ra na 're saze za'ra wa'aba mono da, ma tô rob'ui'éré'wa hã ãne na ãma romnhihâtâ. E marĩ da, te za Zezusihi si asina 're i'umnhasi za'ra wa'aba mo. Rowẽ u'âsi ãma 're anomro aba mono da, duré 're atâ'â za'ra wa'aba mono ãna 're aihâimana u'âsi za'ra wa'aba mono da, 'Re ihâimana u'âsi mono 'rata, hâiwa ãma. Taha da, te za Zezusihi si asina 're i'umnhasi za'ra wa'aba mo.

Zuwã 7:42

Danho'reptui'wa da hã apito Dawihi nhihudu te za, u, 're mo. Belẽ ãma te za, u, podo, tihi'rata za'ru ãma, Dawihi za'ru ãma. Ãne duréihã ma tô ãma rob'ui'éré siro, 'Re ihâimana u'âsi mono zadawa 'mahârâ'wa hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:30

Ta hã, 'Re ihâimana u'âsi mono zadawa 'mahârâ 'rata 'wa, te 're hâimana. Tawamhã 'Re ihâimana u'âsi mono, ma tô tãma ropisutu, isihudu hã isine dama si'apito da, zahadu wapsi, i'uirĩ na te te dama 're aroti mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:13

'Re ihâimana u'âsi mono, wahi'rata norĩ nhib'apito, Abra'ãhã nhib'apito, duré Izaquihi nhib'apito, duré Zacoho nhib'apito. Ta hã ma tô Zezusi hã wẽsã, tãma iromhuri wẽ 'wa hã. Tane nherẽ, Zezusi hã ma tô asiwi iwẽ'õ za'ra wa'wa. Ma tô asiwi isõmri 'wa, Pilatuhu ma. Taha nho'a, ma tô asiwi iwẽ'õ za'ra wa'wa, te te sima wẽ nherẽ Pilatu hã, morĩ da apâ, dazazém hawi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:36

Tawamhã bâdâdi na neb zahuré ré, ma tô â u aimasisi zahuré. Tawamhã aibâ hã ma tô â hã tãma 'mahâ, Filipihi ma: — Ãhãta â. E wanhimizahâri õ di za a'â, â dawabzuri hã ĩma 'manharĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:20

Tawamhã awa'awi ma tô iwasu'uwẽ na dama ãma sãna'rata oto, rowahutuzé mono bâ, Zezusi hã 'Re ihâimana u'âsi mono 'ra, 're ihâimana mono na hã.

Roma 1:9

Wa hã 're ĩsihâiba zawi mono ãna, wa 'Re ihâimana u'âsi mono ma, te 're romhuri u'âsi, i'ra wasu'uwẽ hã te dama 're iwasu'u mono zém na hã. Wa ai'ãma 're ĩsipo're pu'u u'âsi za'ra wa'wa. Wa duré ai'ãma 're ĩmreme u'âsi za'ra wa'wa, 'Re ihâimana u'âsi mono ma. Tô sena, wa ãne na aima rowasu'u za'ra wa'wa, 'Re ihâimana u'âsi mono ma, ãne hã tãma waihu'u pese uptabi wa. Taha wi si, wa nasi ĩsima rowaptẽrẽ u'âsi ãhã na hã, te te sima iwẽzéb uwaibaba te te ĩma ãma uwaimrami da, ãma atẽme ĩmorĩ za'ra wa'aba da hã.

Roma 4:1

E niha wa za tawamhã wa te wasima 're wasu'u 'rãzarõtõ za'ra, Abra'ã wasiré zudeu norĩ hi'rada hã. E niha ihâimanazé hã.

Roma 9:5

Wahi'rata norĩ nhihudu uptabi, te ta norĩ hã 're hâimana za'ra, dama ipire uptabi za'ra norĩ nhihudu. Cristu hã zudeu hâiba na, ma tô podo, ti'ai ãma. Cristu hã ta hã, 'Re ihâimana u'âsi mono, uburé marĩ hã te te 're i'ab'madâ'â mono. Taha ãma uburé 're wawata u'âsi za'ra wa'aba mono. Tô sena, wa ãne na aima ãma rowasu'u za'ra wa'wa.

1 Corĩtu 1:9

'Re ihâimana u'âsi mono hã wama umnhasi za'ra di, uburé te te wama 're i'aropisutu mono zéb zarina, te te wama ãma 're i'a'uwaimrami mono zéb da hã. Ta hã ma tô te te 're aipisutu za'ra wa'wa, i'ra siré 're anomro aba mono da, Wanhib'apito Zezu Cristuhu siré.

1 Corĩtu 10:18

Izaraéu nhihudu norĩ hã bété. Ta norĩ hã 'Re ihâimana u'âsi mono ma, 're sõprub za'ra mono da, tinhimizama te te 're simroi mono wa, wedeza ne na tãma danhoprubzé nomrizé nhisiwi, da te 're zata za'ra mono õ ré, te za suru na te te sima 're po'o za'ra, inhi hã, ãma 're saihuri mono da. Ãne wamhã, 'Re ihâimana u'âsi mono siré te za 're hâimana za'ra. Tane duré, a norĩ wa'wa hã waihu'u pese newa, romhâiba 'manharĩ ãma 're dawata za'ra mono da, danhimizama da te tãma 're isõmri za'ra mono nhi na, dasiré ãma 're asaihuri aba mono wamhã, te duré dasiré ãma 're aiwata za'ra wa'aba mo, romhâiba 'manharĩ ãma. E ãne hã aima wẽ za'ra wa'aba di. Mare di. Ta hã wẽ õ di, ãma 're i'aiwata za'ra wa'aba mono hã, dame.

Galata 4:4

Tawamhã bâdâ oto iwa waptã'ã wamhã, 'Re ihâimana u'âsi mono hã ti'ra ãma te te irotizéb zarina, ti'ai u we te te isatõrĩ da hã. We te te satõrĩ wamhã, ma tô pi'õi ma i'ra hã tãma podo oto, zudeu na. Zudeu na poto wa, pire na ma tô tãma 're hâimana, 'Re ihâimana u'âsi mono nhimiroti hã, Mozésihi ma te te 're i'awaihu'u mono hã.

1 Tesalonita 1:10

I'ra hã hâiwa hawi apâ we imorĩzéb zô, te 're simipari u'âsi za'ra, ab're hawi apâ te te ihâiwa'utu zô.” Ãne te wama aiwasu'u za'ra wa'wa. Tane tô. Ta hã Zezusi hã, Wanho'reptui'wa. Ma tô wanho'reptu za'ra, 'Re ihâimana u'âsi mono hã za te te idahâ za'ra zé wi hã.

1 Timotiu 2:5

Misire hâiwa ãma 're ihâimana mono si, uburé Danhib'apito uptabi hã. Misire da'ãwisi wẽ 'wa Wamama u hã. Ta hã Cristu Zezusi, aibâ na 're ihâimana mono.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

2 Timotiu 2:8

Ma'ãpé, Zezu Cristuhu ãma 're rosa'rata pese mono. Ta hã dâ'â nherẽ, ma tô ab're hawi hâiwa'udu, Dawihi nhihudu hã. Wanhib'apito wasu'uwẽ na te 're da'apo're pu'u mono wamhã, taha wasu'u na wa tô te dama 're rowasu'u u'âsi.

1 Zuwã 1:3

E marĩ da, wa ãne aima rowasu'u za'ra wa'aba ni, wa te 're i'madâ'â za'ra mono zém na hã, duré wa te 're iwapari za'ra mono zém na zama. Wamama siré 'râwi 're iwahâimana za'ra mono ne, duré i'ra siré Zezu Cristuhu siré 'râwi 're iwahâimana za'ra mono ne, a norĩ wa'aba zama isiré 're aihâimana za'ra wa'aba mono da, wa ãne aima waihu'u za'ra wa'aba ni.

1 Zuwã 3:23

E niha tawamhã, 'Re ihâimana u'âsi mono nhimiroti hã, wa te 're i'madâ'â pese za'ra mono zéb da hã. Ãne isimiroti hã. I'ra Zezu Cristu, wa za wa te wasina 're umnhasi za'ra, Danho'reptui'wa na. Duré te te wama 're iroti za'ra mono zéb zarina si, wa za 're wasisawi pese za'ra. Ãne isimiroti hã.

1 Zuwã 3:8

Wa'uburé hã, wa'rui'wa hã ropoto na'rata hawim haré, te tiwasédé hã te te 're ab'manharĩ u'âsi. Tahawa, ni'wam norĩ hã tiwasédé te te 're 'manharĩ u'âsi za'ra mono wamhã, ta norĩ hã te Wa'uburé nhib'a'uwẽ na 're hâimana za'ra. Taha nhimiromhuri wasédé hã te te tiwi pari da, ma tô 'Re ihâimana u'âsi mono 'ra hã we ti'ai u hã datẽme mo.

1 Zuwã 4:15

Ni'wam norĩ hã te za ãne te te dama 're wasu'u za'ra: “Zezusi hã 'Re ihâimana u'âsi mono 'ra. Ta hã ma tô 'Re ihâimana u'âsi mono hã we ti'ai u satõ, Danho'reptui'wa da.” Ãne na ni'wam norĩ hã te te dama 're wasu'u za'ra mono wamhã, ta norĩ 'ratap si te 'Re ihâimana u'âsi mono hã 're hâimana, 'râwi. Ta norĩ si te duré 'Re ihâimana u'âsi mono siré hã 're hâimana u'âsi za'ra, 'râwi.

1 Zuwã 5:1

Ni'wam norĩ hã, Zezu Cristu, Danho'reptui'wa da, 'Re ihâimana u'âsi mono te te ipisutu na te te 're sazei pese za'ra mono wamhã, ta norĩ si te 'Re ihâimana u'âsi mono 'ra, 're hâimana za'ra. Ni'wa hã aibâ hã wama sawi pese za'ra wamhã, taha u'âbâ, wa za duré i'ra norĩ hã wa te 're sawi pese za'ra.

1 Zuwã 5:20

Ãne wa tô duré waihu'u za'ra ni. Zezusi hã, 'Re ihâimana u'âsi mono 'ra hã ma tô wei mo, ti'ai u. Ta hã ma tô tinhimiroti na te te 're wa'apawapto, 'Re ihâimana u'âsi mono hã tô sena uptabi hã wa te 're iwaihu'u pese za'ra mono zéb da hã. I'ra ãma, Zezu Cristuhu ãma 're wanomro mono wa, wa duré Imama ãma 're wanomro, tô sena uptabi 're ihâimana mono ãma. Zezusi hã, ta hã uburé Danhib'apito uptabi. Ta hã dapẽ'ẽ 're dadâ'â ãna 're idanomro u'âsi mono zé hã, te te dama 're i'apisutu mono. Ãne na wa tô wasiwi waihu'u pese za'ra ni.

1 Zuwã 5:5

E 'wam norĩ hã te za tawamhã 'Re ihâimana u'âsi mono wẽ'õ'wa norĩ zada hã, siptete sina 're hâimana za'ra. Zezusi hã, 'Re ihâimana u'âsi mono 'ra na te te 're isaze za'ra mono norĩ si, te za sada 're hâimana u'âsi za'ra, 'Re ihâimana u'âsi mono wẽ'õ'wa norĩ zada hã.

2 Zuwã 1:7

'Re ihâimana u'âsi mono zadawa wasu'u uptabi 'wa newa, roti tô senai'õ na te te dama 're iroti za'ra mono norĩ hã ahâ uptabi na te oto 're hâimana za'ra. Daro mono bâ te dawazari 're hâimana za'ra. Zezu Cristu hã, a'uwẽ hâiba na dasiré ipoto õ na, te ta norĩ hã sô 're simrami za'ra dama, 'Re ihâimana u'âsi mono hã Danho'reptui'wa da, te te ipisudu hã. Ni'wam norĩ hã ta norĩ ne 're hâimana za'ra mono wamhã, te za iwaihu'u za'ra wa'wa, roti tô senai'õ na te te dama 're iroti za'ra mono hã. Te za duré iwaihu'u za'ra wa'wa, Cristuhu zada 're ihâimana za'ra mono na hã.

Apocalipsi 2:18

— Te za oto irob'ui'é, Tiatira na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã 'Re ihâimana u'âsi mono 'ra, wa aima roti za'ra wa'wa. Ĩto hã te unhama ro'o si'ubuzi ne 're si'ubuzi zahuré. Duré ĩpara hã te ẽtẽ topsada brõzi ne 're si'ubuzi zahuré.